इब्रानी 13
13
मसी जिनगी जिविडोअ रअः होरा
1हिना लःअय एला आबु बोको बोयहाकु लोः दुलार से ताहिनोआबु। 2#एहेः 18:1–8; 19:1–3गुतीया कु आला सेवा-सुसार आलपे रिड़िःग के, एता लःअय ची नोःआँ लकान रे थोड़ेक होड़ दो अनजान सिरमादूत के सेवा तदकुआकु। 3जेहेल उनकु के नोकान सेवा कुपे, मनअपे ची आपे होः जेहेल रे एदान पेआ, आउर जेकर लोः बुरा बेवहारेआकु हुंकू लोः होः, नोकान समझाव केते सेवा कुपे जाइसन ची आपे आला होः होड़ो एदनाआ। 4आपे जामाकु रे बिहा आदर रेनअः बात समझाअ चाही, आउर बनार कुलगिया आला बेवहार पबितर हुयाअः चाही, एता लःअय ची परमेसर लंपटकु आउर ब्यबिचारीकु आउर एटाअ लाईंकु लोः बेलाज कामीकु के नेयाय किकुआय। 5#कन 31:6,8; जहो 1:5आपे धन रअः लोभ अलुपे के। जे आपे दुबाःड़े एदनाआ हिना रे सान्तोक ताहिनपे, एता लःअय ची परमेसर अनेःग गी कंहड़ीआय, “ईङ आपे के इरिंग बाईपेआ आउर कहियो इरिंग रिड़िःग पेआ।” 6#सिरिंग 118:6हिना लःअय ईङ बिसवास केते नोकान कंहड़ीईंङ,
“परभु ईङ के सहेताङाय,
ईङ इरिंग बोरा,
मनवा ईङ के एतान दाड़ी किङाकु?”
7जे आपे आलकु अगुवा हेके, हुंकू के इयाईद कुपे, जे आपे के परमेसर आला बचन के उदूऊ लेपेआकु, आउर हुंकू आला चाईल-चकर रअः नतीजा धेयान से नेल केते बिसवास केते चलाअ पे। 8ईसु ख्रीस्त होला आउर तिसिंग आउर जुग-जुग जगुत मियांड गीआय। 9बरने-बरन रअः आउर बाहरी सिकछा तरअः आलपे भटकाव कोअ, एता लःअय ची मन रअः दया तरअः डिढ़गार ताहिनोअ बेस एदनाआ, ना ची होना जोजोम वाला जिनीस रे चलाअ वाला कु के एतान होः फयदा का योआ। 10आबु आला मियांड बिदी एदनाआ, जेकर रे हुंकू के जोजोम रअः हक कनोआँ जे तंबू रे सेवायाकु। 11#लेवी 16:27एता लःअय ची जे जनवर आला मयोम के बड़े पुरोहित पाप बलि लःअय अगम पबितर ठाँव रे इदीयाकु, हिंकु आला होड़ो के जामेकु आला डेरा तरअः बाहरीते इदी केते तियांग गुलताकेनाकु। 12हिना लःअय ईसु होः सहर तरअः बाहरी दुख सहाव लःअय ची हुनी अपन मयोम तरअः होड़कु के पबितर कुई। 13हिना लःअय एला, हुनी आला निन्दा अपन तेंग रे इदी केते छावनी रेनअः बाहरी, हुनी दुबाःड़े सेनाबु। 14एता लःअय ची नोआँड़े आबु आला असथीर ताहिनोअ वाला सहर कानोआ, बकिर आबु मियांड हिजोअ वाला सहर रअः खोजाईर रे एदानबुआ। 15एला आबु ईसु दोवारा परमेसर के इसतुती रअः बलिदान इमाई याबु, माने कि जे होना लुचीर रेनअः जोअ हेके जे हुनी आला नुमू रेनअः अंगीकारेआकु, परमेसर लःअय जामा बेरा रकाबेपे। 16भलाईयेपे आउर एटाअ होड़ के खुला मन तरअः मदाईत कुपे, निआँ लकान बलिदान तरअः परमेसर खुसोआय।
17अपन अगुवाकु आला हुकूम के मनाअ पे आउर हुंकू आला लतार रे तहिनपे, एता लःअय ची हुंकू आपे आला खेयालेआ कु, जेके हिसाब एमोअ पड़ाव कोआ, हिना लःअय हुंकू नोःआँ कामी के खुसी से कामीकु, दुख से कोवान, एता लःअय ची नोःआँ दसा रे आपे के एतान होः फयदा कनोआँ।
18आले लःअय बिनती एकायपे, एता लःअय ची आले के भरसा एदनाआ ची आले आला भितरी मन सुधा, एता लःअय ची आले जामा बेरा बेस चाईल-चकर चलाअ नामाले। 19ईङ खास केते निआँ गोहराअ ईङ ची बिनती एकायपे, ची ईङ जलदी गी आपे दुबाःड़े हिजोअ दाड़ीईङ।
20नहाअः दो सानती एमोई परमेसर आबु आली परभु ईसु के, जे भेंड़ाकु आली महान देखा तताखा वाला इदानियाँ, का-अन्तोः वाला करार रअः मयोम तरअः, गोएःग उनकु मेसे जिवी:ड केते आगु लिबुआय। 21हुनी आपे के जामा बेस बात रे सुध केपेआय, जेकर से ची आपे हुनी आला इकछा के पुराय पे, आउर हुनी के जहान पतियासी आदायोआ, ईसु ख्रीस्त पखी तरअः आबु रे सिरजाये, जेकर महिमा! जुग-जुग हुयाव एकायोअ। आमीन!
22ए बोको बोयहा कु ईङ आपे तरअः गोहराअ तनिङ, ची नोःआँ ढाढ़स रेनअः सिकछा के धीरज ते गरहानेपे, एता लःअय ची ईङ आपे लःअय नोःआँ के कटिअ केन लिखाअ दिंग। 23ईङ चहाईंग ची आपे पाड़ीपे ची आपे आली बोको तिमुथियुस जेहेल तरअः छोड़ाव नाय, आउर हुनी तुरते गी हीःग सोदोर नाय, दो ईङ हुनी लोः आपे दुबाःड़े भेंटोः लःअय हिजोईंग।
24आपे आलकु जामे अगुवाकु के आउर जामे पबितर बिसवासीकु के जोहार कुपे। इटली राईज तरअः हीःग उनकु आपे के जोहार कंहड़ीआकु।
25परमेसर आला दया आपे एड़े हुयाव एकायोअ।
Currently Selected:
इब्रानी 13: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
