इब्रानी 6

1-2हिना लःअय एला, ख्रीस्त आला सुरू रअः सिकछा रअः बबाहास के बाई केते पेरे:ग पखी सेनाबु, आउर बुराई कामी तरअः मन रूरुवाड़, परमेसर रे बि-बिसवास, बतिस्मा आउर तीः दोदोहो, गोएःग उनकु आला जिवीःड-बिरिडोः आखरी नेयाय रअः सिकछा रेनअः नेव, फिन आउर इरबु लगाया। 3आउर जदि परमेसर चहाआय दो सुरू रेनअः सिकछा के बाई केते पेरे:ग उना पखी बढ़ाव सेनपे। 4एता लःअय ची मिखेप सचाई के पाड़ी केदाकु, आउर जे सिरमा रअः बरदान के चखाव चुकाव नाकु, आउर पबितर आतमा रिनकु भागीअः नाकु। 5आउर परमेसर आला बेस से बेस बचन रअः, हिजोआ जुग रअः समरथ के चखाव चुकाव तनाकु। 6जदि हुंकू भटकाव नाकु दो हुंकू के मन रूवाड़ लःअय आउर गी नावाँ बनाअः एरे दड़ीआ, एता लःअय ची हुंकू परमेसर आली होपोन तेके आउर गी कुरूस रे रकाबीयाकु, आउर देखार रेगी हुंकू काकु आदारीया, 7आउर जे ओत बरखा रअः दाअः रे, जे होना रे घड़ी-घड़ी गामायाय आउर नुयाय, आउर होना रे सियोअ हेरोः वाला आनाईज कु नामेआ, होना ओत परमेसर तरअः आसीस नामेआय, 8#एहेः 3:17,18आउर जदि ओत होनारे झुंड़ आउर जानुम झुंड़ ओमोन केते हराअ चिआय, दो होना बेकाम आउर भखाअ लाईक एदनाआ, आउर होना रअः आखरी लोयोअ हेके।

9ए दुलार गाती, सेरे होः ईङ नोकान कंहड़ीईंङ, सेरे होः ईङ आला पक्का बिसवास एदनाआ, ची आपे आला दासा नोःआँ तरअः जादे बेसा। आउर आपे उधार रअः होरा रे चलाआपे। 10एता लःअय ची परमेसर काय अनयाय येआ। आपे आला काम आउर आपे आला होना पेरेम, जे आपे परमेसर आला नुमू लःअय नोःआँ रिती देखाव लअपे, ची पबितर बिसवासीकु आला सेवा लअपे, आउर नहाअः होः सेवायापे, होना के परमेसर एरे रिड़िंगेआ। 11आबु मुरुक चाहाअबु ची आपे मेसे जामा होड़ जिनगी भाईर निकान गी कठोर मेहनाईत एकायपे। जदि आपे नोकानेआपे दो आपे सचेगी होना के नाम केआपे जेकर आपे आसरा एकाअ दापे। 12आपे आलपे कुड़ही कोअ, बकिर होना के नमुना बनायपे जे बिसवास आउर धीरज रेनअः चलते वादा रअः हिसेदारी योअ पे।

परमेसर आला जबरजस करार

13परमेसर जब अब्राहम तरअः वादा लःअय दो किरया जोम लःअय आनेःग दुबाःड़े आनेःग तरअः बड़े ओके होः काकु थिना, हिना लःअय हुनी आनेःग आला नुमू रिगी किरया जोम लःअय। 14#एहेः 22:16,17“सचेगी आमके आसीस एमा मीईंग आउर आम आला बंसवाईर के बढ़ाव एकायींङ,” 15हिना लःअय अब्राहम डिढ़ केते आसरा एकाय केनाय, तेकर तयोम हुनी, हुनी के नाम लियाय, जे वादा लअः थिना, 16मनवा दो अपन तरअः बड़े जाहें आला किरया जोमेआकु, आउर हुंकू आला जामा झगड़ा किरया जोम लअः रे चाबा जुनोआ। 17हिना लःअय जे बेरा परमेसर वादा रिनकु हकदार कु रे, आउर गी दिसतार भेस रे दि-दिसतार नामाय, ची हुनी आला इकछा एरे बदली योआ, हिना लःअय किरया जोम केते वादा लःअय। 18ची नोःआँ रे बरिया बात एदनाआ, हुनी आला किरया आउर हुनी आला करार जे कहियो एरे बदलाआ, आउर होना रअः बारे परमेसर कहियो झुठा एरे कंहड़ीआ, आबु डिढ़ केते ढाढ़स तोलेबु हिना लःअय जे आबु परमेसर दुबाःड़े बेस केन तहिनोअ लःअय हीःग तनाबु, आउर जे आसरा आबु के एम तदाय, होना के सा:ब तापे। 19#लेवी 16:2होना आसरा आबु आला जीव लःअय नोकान डोंगा घाट लेकाना, जे आबु के असथीर आउर केटे:ग ताबुआय, जे लकान लंगर#6:19 लंगर मियांड मेड़हेःड रअः बड़ेअ केन जानुम के दाअः रे उयुगेआकु आउर लतार रे सेन केते थंभाव जुनोआ हिना लेकन आबु आला आसरा जामा तरअः बड़े पबितर ठाँव रे परदा तरअः पछली पखी दोहोयाकु। 20#सिरिंग 110:4जे दुबाःड़े ईसु मिलकीसेदेक लेकन जुग-जुग रिनी महापुरोहित पाड़ी केते आबु लःअय अगुवा रअः भेस रे बोलो तनाय।

Currently Selected:

इब्रानी 6: ASR

Highlight

Copy

Compare