1 जोहन जान-चिनहार
जान-चिनहार
जोहन रआ पहिला चिठी प्रेरित जोहन दोवारा मसी आला जनम रेनअः 50 तरअः 100 साल रेनअः ताला रे लिखा लअः हेके। जोहन यद्दपि खुद के नोःआँ चिठी रेनअः लेखक रअः भेस रे प्रतिस्थापित काय या, बकिर पहिला अध्याय उदूगेआय ची हुनी ईसु आला जिनगी तेकर जिवीःड-बिरिडोः रेनअः आँईख-देखार गोवाह एदानिया (1:1–3)। पहिला जोहन रे भेटाअः वाला लि-लिखा रेनअः ढंग तरअः ढेर जुमाआ। नोकान मनाआकु ची जोहन आला बेस खभाईर तेकर पेने चिठी 1 जोहन, 2 जोहन, 3 जोहन के जोहन नोःआँ चिठी के जामे मसीही कु लःअय लिखा लःअय जब कलीसिया के नोस्टिक्स मेनोअ केनाकु खुड़हा रिनकु सदस्य कु तरअः समस्या हुयाअः केना। नुकू बिसवासे केनाकु ची ईसु पुरा-पुरी परमेसर ताही नेनाय बकिर धरती रे ताहिनोः तुली हुनी असल रे जाङ-सिकार तरअः बनाव उनी होड़ो सोलोंग उनी मनवा काय थिना। हिना लःअय जोहन लिखायाय ची हुनी ईसु आला घटना रेनअः आँईख-देखार गोवाह एदानिया तेकर हुनी खुदे अपन तीः तरअः ईसु के छुवांव लियाय (1:1–3)। नोःआँ चिठी के लि-लिखा तयोम जोहन आला उदेस्य ताही नेना ची पहिला हुनी आला आबु आला रिझ पुरा जुनोः (1:4 )। दुसरा बिसवासीकु पा-पाप तरअः बंचाव ताहिन कु ( 2:1 ) तीसरा बिसवासीकु झुठा सिकछा तरअः बंचाव ताहिनकु (2:26), तेकर चौथा बिसवासीकु पका हुयाव सकाअ ची हुंकू बंचाव लिनकु हेके (5:13)।
रुपरेखा
1. जोहन चिठी रेनअः जान-चिनहार एम यआते लि-लिखा रअः अपन मियांड उदेस्य उदूगेआय (1:1–4)
2. फिन हुनी बखान केते उदूगेआय ची परमेसर मरसल हेके तेकर आबु के जरूर नेकान जिनगी जिवीडोअ चाही जे लकान ईसु देखाव लःअय (1:5—3:10)
3. होना तयोम हुनी आले के हुकूम रेनअः उईहार चिआय, जेकर कंहड़ी लअः एदनाआ ची आबु जामेकु लोः पेरेम दोहोय बु (3:11—5:12)
4. हुनी चिठी रेनअः लिखा चाबायाय (5:13–21)
Currently Selected:
1 जोहन जान-चिनहार: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0