Popular Bible Verses from 1 कुरिन्थी 15

Share

हिना लःअय दुलार बोको बोयहाकु, ईसु ख्रीस्त रे डिड़ आउर डटाव ताहिनपे, आउर हुनी आला बिसवास तरअः आलपे पछली कोअ। परभु आला काम रे जामा बेरा बढ़ाव सेनपे, एता लःअय ची नोःआँ पाड़ीपे ची जे मेहनाईत परभु रे इया यापे होना बेकार कनोआँ।

परमेसर के धन्यवाद, आबु आली परभु ईसु ख्रीस्त दोवासते पाप आउर मराईन रे जीत एमेआय।

एटाअ होड़ आला फु-फुसलाव रे आलपे चलाअ, एता लःअय ची “बुरी संगवारी बेस धाचाईर के बगड़ाव गुलताआय।”

बकिर ईङ जे कुछ होः इदानिङा परमेसर आला ढेर दया तरअः एदानिङा। हुनी आला दया जे ईङ तेङ रे एदनाआ होना बेकार का हुयाव नेना। बकिर ईङ हुंकू जामे तरअः जादे मेहनाईत तदिङ। सेरे होः नोःआँ ईङ पखा तरअः का हुयाव नेना, बकिर परमेसर आला दया तरअः जे ईङ तेङ रे ताहिना।

“ए मराईन आम आला जीत ओकाःड़ेआ? ए मराईन आम आला बालोम रअः चिभचिभी ओकाःड़े एदनाआ?” मराईन रअः बालोम रअः चिभचिभी दो पाप हेके, आउर पाप रअः सवांग हेके मुसा आला कनहुन।

आयुमेपे, ईङ आपे के उकु उना बात के उदूः दिपीईङ, आबु मेसे थोड़ेक गोएःग कोआबु, थोड़ेक ईरबु गोजोआ, बकिर आबु जामे बादलाव कोआबु। जब आखरी तुरही ओङ कोआ तब अचाका नपिःग यअते गी मि-घड़ीक रेगी नोकान हुयाव कोआ, एता लःअय ची तुरही बजाव कोआ आउर परमेसर गोएःग उनकु के का-नसोअ रअः दसा रे, जिविःड-बिरिःड किकुआय, हिमने रे आबु जामे बदलाव कोआबु।

एता लःअय ची जे लकान मिहोंड़ मनवा तरअः मराईन हीःग नेना, हिना लकान मियांड मनवा तरअः गी गोएःग उनकु आला जिवीःड-बिरिःड होः हुयाव नेना। जे लकान जामा मनवा आदम आला पाप रअः चलते गोजोआकु, हिना लकान जामा ख्रीस्त रअः चलते जिवीःड-बिरिःड कोआकु।

एता लःअय ची नोःआँ दरकार एदनाआ, ची होना नसोअ वाला होड़ो का-नसोअ के सोलोंगे, आउर नोःआँ गोजोअः होड़ो का गोजोअः के सोलोंगे।

एता लःअय ची जब तक परमेसर ख्रीस्त आलकु बैरीकु के, हुनी आला इड़का लातार रे आलुई रौंदाव कु जगुत ख्रीस्त आला रा-राईज दरकार एदनाआ। जामा तरअः आखरी बैरी जेके नास कियाकु, होना मराईन हेके।