1 थिसलुनी 5
5
परभु के सो-सोवागत लःअय तेयार ताहिन पे
1-2 #
सं.मत्ती 24:43; सं.लुका 12:39; 2 पत 3:10 ए बोयहाकु, आपे बढियाँः केन पाड़ी आपे ची परभु आला दिन, निदा रिनकु चोर कु लकान हीःग कोआ। हिना लःअय नोःआँ रेनअः ठीक बेरा रेनअः बारे रे आपे के जहनाअः लि-लिखा रअः दरकार कनोआँ। 3जब होड़ कंहड़ी केआकु “नहाअः दो सानती एदनाआ आउर एतान फिकिर होः कनोआँ” हिमने रे नास हुंकू रे भारी गतार रिनकु लाईंकु के बथा अचाका हिजोआ, हिना लकान अचाका हीःग कोआ आउर हुंकू होना तरअः इरकु बंचाव दड़ीआ!
4ए बोको बोयहा कु, आपे दो अंधार रे कानीपेआ, ची होना दिन आपे रे अचाका चोर लकान हीःग कोआ। 5आपे जामा मरसाल रेनपे होपोन हेके, आउर दिने रेनपे होपोन हेके। आबु ना दो अंधार रिनबु हेके, आउर ना निदा रिनबु हेके। 6हिना लःअय आबु के एटाअ होड़कु लकान निंदे सुतअः कोवान चाही, बकिर जगवाड़ ताही-याअते चौंवचित ताहिनपे। 7एता लःअय ची जे निन्दोआकु हुंकू निदा निन्दोआकु, आउर जे नु-याकु हुंकू निदा नु-याकु। 8#जसा 59:17; इफि 6:13–17बकिर आबु दो दिने रिनबु हेके, बिसवास आउर पेरेम रेनअः झिलम आउर उधार रअः आसरा रेनअः टोप सोलोंग केते चौंवचित ताहिन पे।
9एता लःअय ची परमेसर आबु के खिसोअः लःअय कोवान, बकिर आबु आली परभु ईसु ख्रीस्त दोवारा उधार ना-नाम लःअय निबाड़ तदबुआय। 10ईसु ख्रीस्त आबु लःअय गोएःग नेनाय, जेकर से ची चाहे आबु जिवीडाबु चाहे गोएःग जुनोआबु, जब हुनी फिन हिजोआय दो हुनी लोः जिवीःड ताहिनबु। 11हिना लःअय आपे हुनी-नुई के ढाढ़स आउर मदाईत एमोअः चाही आउर हुनी-नुई आला उनति रेनअः कारन पाड़ीयोः पे जे लकान ची आपे ईयाअः दापे होः।
12ए बोयहाकु, आले आपे तरअः गोहराअ तनाले ची जे होड़ आपे ताला रे मिहनाईत दाकु आउर परभु रे जे आपे के होरा उदूः दाकु आउर सिकछा एमा पेआकु हुंकू के मरजाईद एका कुपे। 13आउर हुंकू आला कामी चलते पेरेम लोः हुंकू के जादे मरजाईद कुपे। अपास रे मेल दोहोय पे। 14ए बोको बोयहा कु, आपे लोः गोहराअ तनिङ आलसी कु के चेताव कुपे, डरगुहा कु के डिढ़ कुपे, नरजोर कु के संभड़ाव कुपे, जामेकु लोः डिढ़ दोहोयपे। 15आपे नोःआँ बात रेनअः धेयान एमपे ची जाहें बुराई रेनअः बदली आलकु बुराई के। बकिर एकसम जामेकु लोः भ-भलाई रेनअः जतानेपे। 16जामा बेरा आपे खुस ताहिन पे। 17एकसम बिनती एकाय पे। 18जामा बात लःअय परमेसर के धन्यवाद एमाई पे, एता लःअय ची ख्रीस्त ईसु रे परमेसर आला निआँ मरजी एदनाआ।
19पबितर आतमा के आलपे इड़ीगे। 20आगमजानीकु आला संदेस के आलपे तुछ के। 21बकिर जामा बात रेनअः असली के परखाय पे आउर जे बेसा, होना के गरहानेपे। 22आउर जामा बरन रेनअः बुराई तरअः बंचाव ताहिनपे।
असिरबाद
23सानती रिनी परमेसर आपे के पुरा पबितर पे! आपे आला जीव आतमा तेकर होड़ो आबु आली परभु ईसु ख्रीस्त आला हिजोः दिन जगुत बेकासुर नामोअ बु। 24हुनी परमेसर जे आपे के राअः तदपेआय, बि-बिसवास लकान एदानिया। सचे गी हुनी नेकान केआय गी।
25ए बोयहाकु, आपे आले लःअय होः बिनती पे।
26जामे बोयहाकु के पबितर चुमा तरअः जोहार कुपे।
27ईङ आपे के परभु ईसु आला नुमू रे वायदा एमोअः लःअय बेताअः देपेईङ ची नोःआँ चिठी के जामा बोयहाकु के पढ़ाव केते सुनाव-ओकुपे।
28आबु आली परभु ईसु ख्रीस्त आला दया आपे तेङ रे बनाल ताहिन।
Currently Selected:
1 थिसलुनी 5: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
