2 थिसलुनी जान-चिनहार
जान-चिनहार
थिस्सलुनीकी रअः दुसरी चिठी पौलुस प्रेरित दोवारा लिखा लअः हेके (1:1 )। पौलुस 1 थिस्सलुनीकी लि-लिखा तरअः थोड़ेक बेरा तयोम गी मसीह आला जनम रेनअः लगभग 51 साल तयोम नोःआँ चिठी के लिखा लःअय। हुनी कुरिन्थी सहर रे ताहिनोअ तुली नोःआँ के लिखा लःअय। नोःआँ चिठी पौलुस अपन दुसरा मिसनरी होरा डिडोअ बेरा खुदे दोवारा तिंगु लआ थिस्सलुनीकी कलीसिया लःअय लिखा लअः थिना (प्रे.कामी 17:1–10)। प्रेरितकु आला कामी पुथी रे लिखा लअः एदनाआ ची नोःआँ कलीसिया रे थोड़ेक जाहुदी तेकर जादे युनानीकु ताही नेनाकु। नोकान आदायोआ ची थिस्सलुनीकी रअः कलीसिया आखरी रअः दिन तेकर मसीह आला दोबारा हिजोअ रेनअः बारे रे जादे पा-पड़ी नाम केनाकु, एता लःअय ची पौलुस थिस्सलुनीकिया रअः कलीसिया के लिखा लअः अपन बनार पत्री रे नोःआँ बारे रे ढेर चरचा लःअय। थिस्सलुनीकी रअः दूसरी पत्री रअः लगभग आधा हिस्सा आखरी हिला बारे रे एदनाआ। पौलुस बेकार दुड़ूः ताहिन रेनअः निकम्मापन रे होः चेतावन एमा लिकुआय तेकर कंहड़ी लःअय ची जामे होड़ के खुद आला जोजमाः लःअय मे-मेहनाईत चाही। (3:6–10)।
रुपरेखा
1. पौलुस खुदे आला तेकर अपन गातीकु आला जान-चिनहार एम यआते चिठी के एहेबेआय (1:1–2)
2. फिन हुनी थिस्सलुनीकी रअः कलीसिया लःअय परमेसर आला धन्यवादेआय तेकर हुंकू लःअय बिनतीयाय (1:3–12)
3. दुसरा अध्याय रे पौलुस आखरी हिला रेनअः चरचा याय।
4. होना तयोम हुनी कुड़ही रे पड़ाव ताहिन बिरुध रे चेतावनी एम यआते कामी रेनअः दरकार रे जोर एमेआय (3:1–15)
5. पौलुस कलीसिया रअः दोबारा अभिवदन यआते चाबायाय (3:16–18)
Currently Selected:
2 थिसलुनी जान-चिनहार: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0