Popular Bible Verses from 2 कुरिन्थी 4

Share

हिना लःअय आले दो नेलोअ वाला जिनीस रे कोवान बकिर का नेलोअ बात रे मन लगायाले, एता लःअय नेलोअ वाला बात थोड़ेक दिन लःअय हुयाआ, बकिर का नेलोआ बात जुग-जुग बनाल ताही नोःआँ।

निआँ चलते आले हिमत काले हराआ, आले आला होड़ो रेनअः सवांग भाले चबा सेन नेना, सेरे होः भीतीर रेनअः आतमा रोज दिन नावाँ से नावाँ हुयाव सेन नेना। एता लःअय ची मि-घड़ीक रअः कटी-मटी बिपाईत आबु लःअय बेःलअय गी दरकारा आउर का-अन्तोः जुग रअः महिमा सिरजायाय। जे महिमा बिपाईत तरअः, ढेर जादे एदनाआ।

आले जामा बेरा कठिन दबाव रे दो जिविडोआले, बकिर आले काले हार मनाआ। आले परेसान दो ताही नोआँले बकिर काले हातासोआ। आले के सताव दो सताव लेआकु बकिर परमेसर आले के काय बाईलेआ। आले के नुरलेआकु बकिर काले नासोआ।

बकिर आले लकान हास रेनअः बसान रे नोःआँ आतमिक धन निआँ लःअय दोहो लअः एदनाआ, जेकर से नोःआँ पता चलाआ ची नोःआँ अनथाह समरथ आले पखा तरअः कोवान, बकिर परमेसर पखा तरअः एदनाआ।

नोःआँ दुनिया रिनी मलिक जे सैतान हेके, अबिसवासीकु आला मन के अंधरा केदाय, ची ख्रीस्त परमेसर आला मुठान हेके, हुनी आला महिमा के उउदूः वाला बेस खभाईर रअः मरसल के आलकु नेल दाड़ी के।

एता लःअय ची हिनी परमेसर कंहड़ी थिलाआय, “अंधार तरअः मरसल जुनोः। आउर हिनी परमेसर आले आला मन रे लवकाव लःअय,” जेकर से परमेसर आला महिमा रेनअः बुधी के आले पाड़ी लआले, जे ईसु ख्रीस्त आला मेःड-मुहांड़ रे लवकाः ताना।