1 थिसलुनी 1
1
जोहार
1 #
प्रे.कामी 17:1
थिसलुनिके रिनकु कलीसिया रेनअः नुमू रे जे परमेसर बाबा आउर परभु ईसु ख्रीस्त रे एदान कुआ पौलुस आउर सिलबानुस आउर तिमुथियुस पखा तरअः दया आउर सानती भेटाव एका योअः।
थिसलुनी रिनकु आला बेस नमुना
2आले अपन बिनती रे आपे के जामा बेरा उईहार पेआले आउर जामा बेरा आपे जामाकु बारे रे परमेसर आला धन्यवादे-आले। 3आउर अपन परमेसर आउर आपा रेनअः मड़ांग आपे आला बिसवास रेनअः काम, आउर पेरेम तरअः सिरजाव ओना मिहनाईत, आउर आबु आली परभु ईसु ख्रीस्त रे आपे आला मजगुत आसरा के रोज-दिन उईहारेआले।
4ए दुलार बोको बोयहाकु परमेसर आपे के दुलार पेआय, आले पड़ीआले ची परमेसर आपे के निबाड़ तदपेआय। 5एता लःअय ची आबु आला बेस खभाईर आपे दुबाःड़े बात भाईर रे कोवान, बकिर समरथ आउर पबितर आतमा, आउर पका बिसवास लोः सोदोर नेना, जे लकान आपे पाड़ी आपे, ची आपे आला भलाई लःअय आले आला चाईल-चाकर आपे दुबाःड़े एता लकान ताहिना। 6#प्रे.कामी 17:5–9आपे, आले के आउर परभु के अपन नमुना रअः भेस रे इदी लेलेआपे आउर मुरुक बिपाईत झेलाव यःअते होः पबितर आतमा रअः अगवाई रे रिझ-रिझ बेस-खभाईर के तेला लअपे। 7नोःआँ लकान आपे मकिदुनिया तेकर अखाया रिनकु जामा बिसवासीकु लःअय नमुना बनाव नापे। 8आपे दुबाःड़े तरअः परभु आला वचन मकिदुनिया तेकर अखाया भाईर रे का आउंजाईर नेना, बकिर परमेसर रे आपे आला बिसवास रेनअः चरचा जामा दुबाःड़े हुयाअः ताना। आले के एतान होः क-कंहड़ी रेनअः दरकार कनोआँ। 9एता लःअय ची हुंकू होड़कु आले के खुदे आले बारे उदूः गेआकु ची आपे दुबाःड़े एता लकान आले आला सोवागत हुयाव नेना, आउर आपे एता लकान मुरती पुजा बाई केते परमेसर पखा फिराव नेनापे, जेकर से आपे जिवीःड आउर सचा परमेसर आला सेवा-सुसार वाला बनाअः पे, 10आउर हुनी आली होपोन ईसु आला नेल आसरायपे, जेके परमेसर गोएःग उनकु तरअः जिवीःड लियाय। निई ईसु सिरमा तरअः अड़गु कोआय आउर हिजोः वाला खीस तरअः आबु के बंचाव किबुआय।
Currently Selected:
1 थिसलुनी 1: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
