1 पतरस 1
1
जोहार
1ईसु ख्रीस्त आली प्रेरित पतरस आला नोःआँ चिठी, परमेसर आलकु हुंकू निबाड़ लिनकु आला नुमू एदनाआ, जे पोनतुस, गलाती, कप्पदुकिया, एसिया, आउर बिथुनिया रे छितीर-बितीर केते परदेसी कु लेकन ताहिनोआकु। 2जे ढेर पहिल जामा पाड़ी वाला बाबा परमेसर दोवारा राअः लिनकु हेके, आउर आतमा तरअः पबितर तनाकु, जेकर से ची हुंकू ईसु ख्रीस्त आला हुकूम रअः पालनेकु, आउर हुनी आला मयोम छिछिटकाव तरअः पबितारोः कु। आपे रे परमेसर आला दया आउर सानती ढेर जादे भेटाव एकान।
जिवीःड आसरा
3स्तुति जुकूर इदानियाँ आबु आली परभु ईसु ख्रीस्त आली आपा परमेसर, जे ईसु ख्रीस्त के गोएःग उनकु तरअः जिवीःड-बिरिःड लियाय दोवासते हुनी अपन दया तरअः आबु के जिवीःड आसरा लःअय नावाँ जनम एम तदाय।
4जेकर से ची आपे अपन लःअय सिरमा रे बेस केन दोहो लअः कहियो का-अन्तोः वाला, निरङ, का धुमाईलोः वाला हकदारी आबु लःअय सिरमा रे दोहो लआ एदनाआ। 5आपे आला बिसवास दोवारा परमेसर आला समरथ आपे के होना उधार लःअय जतनाव दोहो पेआय, होना उधार अखरी बेरा रे दिसतारोः लःअय तेयार एदनाआ। 6आउर नहाअः आपे के थोड़ेक बेरा लःअय रकम-रकम रअः परीकछा तरअः दुख ऊउठाव जरूरी पड़ाअः सेरे होः नोःआँ रे आपे रिझोअ पे। 7नोःआँ निआँ लःअय हुयाआ ची आपे आला बिसवास, परीकछा रे पका उड़ूंगोः। सोना केहोः दो सेंगेल रे धीपायाकु आउर आपे आला बिसवास घटिया सोना तरअः होः जादे दामी एदनाआ। हिना लःअय आपे आला बिसवास के होः प-परखाव जरूरी एदनाआ। ताकि ईसु ख्रीस्त रअः दिसतारोः हिला स्तुति, महिमा आउर मरजाईद, रअः कारन पाड़ीयोः। 8आपे दो ईसु के कापे नेल तदिया रे होः गी आपे हुनी लोः दुलारेआपे। रे होः गी आपे हुनी के नहाअः होः कापे नेल दड़ीआ रे होः गी हुनी एड़े बिसवासेआपे, आउर नोकान रीझोआपे आउर खुसोआपे जे उउदूः का दाड़ी लकाना, आउर महिमा तरअः पेरेःग उना एदनाआ। 9आउर अपन बिसवास रअः आखरी जोअः माने कि अपन आतमा रअः उधार पे नामेआ।
10नोःआँ उधार रअः बारे रे आगमजानीकु अजम मिहनाईत केते खोज-पुछाईर तदाकु आउर बेःलय सावधान से पता लगाव तदाकु, हुंकू आपे एड़े दिसतारोः वाला दया रअः बारे रे आगमजानी ताही लःअकु। 11ख्रीस्त आला आतमा, हुंकू आगमजानीकु रे ताही नेना आउर पहिल तरअः गी हुनी ख्रीस्त आला खिलपाईत तेकर होना तयोम हिजोः वाला महिमा रअः गोवाही एमे केनाकु। आगमजानी नोःआँ पा-पाड़ी नाम केनाकु ची आतमा उकिन बेरा ओका लकान बेरा पखी इसाराः दाय। 12हुंकू रे नोःआँ दिसतार लअः ताहीना ची होना बात रअः परचार यःअते, हुनी अपन आला काय सेवाय केना बकिर आपे लःअय सेवाय केनाय। होना बात सिरमा तरअः भेजाव लअः पबितर आतमा तरअः आपे के बेस खभाईर रअः उपदेस एमोअः कु तरअः नहाअः उदूः तदाकु। आउर होना बात के गहराई से पा-पाड़ी लःअय दो सिरमादूत होः तरसाआकु।
परमेसर लकान पबितर जिविडोः
13हिना लःअय मन तापे रे चौंचित तहिनपे आउर अपन मन के एकसम तेयार दोहोय पे, होना दया रअः पुरा आसरायपे जे ईसु ख्रीस्त रअः दिसतारोः बेरा आपे के भेटाअः वाला एदनाआ। 14हुकूम अआयुम चेंगा लकान जिवीडोः पे, जे लकान अपन अनजान बेरा रअः खराप इकछा लकान जिवीडोः केनापे होंकान आलपे जिवीःड कोअः। 15बकिर जे लकान आपे आली रा-राअःई पबितराय, हिना लकान गी आपे होः जामा चाईल-चकर रे पबितर बनाअः पे। 16#लेवी 11:44,45; 19:2एता लःअय ची पबितर पोथी रे लिखा लअः एदनाआ, “पबितर बनाअः में, एता लःअय ची ईङ पबितारिङ।” 17-18आउर जदि आपे हुनी के बाबा कंहड़ी केते गोहराआपे, जे जामा के बराबईर नेल कुआय, मेःड-मुंहाड़ नेल केते काय नेया-येआ बकिर हुंकू आला कामी रअः मोताबिक नेया-येआय, दो जे उमीन दिन जगुत नोःआँ परदेस रे ताहीनोआपे हुमिन दिन जगुत परमेसर आला बोर मनाव यःअते जिनगी बितायपे। आपे पड़ीआपे ची आपे आला बेकाम चाईल-चकर जे पुरखा तरअः चलव दराआ होना तरअः छुटकारा सोना चाँदी, जे लकान नठाअः जिनीस तरअः का हुयाव ताना, 19बकिर मियांड बेकासुर आउर निमन भेंड़ा छउना माने कि ख्रीस्त आला किमती मयोम तरअः छुटकारा हुयाव ताना। 20परमेसर दुनिया रअः सिरजअः तरअः पहिल रेगी बहाली ताही लियाकु, बकिर समय रअः अखरी रे आपे लःअय दिसतार नेनाय। 21आउर आपे नहाअः हुनी रअः चलते बिसवासेआपे। परमेसर हुनी के गोएःग उनकु मेसे जिवी:ड लियाय आउर महिमा एमा लियाय, जेकर से आम आला बिसवास आउर आम आला आसरा परमेसर रे टिकाव ताहिन।
22जब आपे सच रअः आयुम यःअते सचे बोको दुलार के दे-देखाव लःअय, अपन आतमा के पबितर तदापे, दो सुध मन रे जोर लगाव केते एटाअः कु लोः एकसम दुलार कुपे। 23आपे आला नावाँ जनम हुयाव ताना आपे आला नोःआँ जनम, नसोअः वाला होड़ो तरअः कोवान, बकिर का-नसोअः वाला माने कि जिवीःड आउर जामा बेरा ताहिनोः वाला परमेसर आला वचन हुयाव ताना। 24#जसा 40:6–8एता लःअय ची
“जामे होड़ बीर लकानाकु,
आउर हुंकू आला सोभा बीर रअः बाहा लेकाना,
बीर गोएःग जुनोआ आउर बाहा रोहोड़ जुनोआ। 25बकिर परभु आला बचन जुग-जुग बनाव ताही कोआ,” आउर नोःआँ हिना बेस खभाईर हेके जेके आपे के सुनाव लअः एदनाआ।
Currently Selected:
1 पतरस 1: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
