2 कुरिन्थी 4

1परमेसर आला दया तरअः आले के नोःआँ सेवा काम भेटाव ताना, हिना लःअय आले कहियो काले हदियाआ। 2आले दो लाज वाला आउर उकु काम के बाई केदाले। आउर ना चतुर से चलाआले आउर ना आले परमेसर आला वचन रे मेसायाले, बकिर आले सचाई के दिसतार केते, परमेसर मड़ांग रे जामे मनवाकु आला भितरी मन रे अपन भलाई बैठायाले। 3आगर आलेआला बेस खभाईर जहान लेकन रे होः सफा का आदायोः ताना, दो जे नसोअ वाला होरा रे चलाआकु हुंकू लःअय एदनाआ। 4नोःआँ दुनिया रिनी मलिक जे सैतान हेके, अबिसवासीकु आला मन के अंधरा केदाय, ची ख्रीस्त परमेसर आला मुठान हेके, हुनी आला महिमा के उउदूः वाला बेस खभाईर रअः मरसल के आलकु नेल दाड़ी के। 5आले अपन आला कोवान परभु ईसु ख्रीस्त आला परचारेआले। आले ईसु ख्रीस्त रअः चलते आपे आलकु बंधाउवा हेके। 6#एहेः 1:3एता लःअय ची हिनी परमेसर कंहड़ी थिलाआय, “अंधार तरअः मरसल जुनोः। आउर हिनी परमेसर आले आला मन रे लवकाव लःअय,” जेकर से परमेसर आला महिमा रेनअः बुधी के आले पाड़ी लआले, जे ईसु ख्रीस्त आला मेःड-मुहांड़ रे लवकाः ताना।

7बकिर आले लकान हास रेनअः बसान रे नोःआँ आतमिक धन निआँ लःअय दोहो लअः एदनाआ, जेकर से नोःआँ पता चलाआ ची नोःआँ अनथाह समरथ आले पखा तरअः कोवान, बकिर परमेसर पखा तरअः एदनाआ। 8आले जामा बेरा कठिन दबाव रे दो जिविडोआले, बकिर आले काले हार मनाआ। आले परेसान दो ताही नोआँले बकिर काले हातासोआ। 9आले के सताव दो सताव लेआकु बकिर परमेसर आले के काय बाईलेआ। आले के नुरलेआकु बकिर काले नासोआ। 10आले जामा बेरा अपन होड़ो रे ईसु आला बिपाईत आउर मराईन के महसुसे आले। जेकर से ची ईसु आला जिनगी होः आले आला गतर रे दिसतारोः। 11आले के जिवीःड ताहिन यअते होः ईसु रअः चलते जामा बेरा मराईन लोः लड़ाआले, जेकर से ची ईसु आला जिनगी होः आबु आला गोजोअः वाला होड़ो रे दिसतारोः। 12मराईन रे दो आले भीतीर-भीतीर कामी तनाय बकिर जिनगी दो आपे भीतर रे। 13#सिरिंग 116:10धारम-पुथी रे लिखा लअः एदनाआ, “ईङ बिसवास लाईग आउर हिना लःअय कंहड़ीः दिंग।” आबु रे होः बिसवास रेनअः हिना आतमा एदनाआ, आउर आले होः विसवासेआले हिना लःअय आले होः कंहड़ीयाले। 14एता लःअय आले पाड़ी आले ची जे परमेसर, परभु ईसु के गोएःग उनकु मे से जिवीःड बिरिःड लियाय, हुनी आले के होः हिना लकान ईसु लोः जिवीःड किलेआय, आउर आले के होः आपे लोः अपन मड़ांग रे तिंगु केलेआय। 15नोःआँ जामा बात आपे आला फयदा लःअय गी एदनाआ। जेकर से ची जाईसन-जाईसन परमेसर आला दया, ढेर होड़ लःअय हुयाव सेन नेना, दो परमेसर आला महिमा लःअय धन्यवाद एमोअ कु हिना-हिना लकान बढ़ाव सेन नेना कु।

जिवीःड विरिडोअ रे पुरा बिसवास

16निआँ चलते आले हिमत काले हराआ, आले आला होड़ो रेनअः सवांग भाले चबा सेन नेना, सेरे होः भीतीर रेनअः आतमा रोज दिन नावाँ से नावाँ हुयाव सेन नेना। 17एता लःअय ची मि-घड़ीक रअः कटी-मटी बिपाईत आबु लःअय बेःलअय गी दरकारा आउर का-अन्तोः जुग रअः महिमा सिरजायाय। जे महिमा बिपाईत तरअः, ढेर जादे एदनाआ। 18हिना लःअय आले दो नेलोअ वाला जिनीस रे कोवान बकिर का नेलोअ बात रे मन लगायाले, एता लःअय नेलोअ वाला बात थोड़ेक दिन लःअय हुयाआ, बकिर का नेलोआ बात जुग-जुग बनाल ताही नोःआँ।

Currently Selected:

2 कुरिन्थी 4: ASR

Highlight

Copy

Compare