1 कुरिन्थी 16
16
एटाअ बिसवासीकु लःअय चांदा
1 #
रोमी 15:25,26 नहाअः दो पबितर होड़कु एटाअ होड़कु के चांदा जा-जवार रेनअः बारे रे ईङ आपे के उदूः दिपिईंग, जे लकान गलातिया रिनकु कलीसिया के जे हुकूम एमा ताडकुईंग आपे होः हेकानेपे। 2हर एतवार के अपन कमाई मेसे काईटको ना काईटको जवार एकायपे। जेकर से ची जब ईङ हिजोईंग, हिमीन बेरा चांदा जा-जवार आलु पड़ाअ। 3जे होड़ के आपे चहाआपे ईङ हिजोईंग दो, ईङ चिठी लिखा केते कुलगोःड कुईंग हुंकू के जिरोसलेम रिनकु बिसवासीकु चिनहा कु, आउर हुंकू आपे आला दान के जिरोसलेम सोदोर तुकू। 4आउर जदि आपे आला मरजी एदनाआ दो ईङ आला सेनोः बेसा दो हुंकू लोः साँघे सेनिङ।
पौलुस आला जोजना
5 #
प्रे.कामी 19:21
ईङ मकिदुनिया सेनोः वाला इदानियाँ। हिना लःअय मकिदुनिया हुई केते आपे दुबाःड़े हिजोईंग। 6ईङ आला मरजी एदनाआ ची ईङ थोड़ेक दिन आपे लोः ठहराईंग, चाहे राबांग बेरा आपे दुबाःड़े बितायीङ। जेकर से जे एड़े होः ईङ के सेनोः पाड़ाअ, आपे ईङ के सेनोः लःअय मदाईतिङ पे आउर विदा सकाईंगपे। 7ईङ नोःआँ खेप हिना होरा रे सेन यअते आपे लोः इरिंग भेटोआ। बकिर ईङ आला आसरा एदनाआ ची परभु आला मरजी हुयाअः दो ईङ थोड़क दिन जगुत आपे दुबाःड़े ताहिनुईंग।
8 #
लेवी 23:15–21; कन 16:9–11 #
प्रे.कामी 19:8–10
ईङ पेन्तेकोस्त#16:8 पेन्तेकोस्त पासका परब तयोम पाँचसवाँ दिन के मेन गेआकु। परब जगुत इफिसुस रे ताहिनोईंग, 9एता लःअय ची नोआँड़े ईङ का-कामी लःअय मियांड बड़े दुवार खोलाव ताना, सेरे होः ईङ आलकु ढेर बिरोधी कु होः एदान कुआ।
10 #
1 कुरि 4:17
जदि तिमुथियुस हीःग सोदोरोआय दो, हुनी के आपे लोः निरफिकिर ताहिनोअ रेनअः धेयान दोहोयपे, एता लःअय ची ईङ लकान गी हुनी होः परभु आला काम कामीः दाय। 11हिना लःअय ओके होः हुनी के छोटे आलकु समझाव कोअ। होनाःड़े तहिनोः तयोम हुनी के सानती से बिदाई पे ची ईङ दुबाःड़े हीःग सोदोरोआय। एता लःअय ची ईङ बोकोकु लोः हुनी आला नेल आसरा तनाले।
12अपुल्लोस बोको के ईङ मुरुक गोहराव नेनिङ, ची हुनी आपे दुबाःड़े सेनाय बकिर नहाअः हुनी सेनोः काय नाम ताना। बकिर फुरसाईत भेटाआ होले हुनी हीःग कोआय।
चिठी रअः आखरी बात
13चौंवचित ताहिनपे। बिसवास रे बनाल ताहिनपे, आउर डिड़गार ताहिनपे, आउर मजगुत ताहिन पे। 14आपे जहान होः कामीपे पेरेम से कामीपे। 15#1 कुरि 1:16ए बोकोकु, ईङ आपे लोः गोहराअ तनिङ ची अखाया पहटा रे जामा तरअः पहिल रे, स्तेफनुस आला घराईता ख्रीस्त रे बिसवास लआकु, आउर पबितर होड़कु के से-सेवा लःअय तेयार ताहिनाकु। 16आपे नोकान होड़ आला हुकूम रे चलाअ पे आउर हुंकू आला होः जे परभु आला कामी रे गातीयोअ वाला आउर मे-मेहनाईतकु।
17स्तेफनुस, फुरतुनातुस आउर अखइकुस आला हिजोअ रे खुस इदानियाँ, एता लःअय ची हुंकू आपे आला का हिजोअ रेनअः घटी हुंकू के ने-नेल रे पुराव नेना। 18हुंकू पेनेहोड़ ईङ के आउर आपे आला मन के होः मुरुक खुस ची लिबुआकु, हिना लःअय नोकान होड़कु के मरजाईद कुपे।
19 #
प्रे.कामी 18:2
एसिया रिनकु कलीसिया पखा तरअः आपे के जोहार। अक्विला आउर प्रिसकिल्ला आला आउर हुंकिन ओड़ाअ रे जवारोआकु कलीसिया कु आला होः आपे के परभु रे मुरूक-मुरूक जोहार। 20ख्रीस्त रे जामे बिसवासी बोकोकु पखा तरअः जोहार! आपे होः हुनी-नुई के पबितर चुमा तरअः जोहार कुपे।
21ईङ पौलुस आपे के अपन तीः तरअः जोहार लिखाअ दिंग।
22जे परभु के काय दुलारिया दो हुनी के सराप भेटाअः।
ए परभु एला।
23परभु ईसु आला दया आपे तेंग रे बनाल ताहिनोअ!
24ईङ आला पेरेम ख्रीस्त ईसु रे आपे लोः ताहिनोअ आमीन।
Currently Selected:
1 कुरिन्थी 16: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
