1 तिमुथी 4
4
झुठा सिकछा एमोअ कु तरअः चौंचित ताहिनपे
1बकिर पबितर आतमा सफा-सफा कंहड़ीयाय, ची आखरी दिन रे थोड़ेक होड़ भ-भटकाव वाला झुठ आतमा आला उपदेस, आउर मुवाँ आतमा आला सिकछा रे धेयान एम केते बिसवास तरअः भटकाव कोआकु। 2हुंकू झुठा कपट होड़कु रअः सिकछा रेनअः चलते नोकान हुयाव कोआ, जेकर भितरी मन रे सैतान आला मरका लगाव चुकाव ताना। 3हुंकू बिहायोअ तरअः रोरोकाव कोआकु, थोड़ेक जो-जोम जिनीस तरअः ब-बधराव कोआकु, जेके परमेसर आलकु बिसवासीकु लःअय आउर जे सचाई के पाड़ीआकु हुंकू लःअय धन्यवाद केते जो-जोम लःअय बनाव तदाय। 4एता लःअय ची परमेसर बनाव लआ जामा जिनीस बेसा, आउर ओका जिनीस होः घिंड़ोअ लकान कनोआँ, निआँ ची धन्यवाद केते जो-जोम चाही। 5एता लःअय ची होना परमेसर आला वचन आउर बिनती तरअः पबितर जुनोआ।
ख्रीस्त आलकु बेस से-सेवा वाला पाड़ीयोअ पे
6जदि आम बोकोकु के नोःआंँ बात के उईहार एकाअ चिकुआम, दो ख्रीस्त ईसु आली नोकान बेस से-सेवा वाला ठहराव कोआम, जेकर पलाव-बढ़ाव बिसवास तरअः आउर हिना सचा सिकछा तरअः हुयाआ जेकर आम ईमानदारी से पालन आगुः दाम। 7परमेसर रअः बिरोध वाला बात आउर सियांड़ी कु आला बनाव लअः मारी गाम तरअः लंका ताहिन मे, आउर आम परमेसर आला भकती रे लगाल ताहिनमे। 8एता लःअय ची होड़ो रेनअः कसरत तरअः थोड़ेअ केन फयदा भेटाआ, बकिर भकती जामा बात लःअय फयदा एदनाआ, एता लःअय ची नोःआँ धरती रे होः आउर तेङ रअः जिनगी लःअय एम लअः वादा मेसा नेना एदनाआ। 9आउर नोःआँ बात सचे हेके आउर जामा लकान रे बि-बिसवास लकान एदनाआ। 10आबु निआँ लःअय मेहनाईत यअते कुरनीसेआबु ची आबु आला आसरा हुनी जिवीःड परमेसर रे एदनाआ, जे जामा मनवाकु आली, आउर खास केते बिसवासीकु आली उ-उधार अवला हेके।
11निआँ बात रेनअः हुकूम आउर सिकछा एमा कुपे। 12जाहें आम आला जवानी के तुछ आलकु समझाव दाड़ी के, बकिर आम अपन चाईल-चकर रे, बात-चीत रे, पेरेम रे, अपन बिसवास आउर पबितर जिनगी तरअः बिसवासीकु लःअय नमुना बनाअः मे। 13जब तक ईङ काईङ हिजोआ जगुत बचन के पढ़ाव केते सुसुनाव रे, ढाढ़स एमोअ आउर सिकछा एमोअ रे लगाव तहिनमे। 14होना आगमजानी लआ तरअः भेटाव ऊना अगुवाकु आला तीः दो-दोहो बेरा आम के भेटाव ऊना होना बरदान तरअः निरफिकीर आलुम ताहिकोअ।
15होना जामा बात के सोंचाव एकाय मे आउर लगाल ताहिन मे। जेकर से ची आम आला बढ़ोतरी जामाकु रे दिसतारोः। 16अपन आउर अपन उपदेस रेनअः धेयान दोहोय मे। नोःआँ बात रे असथीर ताहिनमे, एता लःअय ची जदि आम नोकानेआम दो आम आउर अपन अआयुम कु लःअय होः उधार रेनअः कारन पाड़ी कोआम।
Currently Selected:
1 तिमुथी 4: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
