Popular Bible Verses from 1 पतरस 1

Share

स्तुति जुकूर इदानियाँ आबु आली परभु ईसु ख्रीस्त आली आपा परमेसर, जे ईसु ख्रीस्त के गोएःग उनकु तरअः जिवीःड-बिरिःड लियाय दोवासते हुनी अपन दया तरअः आबु के जिवीःड आसरा लःअय नावाँ जनम एम तदाय। जेकर से ची आपे अपन लःअय सिरमा रे बेस केन दोहो लअः कहियो का-अन्तोः वाला, निरङ, का धुमाईलोः वाला हकदारी आबु लःअय सिरमा रे दोहो लआ एदनाआ।

आउर नहाअः आपे के थोड़ेक बेरा लःअय रकम-रकम रअः परीकछा तरअः दुख ऊउठाव जरूरी पड़ाअः सेरे होः नोःआँ रे आपे रिझोअ पे। नोःआँ निआँ लःअय हुयाआ ची आपे आला बिसवास, परीकछा रे पका उड़ूंगोः। सोना केहोः दो सेंगेल रे धीपायाकु आउर आपे आला बिसवास घटिया सोना तरअः होः जादे दामी एदनाआ। हिना लःअय आपे आला बिसवास के होः प-परखाव जरूरी एदनाआ। ताकि ईसु ख्रीस्त रअः दिसतारोः हिला स्तुति, महिमा आउर मरजाईद, रअः कारन पाड़ीयोः।

बकिर जे लकान आपे आली रा-राअःई पबितराय, हिना लकान गी आपे होः जामा चाईल-चकर रे पबितर बनाअः पे। एता लःअय ची पबितर पोथी रे लिखा लअः एदनाआ, “पबितर बनाअः में, एता लःअय ची ईङ पबितारिङ।”

हुकूम अआयुम चेंगा लकान जिवीडोः पे, जे लकान अपन अनजान बेरा रअः खराप इकछा लकान जिवीडोः केनापे होंकान आलपे जिवीःड कोअः।

हिना लःअय मन तापे रे चौंचित तहिनपे आउर अपन मन के एकसम तेयार दोहोय पे, होना दया रअः पुरा आसरायपे जे ईसु ख्रीस्त रअः दिसतारोः बेरा आपे के भेटाअः वाला एदनाआ।

एता लःअय ची “जामे होड़ बीर लकानाकु, आउर हुंकू आला सोभा बीर रअः बाहा लेकाना, बीर गोएःग जुनोआ आउर बाहा रोहोड़ जुनोआ। बकिर परभु आला बचन जुग-जुग बनाव ताही कोआ,” आउर नोःआँ हिना बेस खभाईर हेके जेके आपे के सुनाव लअः एदनाआ।