याकुब जान-चिनहार
जान-चिनहार
याकुब रआ नोःआँ चिठी ईसु आली बोको याकुब दोवारा लिखा लअः हेके। हुनी सुरू रअः जिरोसलेम कलीसिया रे मियांड अगुवा ताही नेनाय, (प्रे.कामी 15:13) प्रेरित पौलुस हुनी के गला 2:9 रे कलीसिया रिनी खुंटा होः कंहड़ी लःअय। बिद्दवान मनाआकु ची याकुब रअः चिठी रअः लि-लिखा मसी आला जनम रेनअः 50 साल तरअः थोड़ेक तयोम हुयाव नेना। चूँकि याकुब जिरोसलेम रअः कलीसिया रिनी मियांड अगुवा ताही नेनाय, हिना लःअय ढेर संभव हुयाव सकाआ ची हुनी नोःआँ पुथी के होनाःड़े ताहिनोः तुली लिखा तदाय।
याकुब नोःआँ चिठी के ढेर राईज रे छितिर-बितिर ताहिनाकु बारहों गोतोरकु के सम्बोधित कुआय (1:1 )। याकुब आला चिठी रे एम लअः सिकछा होंकान दो जामे मसीही कु लःअय लागु एदनाआ, बकिर बारा गोतोरकु आला सब्दावली प्रयोग नोःआँ पखा अड़िःग याय ची याकुब सीधे जाहुदी मसीही कु के लिखाअः दाय। एता लःअय ची नोःआँ चिठी रेनअः संदेस पढ़ाकु आला मियांड ब्यापक खुड़हा जगुत सोदोर थिलाआय, नोःआँ अपने आप रे ढेर बारे के समुटाव तदाय। याकुब बिसवास आउर कामी रेनअः संबध रे उदूः एमेआय। हुनी उदूगेआय ची सचा बिसवास कामी तरअः नेल कोआ (2:17 )। हुनी धनगार होड़कु आउर रांगेःग-तेताङ कु पछपत कु रअः बिरोध रे चेतावनी (2:1–4)। तेकर आबु के उदूगेआय ची आबु एतान कुछ कंहड़ीयाबु, होना प्रति चौंचित ताहिनकु (3:1–12)।
रुपरेखा
1. याकुब अपन पढ़ाकु के जोहार बेता कुआय (1:1)
2. होना तयोम हुनी मसीही कु के सताव रेनअः ताला रे खतिर दो-दोहो लःअय जोस एमा कुआय (1:2–27)
3. फिन हुनी उदूगेआय ची नोःआँ इकिन दरकार एदनाआ ची बिसवास काम कामी दोवारा दिसतारोः (2:1–26)
4. होना तयोम हुनी उदूगेआय ची सब्द रेनअः सवांग इकिन हुयाव सकाआ (3:1–12)
5. फिन याकुब बखान केते उदूगेआय ची एता लकान परमेसर आला गेयान दुनिया रेनअः बुधी तरअः आलगेआ। (3:13—4:10)
6. फिन हुनी घमंडीयोः रअः बिरोध चेतावनी एमेआय (4:11—5:6)
7. आखरी रे याकुब थोड़ेक आउर दिसा-निर्देस एम यआते अपन चिठी चबायाय (5:7–20)
Currently Selected:
याकुब जान-चिनहार: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0