1 थिसलुनी जान-चिनहार
जान-चिनहार
थिस्सलुनीकी रअः नुमू पहिला चिठी पौलुस प्रेरित दोवारा लिखा लअः हेके (1:1 )। हुयाव सकाआ नोःआँ पौलुस दोवारा लिखा लअः पहिला चिठी हेके जे बाईबल रेनअः हिस्सा बनाव नेना तेकर नोःआँ के मसीह आला जनम रेनअः लगभग 51 साल तयोम लिखा लेना। नोःआँ चिठी पौलुस दोवारा अपन दुसरा मिसनरी होरा डिंडोअ बेरा खुदे खड़ा लआ थिस्सलुनीकी कलीसिया लःअय लिखा लअः थिना (प्रे.कामी 17:1–10)। प्रेरितकु आला कामी पुथी रे लिखा लअः एदनाआ ची नोःआँ कलीसिया रे थोड़ेक जाहुदी तेकर जादे युनानीकु ताही नेनाकु। कलीसिया के ख-खड़ा तयोम पौलुस जादे दिन काय ताही दाड़ी नेना, नोःआँ चलते हुनी तयोम होनाःड़े रिनकु बिसवासीकु के उत्साहित एमोअ लःअय नोःआँ चिठी के भेजाव लःअय। नोःआँ चिठी रे ढेर बारे रे मसीही जिनगी लोः संबधित थोड़ेक सामान्य दिसा-निर्देस एम लआ एदनाआ। नोःआँ पता अदायोः ची पौलुस थोड़ेक बारे रे मसीह आला दोबारा हिजोअ रे धेयान एम यआते मरसल डलाव तदाय। संभवतः थिस्सलुनीकिया रिनकु बिसवासी खास केते नोःआँ बारे रे रुचि दोहोय केनाकु। पौलुस मसीह आला दोवारा हिजोअ के हुनी लःअय मियांड नमुना रअः भेस रे काम रे आगु लःअय, जेकर से हुंकू परमेसर के खु-खुस ची वाला मियांड जिनगी जिवीःड दाड़ीकु (5:6–8)।
रुपरेखा
1. पौलुस नोःआँ चिठी रेनअः एहेःब कलीसिया रअः अभिवदन तेकर होना लःअय परमेसर आला धन्यवादे तरअः याय (1)
2. होना तयोम हुनी खुदे कामी लआ थोड़ेक काम तेकर तिमुथियुस दोवारा आगु लआ खभाईर रेनअः बखान तरअः याय (2—3)
3. फिन पौलुस ईसु आला दोबारा हिजोअ रेनअः मरसल रे मसीही जिनगी तरअः संबधित दिसा-निर्देस रअः उल्लेखेआय।
4. पौलुस कलीसिया रअः फिन से अभिवदन यआते तेकर नोःआँ आरजी यआते चाबायाय ची जामे कलीसिया रिनकु नोःआँ चिठी के जरूर पढ़ाकु (5:16–28)
Currently Selected:
1 थिसलुनी जान-चिनहार: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0