Popular Bible Verses from इब्रानी 6

Share

होना आसरा आबु आला जीव लःअय नोकान डोंगा घाट लेकाना, जे आबु के असथीर आउर केटे:ग ताबुआय, जे लकान लंगर के दाअः रे उयुगेआकु आउर लतार रे सेन केते थंभाव जुनोआ हिना लेकन आबु आला आसरा जामा तरअः बड़े पबितर ठाँव रे परदा तरअः पछली पखी दोहोयाकु।

एता लःअय ची परमेसर काय अनयाय येआ। आपे आला काम आउर आपे आला होना पेरेम, जे आपे परमेसर आला नुमू लःअय नोःआँ रिती देखाव लअपे, ची पबितर बिसवासीकु आला सेवा लअपे, आउर नहाअः होः सेवायापे, होना के परमेसर एरे रिड़िंगेआ।

ची नोःआँ रे बरिया बात एदनाआ, हुनी आला किरया आउर हुनी आला करार जे कहियो एरे बदलाआ, आउर होना रअः बारे परमेसर कहियो झुठा एरे कंहड़ीआ, आबु डिढ़ केते ढाढ़स तोलेबु हिना लःअय जे आबु परमेसर दुबाःड़े बेस केन तहिनोअ लःअय हीःग तनाबु, आउर जे आसरा आबु के एम तदाय, होना के सा:ब तापे।

हिना लःअय एला, ख्रीस्त आला सुरू रअः सिकछा रअः बबाहास के बाई केते पेरे:ग पखी सेनाबु, आउर बुराई कामी तरअः मन रूरुवाड़, परमेसर रे बि-बिसवास, बतिस्मा आउर तीः दोदोहो, गोएःग उनकु आला जिवीःड-बिरिडोः आखरी नेयाय रअः सिकछा रेनअः नेव, फिन आउर इरबु लगाया।