Matiu 3

Jon te Paptis e huatia naa hua te Tama Hamataku

(Mak 1.1-8; Luk 3.1-18; Jon 1.19-28)

1I te vaa naa, Jon te Paptis ni hano ki Judia ki te kuana tino kerekere ka tee hai vai loo kaamata loo ka hua, 2#Mat 4.17; Mak 1.15.“Huri tua i naa takahara autou, i te Mataapaa te Vaelani ku taapiri.” 3Jon ko te tama te profet Asaia ni hua ai poroo:

“Te roe te tama e varo i loto te kuana tino kerekere ka tee hai vai,

‘Arere te haarena mo te Ariki Hamaatua;

penapena tana haarena ki hako!’ ”

4Naa hekau Jon e uhiuhi ai e ppena i naa rauru naa kemol, ma te kahi aana e haka areha tana taupuku, e pena ki te kiri naa manu. Aia e kai naa ʻlokasʼ ma naa hani i loto te pupu. 5Naa tama i Jerusalem ma Judia ma naa henua taapiri i te Riva Jodan ni oo ake ki te ia. 6Naa tama naa ni hua ake i naa takahara laatou, ku paptais roo laatou i loto te Riva Jodan.

7 # Mat 12.34; 23.33. Koia i tevaa Jon ni kite i purima naa Faarisi ma naa Sadusi e oo ake ki te ia ki paptais, ku hua ake roo te ia ki laatou, “Naa kata! Koai e hua atu poro koutou e nani te hakattaha i naa haeo te Tama Hamataku raa ka hakauna mai? 8Mee naa mee ki hakkite poro koutou ku oti te huri tua i naa takahara autou. 9#Jon 8.33.Koutou teeai ki mannatu ka hua roo ki koutou poroo, ‘Tamana maatou ko Abraham.’ Anau e hua atu ki koutou, te Tama Hamataku e nani te huri naa hatu nei ki tipu mo tama Abraham! 10#Mat 7.19.Te toki e arere ki tuutia naa laakau i naa aka laatou; naa laakau katoo e teeai ki hua ni hua taurreka raa ka tuutia ka riakina i te ahi.

11“Anau e paptais koutou i te vai ki hakkite poro koutou ku oti te huri tua i naa takahara autou, koia te tama raa ka au i muri aku raa ka paptais koutou i te Aitu Tapu ma te ahi. Aia e hamataku roo i aruna anau. Anau e teeai ki taurekareka hakaraaoi te hhau ana taka. 12Aia e tauhi tana tahitahi i tana rima ki hakataha ina naa otaota naa wit i naa wit taurreka. Ku hanaopo roo naa wit taurreka i te hare naa wit aana, koia naa otaota raa ka tunia te ia i te ahi e ura peenaa tee nani te mate.”

Jisas ku paptais

(Mak 1.9-11; Luk 3.21,22)

13Jisas ku tiake Galili ka hano ki Jodan ki loo paptais i Jon. 14Koia Jon ni hakaari ki huri hia tana maanatu. Ku hua ake roo, “Anau tee nani te paptaisi ina koe; koe naa ki paptaisi ina anau.”

15Koia Jisas e hua ake ki te ia, “Tiake te maanatu naa, akoe kuu mee pai anau e hua atu i tevaa nei. E mee i te haarena nei, taaua raa ka mee katoo heaa te Tama Hamataku e ruu i taaua kii mee.” Ku tautari roo Jon i naa hua Jisas. 16I te vaa Jisas ku oti te paptais, ku hanake roo hakataha i te vai. Te vaelani ni taaraki ki te ia, ku kite roo te ia i te Aitu te Tama Hamataku e hano iho i aruna pai he rupe no toko i te ia 17#Mat 12.18; 17.5; Mak 1.11; Luk 9.35.Ku hua iho roo te roe i te vaelani poroo, “Anei ko taku tino tama e ruu ai anau. Anau e hiahia hamataku i te ia.”

Currently Selected:

Matiu 3: NUR

Highlight

Compare

Copy