2 थिसलुनी 1
1
1 #
प्रे.कामी 17:1
आबु आली बाबा परमेसर आउर परभु ईसु ख्रीस्त रे एदान कुआ थिसलुनिके रिनकु कलीसिया रेनअः नुमू रे पौलुस, सिलबानुस आउर तिमुथियुस आला चिठी।
2आपे के बाबा परमेसर आउर परभु ईसु ख्रीस्त पखी तरअः दया तेकर सानती भेटाव एकान।
ईसु ख्रीस्त रूवाड़ हीःग कोआय आउर इनाम एमा किकुआय
3ए बोयहाकु आपे लःअय आले के, एकसम परमेसर के धन्यवाद एमोअ चाही, नो-नोकान उचित होः एदनाआ। एता लःअय ची आपे आला बिसवास बे:लाय बंढियाँअ केन बढ़ाव तोराआ, आउर आपे जामाकु रे, जामे झन आला पेरेम हुनी-नुई रेनअः तेंग रे बढ़ाअः ताना। 4हिना लःअय परमेसर आला ढेर कलीसिया रे आले खुदे आपे रे घमन्डेआले, एता लःअय ची आपे डिड़ आउर बिसवास, जमा किसीम रअः सताव आउर बिपाईत सहायापे।
5नोःआँ बात परमेसर आला सचा नेयाय रअः सफा साबुत हेके। एता लःअय ची परमेसर आपे के हुनी आला राईज रे बोल लकान ठहराव तदपेआय, जेकर लःअय आपे दु:ख सहायापे।
6परमेसर आला नेयाय नोःआँ हेके ची जे आपे के खिलपाईत एमा पेआकु हुंकू के बदली रे खिलपाईत एमा किकुआय, 7आउर आपे जे खिलपाईत सहाव दापे, आउर आले के, होना बेरा सथाव ची किबुआय, जब परभु ईसु दिसतार कोआय आउर अपन सवांगिया दूतकु लोः सिरमा तरअः ध-धकाअ सेंगेल रे हीःग कोआय। 8तब हुंकू होड़ के डांड़ एमा किकुआय, जे परमेसर के काकु मनाआ, आउर आबु आली परभु ईसु आला बेस खभाईर अआयुम तरअः इनकारियाकु। 9#जसा 2:10हुंकू परभु मड़ांग तरअः, आउर हुनी आला सवांग रअः लवकाव तरअः फरक केते का-अन्तोः नासोअ रेनअः डांड़ एमा किकुआय। 10नोःआँ होना हिला हुयाव कोआ जब हुनी अपन पबितर होड़कु तरअः महिमा ननाम लःअय, आउर जामा िब-बिसवास कु रे चकितोः रअः कारन लःअय हीःग कोआय; एता लःअय ची आपे दो आले आला गोवाही रे बिसवास लअपे।
11आले आपे लःअय एकसम बिनती एकायाले ची परमेसर आपे के होना जिनगी जिविडोअ लाईक बनावपे, जेकर लःअय आपे राअः लेनपे हेके। आउर आपे आला भलाई कामी रअः इकछा आउर बिसवास तरअः कामी के हुनी अपन समरथ तरअः पुराये। 12नोःआँ लकान आबु आली परमेसर आला आउर ईसु ख्रीस्त आला दया तरअः आबु आली परभु ईसु आला नुमू आपे तरअः मरजाईद नाम केआय। आउर आपे हुनी तरअः मरजाईद नाम केआपे।
Currently Selected:
2 थिसलुनी 1: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0