2 कुरिन्थी 1
1
1 #
प्रे.कामी 18:1
कुरिन्थी सहर रिनकु परमेसर आला कलीसिया आउर अखाया रे ताहीनोः कु जामा पबितर लिनकु लःअय, पौलुस जे परमेसर आला मरजी तरअः ख्रीस्त ईसु आली प्रेरित हेके, आउर बोको तिमुथियुस पखी तरअः लिखा लअः चिठी,
2आबु आली परम बाबा परमेसर आउर परभु ईसु ख्रीस्त पखा तरअः आपे के दया आउर सानती भेटाअः।
पौलुस आली परमेसर के धन्यवाद
3परमेसर के स्तुति हुयाअः जे आबु आली परभु ईसु ख्रीस्त आली बाबा हेके। म-मायाई बाबा जामा बरन रे संतवाना एमोई। 4हुनी आबु आला जामा बिपाईत रे आबु के डिड़ एमेआय, हिना लःअय आबु होः होना डिड़ तरअः होड़कु के जामा बरन रे बिपाईत रे डिड़ एमा दाड़ी कुआबु, एता लःअय ची परमेसर आबु के होः ढाढ़स एमा तदबुआय। 5एता लःअय ची जे लकान आबु ख्रीस्त आला दुख आबु रे छलकाअ ताना, हिना लकान ख्रीस्त तरअः आबु के ढेर जादे संतवाना भेटाआ। 6जदि आलिंग के दुख ऊउठाव पड़ाअ, दो होना आपे लःअय संतवाना आउर उधार लःअय हेके। आउर जदि आलिंग के डिड़ भेटाआ दो होना आपे डिड़ लःअय हेके, जेकर से ची आपे आला जीव के केटेःग केते होना बिपाईत के सहाय पे, जेके आलिंग होः सहायालिङ। 7आपे बारे रे आले के पुरा आसरा एदनाआ, एता लःअय ची आले पाड़ी आले ची जे लकान आले आला बिपाईत के आपे हाटिङेआपे, हिना लकान आलिंग आला संतवाना रे होः आपे सझेदार एदान पेआ।
8 #
1 कुरि 15:32
हे बोकोकु, आलिंग नोःआँ उ-उकु कालिंग नामा ची एसिया रे जे बिपाईत आलिंग के झेझेलाव पड़ाव थिना। होना आलिंग आला सासहाव रआ सवांग तरअः होः जादे बोझ थिना। नोःआँ जगुत ची आलिंग के जिवीःडोः रअः एतान आसरा होः का ताहिना। 9आउर आलिंग के नोकान आदायोः केना ची गोजोअः रआ डांड़ भेटाव चुकाव ना। नोःआँ निआँ लःअय हुयाव नेना ची आलिंग अपन तेंग रे कोवान, बकिर परमेसर रे भरसा दोहो लआलिङ, जे गोएःग उनकु के होः फिन से जिवीःड बिरिःड कुआय। 10आलिंग के होना भयभयान मराईन तरअः हिनी बंचाव लिङाय आउर बंचाव एका किलङाय, आलिंग आला आसरा हिनी तेंग रे टिकाव ताना। हिनी आबु के मड़ांग ते होः बंचाव किबुआय। 11आपे आलिंग के बिनती तरअः मदाईत दिलङापे। नोःआँ लकान आबु के जे बरदान भेटाआ होना लःअय ढेर होड़ परमेसर तरअः बिनती होः बिनती कु, आउर हुनी के धन्यवाद होः एमाईकु ची ढेर होड़ आला बिनती के धन्यवाद एमा कियाकु।
पौलुस आला जोजना रे बदली
12आलिंग आला भितरी मन रेनअः गोवाही रअः चलते खुस ताही नोआँलिङ, ची दुनिया रे आउर खास केते आपे ताला रे आलिंग आला चाईल-चकर परमेसर आला मरजी मोताबिक, ईमानदारी आउर सचाई लोः ताहिनोअ केना, नोःआँ दुनिया रेनअः बुधी तरअः कोवान बकिर परमेसर आला दया तरअः। 13-14आलिंग आउर एटाअ कालिंग लिखा लअः, हिना भाईर जे आपे पढ़ाव सकाअ पे आउर समझाव सकाअ पे, आउर नहाअः दो आपे आधलोंगा समझाआपे बकिर ईङ के पुरा आसरा एदनाआ ची आखरी जगुत पुरा-पुरी समझाव कोआपे। जेकर से ची आबु आली परभु ईसु आला दिन रे जे लकान आले आपे रअः बारे घमन्ड केआले हिना लकान आपे होः घमन्डेपे।
15आउर निआँ बिसवास रआ चलते ईङ पहिल आपे दुबाःड़े हिजोअ रआ ठनाव थिलीईंङ, जेकर से आपे के बार खेप आसीस रअः दान भेटाव सकाअ। 16#प्रे.कामी 19:21आउर आपे दुबाःड़े तरअः मकिदुनिया सेनिङ, आउर होनाःड़े तरअः फिन हिजोईंग आउर आपे ईङ के जाहुदिया सेनोः लःअय बिदाईंग पे। 17ईङ आला विचार निआँ ताही नेना, दो एतान ईङ आला विचार बदलाव ना, एतान दुनिया रेनअः बुधी लकान ताही नेना, ची मिबेरा रेगी “हाँ, हाँ” होः कंहड़ी एकायीङ आउर “कोवान, कोवान” होः कंहड़ी यिङ। 18बकिर परमेसर बि-बिसवास लकान एदानिङा। ची ईङ आपे लःअय जे वचन एम तदिङ होना रे “हाँ”, आउर “कोवान” बनार का भेटाआ। 19#प्रे.कामी 18:5एता लःअय ची सिलबानुस, तिमुथियुस आउर ईङ आपे ताला रे जेकर परचार लआले, हुनी परमेसर आली होपोन ईसु ख्रीस्त रे ओका बेरा “हाँ” दो ओका बेरा “कोवान” लकान बात कनोआँ। हुनी रे “हाँ” भाईर एदनाआ। 20एता लःअय ची परमेसर जेतना वादा तदाय होना ईसु रे “हाँ” बनाव जुनोआ। हिना लःअय आबु परमेसर आला महिमा लःअय ख्रीस्त तरअः “आमीन” कंहड़ीयाबु, 21परमेसर आले के आपे लोः ख्रीस्त रे डिढ़ बुआय, आउर जे आले के सिध ताडलेआय हिनी परमेसर हेके। 22-23हिनी आबु रे अपन मरका लगाव लःअय ची आबु हुनी आलकु हेके। आउर बेयाना रआ भेस रे होना पबितर आतमा आबु आला मन रे एम लःअय। ईङ परमेसर के गोवाह केते कंहड़ीईंङ ची ईङ दोबारा कुरिन्थी निआँ लःअय काईङ हीःग ताही नेना, ची ईङ आपे के कठोर डांट-डपट केते पीड़ा एमोअ काईंग नाम केना। 24ख्रीस्त रे आपे आला बिसवास रे आले काकबजा काले चहाआ। बकिर नोःआँ बात एदनाआ ची आले दो आपे आला सुख-सान्ती लःअय साँघे ककामी वाला हेके। एता लःअय ची आपे बिसवास रे मजगुतापे।
Currently Selected:
2 कुरिन्थी 1: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
