1 कुरिन्थी 15
15
ख्रीस्त आला जिवीःड-बिरीडोअ
1ए बोको बोयहाकु! ईङ आपे के होना बेस खभाईर रेनअः उ-उईहार ची नाम तानिङ जेकर ईङ आपे ताला रे परचार थिलिईङ, जेके आपे गरहन लअपे, जेकर रे आपे डिढ़ बनाल एदान पेआ। 2जदि होना बेस खभाईर के जेके ईङ आपे के सुनाव थिलिईङ होना रे बनाल ताहिनपे दो परमेसर आपे आला उधार केआय, कोवान दो आपे आला बि-बिसवास बेकारा। 3#जसा 53:5–12निआँ चलते ईङ जामा तरअः पहिल आपे के हिना बात सोदोर ओपे लाईङ, जे ईङ दुबाःड़े सोदोर थिना, ची पबितर धरम पुथी रअः मोताबिक ईसु ख्रीस्त आबु आला पाप लःअय गोएःग नाय। 4#सिरिंग 16:8–10; सं.मत्ती 12:40; प्रे.कामी 2:24–32आउर हुनी के काबुर रे दोहो लियाकु, आउर धरम पुथी रअः मोताबिक तीसरा हिला जिवीःड होः जिवीःड नेनाय। 5#सं.लुका 24:34; सं.मत्ती 28:16,17; सं.मर 16:14; सं.लुका 24:36; सं.जोह 20:19आउर हुनी कैफा के दिसतार नेनाय आउर होना तयोम बराह चेलाकु के देखार नेनाय। 6फिन हुनी पाँच साय तरअः जादे बोको के होः मिसा-तेरे देखार नेनाय। हुंकू मेसे ढेर नहाअः जगुत जिवीःड एदान कुआ, आउर थोड़ेक गोएःग नाकु। 7नोःआँ तयोम हुनी याकुब मड़ांग रे दिसतार नेनाय। आउर होना तयोम हुनी जामे प्रेरितकु के फिन देखार नेनाय। 8#प्रे.कामी 9:3–6आउर जामा तरअः तयोम हुनी ईङ के होः देखार नेनाय, जे मनाअ पे ची सतवाँस चेंगा लकान जनमाव तानिङ। 9#प्रे.कामी 8:3एता लःअय ची प्रेरितकु रे जामा तरअः छोटेईङ। नुमिन जगुत ची ईङ प्रेरित कंहड़ीयोः लकान होः कनियाँ, एता लःअय ची ईङ परमेसर आला कलीसिया के सताव थिलकुईङ। 10बकिर ईङ जे कुछ होः इदानिङा परमेसर आला ढेर दया तरअः एदानिङा। हुनी आला दया जे ईङ तेङ रे एदनाआ होना बेकार का हुयाव नेना। बकिर ईङ हुंकू जामे तरअः जादे मेहनाईत तदिङ। सेरे होः नोःआँ ईङ पखा तरअः का हुयाव नेना, बकिर परमेसर आला दया तरअः जे ईङ तेङ रे ताहिना। 11हिना लःअय चाहे ईङ आपे के परचार लाईङ चाहे हुंकू, आले निआँ गी उपदेस एमा कुआले आउर निआँ रे आपे बिसवास तदापे।
गोएःग उनकु आला जिवीःड बिरिडोअ
12परमेसर ख्रीस्त के जिवीःड लियाय रअः बेस-खभाईर आपे के परचार लआले सेरे होः आपे मेसे थोड़ेक गोएःग उनकु आला जिवीःड-बिरिडोः कनोआँ नोकान एता लःअय कंहड़ीयाकु। 13आउर जदि गोजोअः तयोम जिवीःड-बिरिडोः कनोअ गीआ दो ख्रीस्त होः काय जिवीःड नेनाय। 14जदि ख्रीस्त काय जिवीःड ताना, दो आले आला प-परचार बेकार एदनाआ आउर आपे आला बिसवास होः बेकारा। 15तब आले होः परमेसर रअः बारे रे झुठा गोवाह ठहराआले, एता लःअय ची आले परमेसर बारे रे नोकान गोवाही एम तदाले ची हुनी ख्रीस्त के जिवि:ड लियाय। जदि गोएःग उनकु काकु जिवि:ड विरीडोआ दो परमेसर, ख्रीस्त के होः काय जिवीःड बिरिःड तदिया। 16जदि गोएःग उनकु काकु जिविःड-बिरिडोआ, दो ख्रीस्त होः काय जिवीःड-बिरिःड ताना। 17जदि ख्रीस्त काय जिवीःड-बिरिःड ताना दो, आपे आला बिसवास बेकार एदनाआ, आउर आपे नहाअः जगुत अपन पाप रे गी एदान पेआ। 18नोकान बात एदनाआ दो, जे होड़ ख्रीस्त रे बिसवास यअते गोएःग नाकु हुंकू होः नास नाकु। 19जदि आबु निआँ जिनगी भाईर लःअय ख्रीस्त रे आसरा दोहोयाबु दो, आबु जामा मनवा तरअः जादे अभागा एदानबुआ।
20बकिर ख्रीस्त सचे गोएःग उनकु तरअः जिवीःड बिरिःड तनाय। जे होड़ मराईन रे गितीःग तानाकु, हुंकू रे ख्रीस्त के जामा तरअः पहिल जिवीःड-बिरिःड लियाय। नोःआँ, होना बात के देखायाय ची बाकी गोएःग उनकु होः जिवीःड बिरिःड कोआकु। 21एता लःअय ची जे लकान मिहोंड़ मनवा तरअः मराईन हीःग नेना, हिना लकान मियांड मनवा तरअः गी गोएःग उनकु आला जिवीःड-बिरिःड होः हुयाव नेना। 22जे लकान जामा मनवा आदम आला पाप रअः चलते गोजोआकु, हिना लकान जामा ख्रीस्त रअः चलते जिवीःड-बिरिःड कोआकु। 23बकिर जामे झन अपन पारी रअः मोताबिक फिन जिवीःड कोआकु। जामा तरअः पहिल ख्रीस्त के जिवि:ड लियाय, फिन हुनी दोबारा हिजोआय बेरा हुंकू जे ख्रीस्त रे बनाल एदान कुआ जिवि:ड किकुआय। 24नोःआँ तयोम जब ख्रीस्त, जामा बरन रिनकु राईज चलाव कु, हाकिमकु, आउर जामा सवांग के अंत केते, राईज के बाबा परमेसर आला तीः रे जिमाओ कियाय, तब अंत हीःग कोआ। 25#सिरिंग 110:1एता लःअय ची जब तक परमेसर ख्रीस्त आलकु बैरीकु के, हुनी आला इड़का लातार रे आलुई रौंदाव कु जगुत ख्रीस्त आला रा-राईज दरकार एदनाआ। 26जामा तरअः आखरी बैरी जेके नास कियाकु, होना मराईन हेके। 27#सिरिंग 8:6परमेसर आला वचन कंहड़ीयाय ची “परमेसर जामा जिनीस के हुनी आला पाँव लतार रे ईया तदाय।” होना “जामा” रे परमेसर समिल कनिया, माने कि परमेसर खुद के बाई केते जामा के ख्रीस्त रअः अधीन रे केदाय। 28जे जामा कुछ के हुनी आला हक रे थिलाआय, तब होपोन खुदे परमेसर आला आधीन रे कोआय। जे जमा कुछ हुनी आला हक रे कराव ताही लःअय। जेकर से ची परमेसर जामा से जामा रे राईज केआय।
29जदि गोएःग उनकु काकु जिविडोआ दो, जे होड़ गोएःग उनकु लःअय बतिस्मा इदीयाकु। दो आपे एता लःअय नोकानेपे। जदि गोएःग उनकु आला जिवीःड बिरिडोः हाईये का हुयाआ दो हुंकू एतान आसरा रे बतिस्मा इदीयाकु? 30आउर आबु होः जामा बेरा एतान लःअय बिपाईत झेलाव एकायाबु। 31ए बोको बोयहाकु ईङ आपे बारे रे आबु आली परभु ईसु ख्रीस्त रे घमन्डे ईङ। ईङ कंहड़ीः दिङ ची ईङ रोज दिन मराईन लोः लड़ाईङ। 32#जसा 22:13जदि मनवा रअः नेग मोताबिक इफिसुस रिनकु होड़कु ईङ के “बुरु रिनकु जनवरकु लकान” मुरुक बिरोध लियाँकु, जदि गोएःग उनकु के काकु जिवीःड बिरिःड कुआ दो, ईङ होड़कु आला नेग मोताबिक बिपाईत सहायीङ ईङ लःअय होना दो एतान फयदा होः कनोआँ। आउर नोकान एदनाआ “दो एला जोम नुयाँबु एता लःअय ची गपा दो गोजोअः गी एदनाआ।”
33एटाअ होड़ आला फु-फुसलाव रे आलपे चलाअ, एता लःअय ची “बुरी संगवारी बेस धाचाईर के बगड़ाव गुलताआय।” 34होस रे हिजोअ पे जे लकान ची उचित एदनाआ पाप कामी बाईपे, आपे मेसे थोड़ेक नोकानाकु जे परमेसर रअः बारे काकु पाड़ीआ। ईङ नोःआँ निआँ लःअय कंहड़ीः दिङ ची आपे लाजोअ पे।
आबु के एता लकान होड़ो भेटाव कोआ
35बकिर जाहें सवाल सकायाकु ची,
“गोएःग उनकु एता लकान जिवीःड विरिडोआकु? आउर हुंकू एता लकान होड़ो आगु केते हिजोआकु?” 36ए बे-बुधी कु आपे जे हेरेआपे होना का गोजोआ जगुत होना का अखुवा योआ। 37जब आपे हेरेआपे होना बीड़ा चाहे गाछी होड़ो कोवान, बकिर गोटा गी हेके, चाहे गोहोम रेनअः दाना ताहिनोअ चाहे जहान एटाअ आनाईज। 38बकिर परमेसर जामा बिहाईन के अपन मरजी रअः मोताबिक लरङ चाहे गाछी के होड़ो रअः भेस एमेआय। आउर हुनी जामा बिहाईन रअः अपन-अपन लरङ चाहे गाछी एमेआय।
39जामा जिवीःड जीव-जनतु आला हरता मि बरन का-हुयाआ। होड़ आला हरता मि बरन हुयाआ बकिर जनवर आला हरता एटाअ लकाना। ओड़े आला एटाअ बरन हुयाआ, आउर हाकु आला अलगे एदनाआ।
40सिरमा रे होड़ो एदनाआ, आउर ओत रे होः होड़ो एदनाआ, बकिर बनार रअः महिमा आलगे एदनाआ। 41सिंङ बोंगा, चानु आउर इपील रआ होः बरने-बरन रेनअः जिरजोर एदनाआ। इपील कु ताला रे होः आलग-आलग लवकाव एदनाआ।
42मुरदा कु आला जिवीःड-बिरिडोः होः निकान गी एदनाआ, होड़ो के नसोअ दसा रे गाड़ा याकु, आउर कानासोअ भेस रे जिविडोआ। 43जब होड़ो के तेपेडेआकु दो होना बेमाईन आउर बेपाया वाला एदनाआ, आउर जब होड़ो जिविःड-बिरिडोआ दो होना महिमा आउर सवांग रे पेरेःग ताना। 44दुनिया रेनअः होड़ो के गाड़ा याकु आउर आतमिक होड़ो जिवीःड विरिडोआ, नोःआँ दुनिया रे ताहिनोः लःअय होड़ो हुयाआ, दो सिरमा रे ताहिनोः लःअय होः आतमिक होड़ो हुयाव कोआ। 45#एहेः 2:7हिना लकान परमेसर आला बचन रे लिखा लअः एदनाआ, “परमेसर पहिला मनवा आदम के जिवीःड परानी बनाव लियाय,” बकिर आखरी आदम जिनगी एमोई आतमा हेके। 46आतमिक होड़ो सुरू रे काय हीःग थिना बकिर दुनियादारी पहिल हीःग थिनाय। होना तयोम आतमिक होड़ो हीःग नेनाय। 47जामा तरअः पहिल रिनी मनवा के परमेसर ओत रअः हास तरअः बनाव लियाय, आउर तयोम रिनी मनवा सिरमा रिनी परमेसर पखी तरअः हीःग नेनाय। 48जे लकान पहिल रिनी मनवा के हास तरअः बनाव लियाय, हिना लकान गी जामे होड़ हास तरअः बनाव लिनकु हेके। जे लकान ख्रीस्त सिरमा तरअः इदानियाँ, हिना लकान सिरमा रिनकु होः ख्रीस्त लकान एदान कुआ। 49जे लकान आबु हास रअः गरहाव लअः मनवा मुठान लकानाबु, हिना लकान आबु ख्रीस्त लकान कोआबु, जे सिरमा तरअः एदानिया।
50ए बोकोकु, ईङ आला क-कंहड़ी रअः माने नोःआँ हेके, ची सिकार आउर मयोम परमेसर आला राईज रे इरकु बोलो दड़ीयोआ। आउर ना नसोअ वाला, का-नसोअ रअः हकदार पाड़ी कोआकु।
51-52 #
1 थिस 4:15–17
आयुमेपे, ईङ आपे के उकु उना बात के उदूः दिपीईङ, आबु मेसे थोड़ेक गोएःग कोआबु, थोड़ेक ईरबु गोजोआ, बकिर आबु जामे बादलाव कोआबु। जब आखरी तुरही ओङ कोआ तब अचाका नपिःग यअते गी मि-घड़ीक रेगी नोकान हुयाव कोआ, एता लःअय ची तुरही बजाव कोआ आउर परमेसर गोएःग उनकु के का-नसोअ रअः दसा रे, जिविःड-बिरिःड किकुआय, हिमने रे आबु जामे बदलाव कोआबु। 53एता लःअय ची नोःआँ दरकार एदनाआ, ची होना नसोअ वाला होड़ो का-नसोअ के सोलोंगे, आउर नोःआँ गोजोअः होड़ो का गोजोअः के सोलोंगे। 54#जसा 25:8जब नोःआँ नासोअ होड़ो का-नासोअ के सोलोंग केआय, आउर नोःआँ गोजोअः होड़ो का गोजोअः के सोलोंग केआय, तब परमेसर आला बचन रे जे लिखा लअः एदनाआ होना पुराव कोआ। होना नोःआँ हेके “जीत मराईन के ऊःड किदयाय।”
55 #
होसे 13:14
“ए मराईन आम आला जीत ओकाःड़ेआ?
ए मराईन आम आला बालोम रअः चिभचिभी ओकाःड़े एदनाआ?”
56मराईन रअः बालोम रअः चिभचिभी दो पाप हेके, आउर पाप रअः सवांग हेके मुसा आला कनहुन। 57परमेसर के धन्यवाद, आबु आली परभु ईसु ख्रीस्त दोवासते पाप आउर मराईन रे जीत एमेआय।
58हिना लःअय दुलार बोको बोयहाकु, ईसु ख्रीस्त रे डिड़ आउर डटाव ताहिनपे, आउर हुनी आला बिसवास तरअः आलपे पछली कोअ। परभु आला काम रे जामा बेरा बढ़ाव सेनपे, एता लःअय ची नोःआँ पाड़ीपे ची जे मेहनाईत परभु रे इया यापे होना बेकार कनोआँ।
Currently Selected:
1 कुरिन्थी 15: ASR
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
