कोलोसी 3

ख्रीस्त रे नावाँ जिनगी

1 # सिरिंग 110:1 जदि आपे के ख्रीस्त लोः गी जिवीःड-बिरीःड तदपेआकु, जे परमेसर आला जोम पखी एदानिया, दो सिरमा रअः जिनीस के नाम एकायपे। 2आपे ओत रे भाईर कोवान, सिरमा रअः जिनीस कुन लःअय मन लगाय पे। 3आपे दो गोएःग चुकाव तानापे, आपे आला जिनगी ख्रीस्त लोः परमेसर रे उकु उना एदनाआ। 4जब ख्रीस्त जे आम आला जिनगी हेके दिसतारोः आय, तब आम होः हुनी लोः महिमा रे दिसतार कोआम।

5हिना लःअय आपे रे जे कुछ दुनिया रअः बात एदनाआ, होना के गोएःग गोअ तापे। बेलाज कामी, असुधता, वासना, गंदा इकछा आउर लोभी जे मुरती पुजा रअः गी मियांड भेस हेके, 6निआँ कुन बात रअः चलते परमेसर आला खीस हुकूम का मनाअः कु रे हुयाव कोआ। 7जब आपे नोःआँ लकान पापी जिनगी रे चलाअ केनापे, दो आपे होः पहिल नोःआँ जामा कामी केनापे।

8बकिर नहाअः आपे के नोःआँ जामा बात कुन लोः खीस, रोस, मुदाई, निन्दा कंहड़ी आउर आहा तरअः एगेर कंहड़ी के अपन तरअः उडुंग गोअ तापे। 9#इफि 4:22कहियो होः हुनी-नुई के झुठ आलपे कंहड़ी के, एता लःअय ची आपे अपन मारी चाईल-चकर आउर होना कामी के अड़गु गिड़ी तदापे। 10#इफि 4:24; एहेः 1:26मियांड नावाँ बेवहार अपनाय पे, होना बेवहार आपे के सि-सिरजावी वाला लकान हिनी रअः मुठान रे बनाव केते, हुनी आला गेयान ना-नाम लःअय नावाँ बनाव एकायाय। 11दो नहाअः नुकू ताला रे एतान फरक होः काकु ताहीः ना, ना युनानी ताहीः नाकु, आउर ना जाहुदी हेके ना खतना उनकु, ना बेगर खतना उनकु ना बर्बर#3:11 बर्बर विदेसी कु लःअय युनानीकु नोकान सबद कंहड़ी केनाकु।, आउर ना स्कूती#3:11 स्कूती रोमी होड़कु दोवारा गंवार मनाअ वाला होड़कु के स्कूति मेनोः केनाकु।, ना बंधाउवा आउर ना निछुंद, ख्रीस्त गी इदानियाँ, जे जामा जिनीस आउर जामा रे एदनाआ।

आम आला नावाँ जिनगी हुनी-नुई लःअय

12 # इफि 4:2 एता लःअय ची आपे परमेसर आलकु पबितर आउर दुलार निबाड़ लिनकु परजा हेके। हिना लःअय आपे के तरस, बड़े माया, बिनम्रता, दीनता आउर सहनसीलता के आआपनव चाही। 13#इफि 4:32आपे हुनी-नुई के सहाव कुपे आउर जदि जाहें के जाहें तरअः जहान सिकाईत हुयाआ दो हुनी-नुई के छमा कुपे। परभु आपे के छमा केदपेआय, आपे होः नेकानेपे। 14नोःआँ बात तरअः अलावे, आपस रे पेरेम बनाव केते ताहिन पे। होना जामा कुछ मि-जामुक तोल केते पुरा अखरी जगुत सो-सोदोराय। 15ख्रीस्त आला सानती आपे आला मन रे राईजेआय। निआँ सानती लःअय आपे मियांड होड़ो रअः अंग बनाव केते, राअः तदपेआय, आपे जामा बेरा धन्यवाद एकाई पे। 16#इफि 5:19,20अपन मन रे ख्रीस्त आला खभाईर के भरपुर बसाव चापे, माने अपन पुरा समझ लोः हुनी-नुई के सिकछा आउर हुकूम एमा कुपे, परमेसर के धन्यवाद एम यआते भजन स्तुति आउर आतमा रेनअः सिरिंग-सिरिंग एकाय पे। 17आपे जे होः कामीयापे चाहे कंहड़ीयापे, होना जामा परभु ईसु आला नुमू रे हुयाअः चाही। आपे हिनी रअः दोवासते बाबा परमेसर के धन्यवाद एमा इकाई पे।

नावाँ जिनगी रअः कनहुन

18 # इफि 5:22; 1 पत 3:1 जाईसन ची परभु भक्‍तकु लःअय उचित एदनाआ, लाईंकु अपन हेरेलकु रअः अधीन रे ताहिन कु।

19 # इफि 5:25; 1 पत 3:7 हेरेल अपन लाईंकु के दुलार कुपे आउर हुंकू लोः आलपे कठोर बेवहार के।

20 # इफि 6:1 चेंगाकु जामा बात रे अपन एंगा-आपा आला हुकूम के आयुमेपे, एता लःअय ची परभु नोःआँ रे खुसोआय।

21 # इफि 6:4 बाबाकु अपन चेंगाकु के आलपे खीस चिकु के, नोकान आलु हुयाव कोअः ची हुंकू आला मन टोटाअः जुनोः।

22 # इफि 6:5–8 बंधाउवाकु तरअः नोःआँ ईङ आला अरजी एदनाआ ची आपे जामा बात रे हुंकू आला हुकूम के मनाअ पे, जे नोःआँ ओत रे आपे आली मलिक इदानियाँ। आपे होड़कु के खु-खुस ची रअः सोंच रे देखावा लःअय भाईर कोवान, बकिर सिधा सपट मन तरअः चाहे परभु लोः बोर यःते नोकानेपे। 23आपे जे होः कामीयापे, मन लगाव केते कामीपे, मनाअः पे ची होड़कु लःअय कोवान, बकिर परभु लःअय कामीः दापे। 24याईद दोहोय पे ची आपे के परभु तरअः उत्‍तराधिकारी रअः इनाम भेटाव कोआ, अपन मलिक ख्रीस्त आला सेवा एकायपे। 25#कन 10:17; इफि 6:9जे बुराईये आय, हुनी के कसुर रअः बदली भेटाव कोआ, होनाःड़े ओके लोः होः होड़ चिनहा-चिनहा नेयाय एरे हुयाआ।

Currently Selected:

कोलोसी 3: ASR

Highlight

Copy

Compare