कोलोसी 4
4
1 #
इफि 6:9
ए गोमके कु, आपे अपन बंधाउवाकु आला जे बनाआ आउर उचित एदनाआ, एमा कुपे। याईद दोहोय पे सिरमा राईज रे आपे आली होः जाहें गोमके एदानिया।
ख्रीस्तीयकु लःअय पौलुस आला सलाह
2बिनती रे जामा बेरा लगाव ताहिन पे आउर जब आपे बिनती यापे दो जामा बेरा परमेसर आला धन्यवाद एमा एकाई पे। 3आपे आले लःअय होः बिनती पे, जेकर से ची परमेसर आले के बेस खभाईर सुसुनाव लःअय नोकान दुवार खोलाय जेकर से आले ख्रीस्त आला रहस्य सुसुनाव लःअय बखान दाड़ीयाले जेकर लःअय ईङ नहाअः सिक्काड़ तरअः तोल तानिङ। 4आपे बिनती पे, जेकर से ची ईङ होना रहस्य के उदूः दड़िङ, जाईसन ची ईङ आला जिमेदारी एदनाआ।
5 #
इफि 5:16
आपे बहरी तानकु लोः बढ़ियाँ लुर तरअः बेवहारेपे, जमा मोका के किमती समझाव केते पुरा-पुरा कुरनीसेपे। 6आपे आला कंहड़ी-गथा जामा बेरा दया संहित हुयाअः चाही आउर बेस रुचि हुयाअः चाही जेकर से आपे जामे होड़कु के उचित जबाप एमोः सिखाःपे।
पौलुस आलकु गातीकु आला खभाईर
7 #
प्रे.कामी 20:4; 2 तिमु 4:12 #
इफि 6:21,22 परभु रे दुलार बोयहा तुखिकुस जे मियांड बिसवास से ईङ लोः परभु रे साँघे कामी वाला हेके, आपे के ईङ आला जामा खभाईर के उदूः केआय। 8ईङ हुनी के आपे दुबाःड़े निआँ लःअय कुलगोःड दियीङ ची आपे ईङ रअः बारे रे पुरा खभाईर पड़ीपे आउर हिना लःअय होः ची हुनी आपे आला मन के मड़ांग बढ़ाअः लःअय ढाढ़स एमापे। 9#फिल 1:10–12नुई लोः आपे आला राईज रिनी, आबु आली ईमान आउर दुलार बोयहा उनेसिमुस तुराईया। नुकिन बनाहोंड़ आपे के नोआँड़ाअः पुरा हाल पता के उदूः केआकिन।
10 #
प्रे.कामी 19:29; 27:2; फिल 1:24;
प्रे.कामी 12:12,25; 13:13; 15:37–39 अरिस्तर्खुस, जे ईङ लोः जेहेल रे इदानियाँ, आउर बरनाबस आली भतीजा बोको मरकुस आपे के जोहार कंहड़ीआकु। मरकुस रअः बारे रे हुकूम भेटाव चुकाव ताना, जदि हुनी आपे दुबाःड़े सेनाय, दो हुनी के स्वागतिपे। 11जेसुस जे युसतुस होः बेताईयाकु आपे के जोहार कंहड़ीआय। खतना उनकु रे नुकू पे-होड़ गी परमेसर आला राईज लःअय पूरा ईङ लोः साँघे ककामी वाला, नुकू तरअः ईङ के दिलासा भेटाआ।
12 #
कोलो 1:7; फिल 1:23 इपफ्रास होः आपे के जोहार कंहड़ीआय। हुनी आपे मेसे मिहोंड़ हेके आउर ख्रीस्त ईसु आली बंधाउवा हेके। हुनी जामा बेरा मुरुक खिलपाईत झेलाव केते आपे लःअय रोज दिन बिनतीयाय ची आपे आध्यात्मिक रूप रे पुरा-पुरी बनाअः लःअय मड़ांग बढ़ाव सेनपे, चाहे पुरा बिसवास लोः परमेसर आला इकछा के पु-पुराव लःअय मजगुत बनाव ताहिन पे। 13ईङ नुई रअः बारे रे नोःआँ गोवाह एम दाड़ीईङ ची नोःआँ आपे लःअय आउर लौदीकिया चाहे हियेरापोलिस रे ताहिन कु लःअय मुरुक कठिन कामी एकायाय। 14#2 तिमु 4:11; फिल 1:24; 2 तिमु 4:10; फिल 1:24दुलार दवगाहा लुकास आउर देमास आपे के जोहार कंहड़ी आकिन।
15लौदीकिया रिनकु बोकोकु के आउर नुम्फा आउर हुनी आला ओड़ाअ रे जवारोः कु कलीसिया के जोहार। 16जब नोःआँ चिठी आपे लःअय पढ़ाव सुनाव उपेआय, दो आपे नोकान जोगाड़ेपे ची नोःआँ के लौदीकिया रेनअः कलीसिया रे होः पढ़ाव सुनाव उकुपे आउर लौदीकिया आला नुमू रे लिखा उना चिठी के आपे होः पढ़ाःपे। 17#फिल 1:2अखिप्पुस के बेताई पे ची हुनी नोःआँ बात के धेयान एमे, ची “परभु रे जे सेवा हुनी के सोंपाव उना एदनाआ, होना के हुनी जरूर पुरायाय।”
18ईङ पौलुस खुद अपन तीः तरअः लिखा लअः जोहार, ईङ आला सिक्काड़ के याईद दोहोय पे। आपे रे दया बनाव ताहिनोः।
Currently Selected:
कोलोसी 4: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
