1 तिमुथी 3
3
कलीसिया रिनी अध्यकछ
1नोःआंँ बात बि-बिसवास लकान एदनाआ; ची जदि जाहें कलीसिया रिनी अध्यकछ बनाअः चहाआय दो हुनी बेस काम क-कामी रेनअः इकछा दोहोय। 2#तितु 1:6–9नहाअः दो नेलेपे अध्यकछ के नोकान जिविडोअ चाही जे बेकासुर, मियांड ठुका लाईं वाला, अपन के काबु रे दो-दोहो वाला, सालोर, बढ़ियाँ बे-बेवहार वाला, आ-आदर लकान, सेवा-सुसार वाला, आउर सि-सिखाव रे फरहार हुयाअः चाही। 3हुनी के मतवाड़ कोवान हुयाअः चाही, आउर ना कुरकुरु हुयाअः चाही। बकिर सलोर वाला आउर ना झ-झगड़ा वाला हुयाअः चाही। हुनी के धन रअः लोभ कोवान हुयाअः चाही। 4अपन ओड़ाअ-दुवार के बेस केन च-चालावी हुयाअः चाही, आउर हुनी आलकु चेंगा-छउवा हुकूम मनाअ वाला हुयाअः चाही। आउर हुनी के होपोन ते तिकु पुरा मरजाईदी कु वाला हुयाअः चाही। 5जदि जाहें अपन ओड़ाअ-दुवार के गी च-चालाव आलुई पाड़ी, दो हुनी परमेसर आला कलीसिया के एता लकान चलाव दाड़ी केआय?
6हुनी के बिसवास लअः थोड़हे दिन हुयाव लिनी कोवान हुयाअः चाही, ची घमन्ड केते सैतान लकान डांड़ नामे। 7नोःआंँ बाई केते एटाअ होड़कु रे होः हुनी आला बढ़ियाँ नामी नुमू हुयाअः चाही, जेकर से ची हुनी निन्दा सिकाईत रे पड़ाव केते सैतान आला फंदा रे आलुई पड़ाव कोअ।
कलीसिया रिनकु सेवक
8हिना लकान कलीसिया रिनकु से-सेवाकु के होः इजातदार हुयाअः चाही, जेकर कंहड़ी बि-बिसवास लकान हुयाअः चाही। झारा-दारू नुनू वाला कोवान हुयाअः चाही, आउर ना आनाईस कामी केते ककमाई वाला हुयाअः चाही। 9बकिर बिसवास रेनअः ऊकु उना बात के निमन भितरी मन रे पकबन्ध दो-दोहो वाला हुयाअः चाही। 10आउर पहिल हुनी के प-परखाव चाही, तब जदि बेकासुर उडुंगोआय, दो धाँगड़ रेनअः काम कामीये।
11निआँ लकान लाईं#3:11 लाईं नुकू लाईं से-सेवा वाला कु आलकु लाईं, चाहे से-सेवा वाला लाईं होः हुयाव सकाआकु। कु के होः इजातदार हुयाअः चाही। दोस लगाव वाला कोवान हुयाअः चाही, बकिर अपने के काबु रे दो-दोहो वाला आउर जामा बात रे बि-बिसवास लकान हुयाअः चाही।
12कलीसिया रेनकु सेवक आलकु मियांड ठुका लाईं हुयाअः चाही आउर अपन चेंगा-छउवा आउर अपन ओड़ाअ-दुवार रेनअः बढियाँः केन च-चलावी हुयाअः चाही। 13एता लःअय ची जे धाँगड़ रेनअः काम बढियाँः केन कामी दाड़ीआकु, हुंकू अपन लःअय बढ़ियाँ पद आउर होना बिसवास रे, जे ख्रीस्त रे एदनाआ बड़ा डिढ़ नामेआकु।
महान ऊकु उना बात
14ईङ नोःआँ आसरा लोः आपे के नोःआंँ बात लिखाअ दिंग, ची जल्दी गी आपे दुबाःड़े हीःग कोईङ। 15जदि ईङ के हिजोअ रे कुबेरोआ, दो आपे नोःआंँ पाड़ी जुनोअपे ची परमेसर आला ओड़ाअ रे होड़कु आला चाईल-चकर एता लकान हुयाअः चाही। परमेसर आला ओड़ाअ जिवीःड परमेसर आला कलीसिया हेके, जे सचाई रेनअः नेव आउर खुंटा हेके। 16आउर नोःआँ रे एतान होः सक कनोआँ ची भकती रेनअः ऊकु उना बात मुरुक गंभीर एदनाआ,
ख्रीस्त होड़ो रे दिसतार नेनाय,
आतमा रे धरमी ठहराव नेनाय,
सिरमादूतकु के देखार नेनाय,
जाईत-जाईत रे हुनी आला परचार हुयाव नेना,
दुनिया भाईर रिनकु होड़कु के हुनी तेङ रे बिसवास हुयाव नेना,
आउर हुनी महिमा रे तेङ बिरिःड नेनाय।
Currently Selected:
1 तिमुथी 3: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
