1 जोहन 1

जिनगी रअः बचन

1 # सं.जोह 1:1 जिनगी एमोअ वाला होना बचन रअः बारे रे जे सुरू तरअः गी ताही नेना, आले नोःआँ के आयुम तदाले, अपन मेःड तरअः नेल तदाले, धेयान से नेल तदाले आउर अपन तीः तरअः छुंवाव तदाले। 2#सं.जोह 1:14नोःआँ जिनगी दिसतार नेना आउर होना के आले नेल लआले आउर हिना रअः गोवाही एमेआले आउर आपे के होना का-अन्तोः जिनगी रअः खभाईर परचारेआले, जे आपा लोः ताहीना, आउर आले लोः दिसतार नेना। 3जे आले नेल तदाले आउर अयुम तदाले हिना के आले आपे के परचारेआले, जेकर से आपे के होः आले लोः संगति हुयाअः, आबु आला नोःआँ संगति, आपा आउर हुनी आली होपोन ईसु ख्रीस्त लोः एदनाआ। 4नोःआँ बात के निआँ लःअय लिखाअ दाले ची आबु आला खुसी पुराव जुनोः।

परमेसर मरसल हेके

5आले जे ख्रीस्त तरअः संदेस परचारेआले हिना केगी आपे के होः उदूः दिपीईंग, होना नोःआँ हेके “परमेसर ईंजोत हेके आउर हुनी एड़े मियांड-मिन अंधार कनोआँ।” 6जदि आबु कंहड़ीआबु ची आबु हुनी लोः संगति दोहोयाबु आउर अंधार रे चलाआबु, दो आबु झुठा कंहड़ीयाबु आउर सचाई रे काबु चलाआ। 7बकिर जे लकान हुनी मरसल रे एदानिया, हिना लकान आबु होः मरसल रे चलाआबु दो हुनी-नुई लोः संगति दोहोयाबु, आउर हुनी आली होपोन ईसु ख्रीस्त आला मयोम आबु आला जामा पाप तरअः सुध बुआय।

पाप तरअः लंका ताहिनोअ

8जदि आबु कंहड़ीआबु ची आबु रे मियांड होः पाप कनोआँ, दो आबु अपने के धोखा एमेआबु आउर आबु रे सचाई कनोआँ। 9जदि आबु अपन पाप के मनाआबु, दो हुनी आबु आला पाप के छछमा लःअय आउर जामा अधरम तरअः सुसुध लःअय, हुनी बि-बिसवास लकान आउर धरमी हेके। 10जदि आबु कंहड़ीआबु ची आले काले पापेआ, दो परमेसर के झुठाबु ठहराईया आउर हुनी आला बचन आबु एड़े कनोआँ।

Currently Selected:

1 जोहन 1: ASR

Highlight

Copy

Compare