2 कुरिन्थी जान-चिनहार
जान-चिनहार
कुरिन्थी रअः दुसरी चिठी प्रेरित पौलुस दोवारा मसीह आला जनम रअः लगभग 55-56 साल तयोम लिखा लअः हेके (1:1 )। कुरिन्थी रअः कलीसिया के पौलुस दोवारा लिखा लअः बरिया चिठी मेसे नोःआँ दुसरा चिठी हेके। बिद्दवान मनाआकु ची पौलुस कुरिन्थीकु के नुई नोःआँ तरअः पहिल मियांड कठोर चिठी लिखा थिलाआय। होना कठोर चिठी रेनअः प्रति, जेकर चरचा पौलुस 2:3–4 रे याय, उपलब्ध कनोआँ। हुयाव सकाआ 2 कुरिन्थी रअः चिठी पौलुस आला मकिदुनिया ताहिनोअ तुली लिखा लअः हेके। 2 कुरिन्थी रेनअः पत्री नोःआँ माने रे अद्दितीय एदनाआ ची नोःआँ मुरुक गी अपन भाईर लःअय तेकर संवेदना तरअः पेरेःग उना चिठी हेके, पौलुस तीतुस दोवारा कुरिन्थी रेनअः कलीसिया रअः बाबेत रे बेस मड़ांग बड़हाअ रेनअः बात के पाड़ी केते अपन रिझ के दिसतारेआय। नोःआँ चिठी रे आबु नावाँ कनहुन रेनअः संदर्भ रे एमोअ रेनअः बारे रे बिस्तार रे निर्देस नामेआबु, जेकर रे जिरोसलेम रिनकु बिसवासीकु आला मदाईत लःअय दान ज-जवार लःअय दिसा-निर्देस एम लआ एदनाआ (8—9)। नोकान अदायोः ची कलीसिया तरअः बाहरी थोड़ेक झुठा आगमजानीकु आला कलीसिया रिनकु थोड़ेक होड़ आला सीधा-सधा रेनअः फयदा उठाव केते हुंकू के पौलुस आला बिरुध भड़काव कु केनाकु, जेकर से हुंकू पौलुस आला ठाँव इदी दाड़ीकु। हुंकू पौलुस आला हाक रेनअः बबेत रे संदेह पैदाय केनाकु, हुयाव सकाआ निआँ कारन एदनाआ ची पौलुस 2 कुरिन्थी रअः आखरी अध्याय रे ईसु ख्रीस्त आली मियांड प्रेरित हुयाअः रअः बबेत रे अपन हाक रेनअः डिड़ एम केते समर्थन एमेआय।
रुपरेखा
1. पौलुस अपन चिठी रेनअः सुरू कलीसिया रअः अभिवदन केते याय।
2. होना तयोम पौलुस अपन होरा डिडोअ कारज-करम रेनअः बदली तेकर अपन पहिल चिठी रेनअः उतारा रे हुनी आला बिचार रअः बबेत रे बखानेआय।
3. फिन जिरोसलेम रिनकु बिसवासीकु लःअय जवार लअः दान रेनअः बबेत रे दिसा-निर्देस एमेआय। (8:1—9:15)
4. आखरी रे पौलुस अपन प्रेरिताई रेनअः बारे रे अपन बचाव एमेआय (10:1—13:10)
Currently Selected:
2 कुरिन्थी जान-चिनहार: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0