2 पतरस 3

परभु हिजोः रअः दिन

1ए दुलार गातीकु, ईङ आपे के नोःआँ दुसरा चिठी लिखाअः दिङ, आउर बनार रे होना जामा बात के उईहार ची केते, आपे आला मन रे पबितर सोंच के ज-जगाव चहाईङ। 2ची आपे होना बात के, जे पबितर आगमजानीकु पहिल तरअः गी कंहड़ी तदाकु, आउर परभु उ-उधार अवला आला होना हुकूम के उईहारेपे, जे आपे आलकु प्रेरितकु तरअः भेटाव ताना। 3#यहु 1:18आउर नोःआँ पहिल पाड़ी केपे ची आखरी बेरा रे लन्दा ठठा वाला हीःग कोआकु, जे लन्दा ठठा केआकु आउर अपन गदुस इकछा रेनअः मोताबिक चलाव कोआकु। 4आउर कंहड़ी केआकु, “हुनी वादा ताही लःअय ची ईङ हिजोईंग होना वादा ओकाते सेनोः ना, आले आलकु पुरखाकु दो गोएःग चबाअः नाकु, जामा हिना लकान गी एदनाआ जे लकान दुनिया सिरजअः बेरा रे ताही नेना!” 5#एहेः 1:6–9हुंकू दो जाईन-बुईझ केते नोःआँ रिड़िःग केदाकु, ची परमेसर आला वचन दोवारा सिरमा पहिल पुरखा तरअः असथीर एदनाआ, आउर धरती होः दाअः तरअः बनाव केते दाअः रे असथीर एदनाआ। 6#एहेः 7:11निआँ चलते होना बेरा रेनअः जुग रअः दुनिया दाअः रे डुबाव केते नास ना। 7परमेसर आला होना वचन दोवारा नोःआँ परिया रेनअः सिरमा आउर धरती के सेंगेल तरअः भसामेकु लःअय होना नेयाय हिला लःअय बाई तदाय। हेन हिला परमेसर के काकु मनाआ होड़कु आला नास हुयाव कोआ।

8 # सिरिंग 90:4 ए दुलार बोको बोयहाकु! नोःआँ बात एकदम याईद दोहोय पे, ची परभु आला नजाईर रे मुसिङ, हजार बरीस बराबईर एदनाआ। आउर हजार बरीस मुसिङ बराबईर। 9परभु अपन वादा के पुपुरा रे काय दिरीया, जे लकान ची थोड़ेक होड़ समझाआकु, बकिर हुनी आपे चलते हुनी स-सहाव जुकूर एदानिङा आउर चहाआय ची ओके आला होः नास आलु हुयाव कोअ। बकिर नोःआँ ची जामेकु मन रूवाड़े कु। 10#सं.मत्‍ती 24:43; सं.लुका 12:39; 1 थिस 5:2; दि.वचन 16:15 परभु आला दिन चोर लकान हीःग कोआ। होना हिला सिरमा गरजाव यःअते छापित कोआ, आउर सिरमा रेनअः जामा मुरुक लो जिराव कोःअ ते नास कोआ, आउर धरती तेकर होना रे जे काम एदनाआ होना जामा छपित कोआ। 11जदि नोःआँ जामा नोःआँ लकान नास हुयाअः वाला एदनाआ, दो आपे के एता लकान जिनगी जिविडोः चाही? आपे के पबितर चाईल-चकर तेकर भकती जिनगी जिवीडोः चाही। 12आपे परमेसर आला होना हिजोः दिन रेनअः नेल आसरा तानापे आउर होना के जलदी आ-आगु रेनअः फिकिर दापे। होना हिला सिरमा लो केते नास कोआ आउर सिरमा रेनअः जामा धाईध रेनअः चलते गलाव कोआ। 13#जसा 65:17; 66:22; दि.वचन 21:1बकिर आबु परमेसर आला वादा रअः मोताबिक मियांड नावाँ सिरमा तेकर मियांड नावाँ धरती रेनअः नेल आसरा याबु, जेकर रे धरमी डेरा केआकु।

आखरी बात

14हिना लःअय ए दुलार बोको बोयहाकु! नोःआँ बात रेनअः नेल आसरा यःअते नोःआँ लकान जोर एकापे, ची आपे परभु आला नजाईर रे निसकपट आउर बेकासुर ठहराःपे आउर आपे हुनी लोः सानती ते ताहिन पे। 15आउर आबु आली परभु आला धीरज के उधार समझाअः पे जे लकान ची आबु आली दुलार बोको पौलुस अपन के भेटाव उना बुधी रेनअः मोताबिक आपे के लिखा लःअय। 16हिना लकान हुनी अपन जामा चिठी रे होः नोःआँ जामा बात रेनअः बखान तदाय जेकर रे उकिन बात नोकाना, जेके समझाअः मसकिल एदनाआ, आउर अनजान आउर चुल-चुलिया होड़कु होना रेनअः माने के होः बगड़ायाकु आउर पबितर धरम पुथी रेनअः आउर बात लकान खींचा-ताना केते अपन गी नसोअ रेनअः कारन पाड़ी योआकु। 17हिना लःअय ए दुलार बोकोकु! ईङ आपे के पहिल गी पड़ीआपे। आपे चौंचित ताहिन पे। नोकान आलु हुयाव कोअः ची आपे हुंकू अधरमीकु आला गलत सोंच तरअः बहकाव जुनोअः पे आउर अपन मजगुत ठाँव तरअः डगमगाव केते नुर जुनोअः पे। 18आपे आबु आली परभु आउर उ-उधार अवला ईसु ख्रीस्त आला दया आउर गेयान रे बढ़ाव सेनपे। हिनी आला नहाअः आउर जुग-जुग महिमा हुयाअः! आमीन।

Currently Selected:

2 पतरस 3: ASR

Highlight

Copy

Compare