इब्रानी 11

बिसवास रअः महान नमुना

1बिसवास, आसरा लअः जिनीस रअः पका, आउर का नेल लअः जिनीस रअः पसिठा हेके। 2बिसवास रअः चलते आबु आलकु पुरखाकु के परमेसर आला बेस गोवाही भेटाव नेना। 3#एहेः 1:1; सिरिंग 33:6,9; सं.जोह 1:3बिसवास तरअः गी आबु पाड़ीआबु ची गोटा दुनिया परमेसर आला बचन रे सिरजाव ताना, नोःआँ जे नेलेआबु, जिनीस तरअः कोवान।

4 # एहेः 4:3–10 बिसवास तरअः गी हाबिल काईन तरअः बेस से बेस बलिदान परमेसर लःअय रका:ब लःअय, बिसवास रअः चलते हुनी धरमी ठहराव नेनाय, एता लःअय ची परमेसर हुनी आला भेंट के गरहन लःअय, सेरे होः हुनी गोएःग नाय। हुनी आला नोःआँ बिसवास नहाअः आबु लःअय गोवाह हेके। 5#एहेः 5:21–24बिसवास तरअः गी हनोक के नोःआँ जिनगी तरअः तेंग रका:ब लियाकु, ची हुनी मराईन के अलुई नेले। आउर फिन हुनी काय नेल नेना, एता लःअय ची हुनी के परमेसर अलगाव इदी ताही लियाय आउर हुनी के आ-अलगाव तरअः पहिल रेगी धरम पुथी रे नुई रअः बारे रे गोवाही एमेआय ची हुनी परमेसर के खुस थिलयाय। 6आउर बेगर बिसवास रे परमेसर के खुखुस एरे दड़ीयोआ, एता लःअय ची परमेसर दुबाःड़े हिजोअ कु के बि-बिसवास चाही ची परमेसर एदानिया, आउर जे हुनी आला खोजार रे एदानिया हुनी के बानी एमा कियाय। 7#एहेः 6:13–22बिसवास तरअः गी नूह होना बात रअः बारे जे हिमीन रे का नेलोअ केना, परमेसर तरअः चेतवन नाम केते भकती यअते अपन घराईता रिनकु के ब-बंचाव लःअय दाअः जहाज बनाव लःअय, अपन बिसवास तरअः गी हुनी नोःआँ दुनिया रिनकु होड़कु के दोसी ठहराव लिकुआय, आउर होना धरम रिनी हकदार बनाव नेनाय जे बिसवास तरअः गी हुयाआ।

8 # एहेः 12:1–5 बिसवास तरअः गी अब्राहम परमेसर आला हहकाव के गरहन लःअय, आउर नोःआँ होः काय पाड़ी केना ची ओकाते तोराईङा, हुनी होना राईज लःअय चलाव नाय जेकर हुनी हकदार बनाअः वाला ताहीनाय। 9#एहेः 35:27बिसवास तरअः गी जे राईज के हुनी के एमोअ लःअय जबान एमा ताही लियाय, होना रे हुनी अनजान परदेसी लेकन कुम्बा रे ताहीनाय। इसाहक आउर याकुब ताहिनोअ केनाकिन, जे हुंकिन लोः परमेसर आला वादा रिनकीन हकदार ताही नाकिन। 10एता लःअय ची हुनी तिंगु ऊना नेव वाला सहर रअः आसरा नेल केनाय, जेकर सिसिरजावी आउर बबनावी परमेसर हेके।

11 # एहेः 18:11–14; 21:2 बिसवास तरअः गी, सारा बांझी आउर सिंयाड़ी ताही नेनाय रे होः गी चेंगा जनमाव रेनअः सवांग भेटाव नेना, एता लःअय ची जे ककरार वाला के सचे मनाव ताही नेनाय। 12#एहेः 15:5; 22:17; 32:12हिना लःअय अब्राहम तरअः गी जे गोएःग ऊना लकान ताहीना, सिरमा रिनकु इपील आउर समुदर रअः बितील लकान बेहिसाब बंसवाईर सिरजाव नेनाकु।

13 # एहेः 23:4; 1 इति 29:15; सिरिंग 39:12 बिसवास के दोहो केते हुंकू गोएःग नाकु। जे जिनीस रअः वादा एम ताही लअकु, हुंकू होना जिनीस के काकु नाम लअः। हुंकू होना के लंका तरअः गी नेल लअकु आउर होना रअः सोवागत लअकु। आउर हुंकू नोःआँ मनाव नेनाकु ची नोःआँ धरती रे परदेसी आउर अनजान एदान लेआ। 14हुंकू होड़ जे नोकान कंहड़ी के कंहड़ीआकु, हुंकू नोःआँ नेलेआकु ची हुंकू मियांड नोकान राईज रअः खोजाईर रिकुआ जे हुंकू आला अपन हेके। 15हुंकू होना राईज रअः काकु सोचाया जे ठाँव तरअः हुंकू हीःग तानाकु, एता लःअय ची हुंकू होना रे रूवाड़ दाड़ी ताकेआकु। 16हुंकू दो मियांड बेस से बेस राईज माने कि सिरमा राईज रअः खोजाईर रे ताहिनाकु, हिना लःअय परमेसर हुंकू आली परमेसर कंहड़ीयोः लःअय काय लजोआ। हुनी दो हुंकू लःअय मियांड सहर तेयार केते दोहो तदाय।

17 # एहेः 22:1–14 बिसवास तरअः गी अब्राहम परीकछा रअः बेरा रनगोटा इसाहक के बलिदान रका:ब लियाय। हुनी जे वादा के सचा मनाव नेनाय, अपन होपोन के बलि रा-रकाःब लःअय तेयार ताहिनाय। 18#एहेः 21:12आउर हुनी लोः करार लआ ताहिना “इसाहक तरअः गी हुनी आला बंसवाईर बढ़ाव कोआ।” 19अब्राहम पाड़ी चुकाव ताही लःअय ची परमेसर रे गोएःग उनकु के जिजिवी:ड रअः सवांग एदनाआ, हिना लःअय मि बरन रे गाम रअः भेस रे हुनी होः इसाहक के गोएःग उनकु रे जिवी:ड उनी नाम लियाय। 20#एहेः 27:27–29,39,40बिसवास तरअः गी इसाहक याकुब आउर एसाव के हिजोअ वाला बात रे आसीस एमा लिकिनाय। 21#एहेः 48:1–20; एहेः 47:31बिसवास तरअः गी याकुब आला गोजोअः बेरा, जोसेफ आलकिन बनार बाबु तेके आसीस एमा लिकिनाय, आउर अनेःग आला ठेंगा रअः सहाड़ा रे तिंगु केते परमेसर के आराधना लियाय। 22#एहेः 50:24,25; उइठ 13:19बिसवास तरअः गी जोसेफ अनेःग गोजोअः बेरा, मिसर तरअः इसराइलीकु के उडुंग जुनोः रअः कंहड़ी लःअय आउर आएंग आला जांग के इदी यअपे मेन केते हुकूम लिकुआय।

23 # उइठ 2:2; उइठ 1:22 बिसवास तरअः गी मुसा आलकिन एंगाते आपाते, जनमाव केते पे माइहना जगुत उकु केते दोहो ताही लियाकिन, एता लःअय ची चेंगा सुंदराहा एदानिया आउर हुंकिन राजा आला हुकूम तरअः काकिन बोरो नेना। 24#उइठ 2:10–12बिसवास तरअः गी मुसा बड़े नेनाय हिमीन रे फिरौन राजा आली माईते आली बाबु कंहड़ीयोः तरअः कोवान कंहड़ी लःअय। 25निआँ लःअय ची मुसा के बुराई तरअः थोड़ेक दिन लःअय सुख नानाम तरअः परमेसर आलकु होड़ लोः दुख स-सहाव बेस से बेस समझाव नेनाय। 26ख्रीस्त लकान निन्दा योअ, आउर मिसर राईज रअः भंडार तरअः, हुनी के किमती धन समझाव नेनाय, एता लःअय ची हुनी अनेःग आला बानी नाम केनाय। 27बिसवास तरअः गी मुसा राजा आला खीस तरअः बेगर बोरो ते मिसर राईज के बाई केदाय, एता लःअय ची का नेलोअ वाला परमेसर के, मनाअपे ची नेल लिदी लकान बिसवास रे केटे:ग बनाल ताही नेनाय। 28#उइठ 12:21–30बिसवास तरअः गी हुनी पासका रअः परब आउर मयोम छिछिटकाव रअः कनहुन मनाव नेनाय, ची नोनोकसान वाला हुंकू इसराइलीकु आलकु पाठ होपोन के तीः तरअः होः छुछुँवाव आलकु दाड़ी।

29 # उइठ 14:21–31 बिसवास तरअः गी इसराइलीकु लाल समुदर तरअः पारोंग नेनाकु, नोकान मनाअपे ची रोहोड़ ओत हेके, आउर मिसरी कु होः हिकान गी पारोंगोअ नाम केनाकु, दो जामा डुबाव गोएःग नाकु। 30#जहो 6:12–21बिसवास तरअः गी सात रोज जगुत जेरीहो सहर रेनअः हाता के किंदराव लअकु रे होना घेरा धसाव नेना। 31#जहो 6:22–25; जहो 2:1–21बिसवास तरअः गी छंदबाइसी लाईं रहाब, परमेसर के का मनाअ वाला कु लोः काय नास नेना, एता लःअय ची हुनी इसराइली भेदीकु के जतनाव केते दोहो ताही लिकुआय।

32 # नेया 6:11—8:32; नेया 4:6—5:31; नेया 13:2—16:31; नेया 11:1—12:7; 1 समु 16:1—1 राजा 2:11; 1 समु 1:1—25:1 नहाअः दो ईङ आउर एतान कंहड़ीईंङ? एता लःअय ची नहाअः बेरा कनोआँ, ची गीदोन आला, बराक आला, सिमसोन आला, इपताह आला, दाऊद आला, समुएल आला, आउर आगमजानीकु आला बखानेईङ। 33#दानि 6:1–27नुकू बिसवास तरअः गी राईज जिताव नेनाकु, धरमिकता रअः काम कामी लअकु, वादा लअः जिनीस के नाम लअकु, बड़े कूल आला आहा के खपाव लअकु। 34#दानि 3:1–30धिनकाअ सेंगेल के इड़िःग लअकु, तलवाईर रअः धार तरअः बंचाव नेनाकु, पयहा कुके सवांग भेटाव नेना, आउर लड़ाई रे सवांगिया बनाव नेनाकु, एटाअ राईज रिनकु पलटनकु के हुमाअ जोला लिकुआकु। 35#1 राजा 17:17–24; 2 राजा 4:25–37लाईंकु अपन गोएःग उनकु के दोबारा जिवी:ड नाम लिकुआकु, ढेर होड़कु दो माऊर जोम केते गोएःग नाकु, आउर छोड़ाअः काकु नाम नेना, एता लःअय ची बेसकेन जिवीःड-बिरिडोः रे भागीयोअ कु। 36#1 राजा 22:26,27; 2 इति 18:25,26; जिर 20:2; 37:15; 38:6ढेर होड़ के दो लाँदा ठठाओ लिकुआकु, आउर कोड़राव लिकुआकु, आउर पटनी रे तोल लिकुआकु आउर जेहेल रे घलाव केते परखाव लिकुआकु। 37#2 इति 24:21आउर टुकू रे छेछोम लिकुआकु, आउर आरा रे चिरा लिकुआकु, आउर तलवाईर रे छिनटाव लिकुआकु, हुंकू गरीब रे आउर स-सताव रे आउर दुख सहाव यअते भेंड़ा आउर मेरोम आला हरता के ऊयु केते होनते-नोनते भटकाव एकायोअ केनाकु। 38दुनिया हुंकू जुकूर का ताही नेना, हुंकू बुरू आउर टुंगरी रअः लात रे आउर धरती रअः गड़हा रे भटकाव आउर ऊकु बड़ान केनाकु।

39हुंकू जामा अपन बिसवास रअः चलते परमेसर हुंकू के बड़ाई लिकुआय! आउर परमेसर आला सानती के नाम लअकु, बकिर वादा लअः बानी के हुंकू काकु नाम लअः। 40एता लःअय ची परमेसर पहिल तरअः गी बेस से बेस बात ठहराव तदाय, ची हुंकू आबु लोः गी सिधोअः जगुत सोदोरोअकु।

Currently Selected:

इब्रानी 11: ASR

Highlight

Copy

Compare