Matiu 10

Hanahuru ma rua naa aposol

(Mak 3.13-19; Luk 6.12-16)

1Jisas ku varoina te hanahuru ma rua disaipol aana ka oo ake ki te ia, ku haka haiao roo laatou ki nani te hhana naa anana hakarria ka haia purima naa tama mmaki ki taurreka muri.

2Anei ko naa inoa te hanahuru ma rua aposol: Te tama mua ko Saimon (e ttapa i Pita) ma tana kave Andru; Jems te tama Zebedi ma tana kave Jon; 3Filip ma Batolomiu; Tomas ma Matiu, te tama tootoo takis; Jems te tama Alfius, ma Tadius; 4Saimon te tama te raena naa Zelot, ma Judas Iskariot, koai ni kavake Jisas ki naa rima naa tama hakarria.

Jisas ku hakauna ana aposol e hanahuru ma rua ki oo

(Mak 6.7-13; Luk 9.1-6)

5Jisas hakauna te hanahuru ma rua tama nei ka oo ma naa hua nei: “Koutou teeai ki oo ki naa matakaaina naa tama koai teeai ni Jiu ma naa taon naa tama i Samaria. 6Koia koutou ki oo ki naa sipsip e teeai, ni tama roo i Israel. 7Koutou ki oo no huatia naa hua nei: ‘Te Mataapaa te Vaelani ku taapiri!’ 8Koutou ku haia naa tama mmaki ki taurreka, hakaora muri naa tama mmate, hakattaha ina naa maki i naa kiri naa huaitino laatou, ku hakattaha ina roo naa anana hakarria i loto naa tama. Koutou ku oti te too ma tee hai tavi, anaa koutou ki kavake ma tee hai tavi. 9Koutou teeai ki too ni kol mani, siliva mani, ma ni kopa mani i loto naa kopu autou taroae; 10#1 Korin 9.14; 1 Ti 5.18.teeai ki too ni pahikete i tevaa koutou e oo ai, ma he laa kahukahu, ma ni taka, ma ni laakau ki haare ma koutou. Naa tama hekau raa ki too heaa laatou e ruu.

11“I te vaa koutou e ooatu ki he henua ma he taon, ooatu ki loto no mmata ni tama taurreka ka nnoho ma laatou ki nani roo i tevaa koutou e oo tiake te kuana naa. 12Tevaa koutou e herruhi i he hare, hua ake, ‘Te manava laoi ki taakoto i koutou.’ 13Kime naa tama te hare naa e hiahia ka too koutou, tiake naa hua taurreka i laatou. Ai kime laatou e teeai ki hiahia ka too koutou, koutou raa ka ahe muri ma naa poroaki koutou. 14#Hekau 13.51.Ai kime ni tama i he henua ma he taon e ten'taa te too koutou ma ki hakarono i koutou, tiake te kuana naa ka tahitahi naa rehu i autou vae. 15#Mat 11.24.#Luk 10.4-12.Anau e hua atu ki koutou i te hamaauri, i te Laa te Hakatonu te Tama Hamataku, te takahara raa kaa mee i naa tama te taon naa raa ka hamataku roo i aruna naa takahara nii mee i naa tama Sodom ma Gomora!

Koutou rorohi hakaraaoi

(Mak 13.9-13; Luk 21.12-17)

16 # Luk 10.3. “Hakarrono! Anau e hakauna koutou ka oo pai ni sipsip ki loto naa kuana naa manu manapuhi. Koutou ki rorohi hakaraaoi pai ko naa kata ka laoi pai ko naa reia. 17#Mak 13.9-11; Luk 12.11,12; 21.12-15.Mmata hakaraaoi koutou i naa tama; laatou raa ka tauhia koutou ka kavake ki naa rima naa hamaatua ki taaia koutou ki te wipi i loto naa hare lootu laatou. 18E mee i koutou e lootu i te nau, laatou raa ka taakina koutou ki mua naa hamaatua naa kammani ma naa kini, ki loo hua ake koutou naa hua te Rono Taurekareka i laatou ma naraa tama e teeai ni Jiu. 19Koia i tevaa laatou e tauhia koutou ka hhiria, teeai ki mannatu tammaki i heaa koutou ka hua ma ka hua pehee, e mee i te vaa naa te Tama Hamataku raa ka kavatu heaa koutou ki hua. 20Naa hua autou raa ka hua e teeai ni hua autou, koia te Aitu Tapu te Tamana koutou e hua atu i loto koutou.

21 # Mak 13.12; Luk 21.16. “Te kave raa ka tinai tana kave ka mate, te tamana raa kaa mee peenaa hoki ki ana tamarriki; naa tamarriki raa ka huri atu muri ki naa maatua laatou ka taaia laatou ka mmate. 22#Mat 24.9; Mak 13.13; Luk 21.17; Mat 24.13; Mak 13.13.Naa tama katoo raa ka ten'taa i koutou e mee i koutou e tautari i te nau, koia koai e tuu mau loo nani i te hakaoti raa ka hao. 23Kime naa tama te taon naa e haia hakariaria ina koutou, heheau ka oo ki telaa taon. Anau e hua atu ki koutou i te hamaauri, koutou e tee nani te hakaoti naa hekau autou i naa taon katoo Israel i mua te Tama te Tama e au.

24 # Luk 6.40; Jon 13.16; 15.20. “Te tamarikiriki hikuru e teeai ki hamataku i tana tisa, ma te tama hekau ki hamataku i tana hamaatua. 25#Mat 9.34; 12.24; Mak 3.22; Luk 11.15.Kime he tamarikiriki hikuru e too tana iloa pai tana tisa, ma te tama hekau pai tana hamaatua, mee e taurekareka. Ai kime te tama e mee tana hare e ttapa i Belsebul, ana tama katoo raa ka ttapa i naa inoa hakarria roo i te inoa aana!

Koai koutou ki mattaku ai

(Luk 12.2-7)

26 # Mak 4.22; Luk 8.17. “Koutou teeai ki mattaku i naa tama naa. Ni mee pehee e opo tia raa ka taarakina i te kuana aatea, ma naa mee katoo e huu, naa tama katoo raa ka illoa ai. 27Heaa aaku e hua atu ai i te kuana pouri, koutou ki huatia i te maarama, ma heaa koutou e rrono teemuu ai i autou kautarina, koutou ki huatia i naa tuaa hare naa hare. 28Koutou teeai ki mattaku i laatou koai e nani te tinai te huaitino ka mate, koia tee nani te tinai tana aitu. Koia koutou ki mattaku i te Tama Hamataku koai e nani te tinai te huaitino ma te aitu te tama i loto te ahi tee nani te mate. 29Koe e nani te tavi te hiaoa manu ki te peni hokotahi, koia tee hai manu raa ka heke ki te kerekere aa too Tamana e tee iloa ai. 30Naa rauru i naa pokouru autou ku oti te pau ria katoo. 31Anaa koutou ki teeai ki mattaku, e mee i koutou e hamataku i aruna roo purima naa manu.

32“Naa tama koai e hua i mua naa tama poro laatou e tautari mai i te nau, anau hoki raa kaa mee peenaa i laatou i mua taku Tamana i te vaelani. 33#2 Ti 2.12.Koia naa tama koai e hua i mua naa tama poro laatou e ten'taa i te nau, anau hoki raa ka hua poro anau e ten'taa i laatou i mua taku Tamana i te vaelani.

34“Koutou teeai ki mannatu poro anau e au ki toomai te manava laoi ki te kerekere. Teeai, anau e au no mee ki nnoho hakarria naa tama te kerekere nei. 35Anau e au ki vaea naa tamarriki taanata i naa tammana laatou, naa tamarriki haahine i naa tinana laatou, naa haahine i naa hinaona laatou. 36Naa tama raa ka haekotia koutou, anaa ko naa tama roo koutou.

37“Naa tama koai e rruu hamataku i naa tamana ma naa tinana laatou i aruna anau, e tee nani te mee mo disaipol aaku. Naa tama koai e ruu hamataku i naa tamarriki hahine ma naa tamarriki tanata laatou i aruna anau, e tee nani te mee mo disaipol aaku. 38#Mat 16.24; Mak 8.34; Luk 9.23.Naa tama koai e teeai ki hhau naa koros laatou ka tautari mai i te nau e tee nani te mee mo disaipol aaku. 39#Mat 16.25; Mak 8.35; Luk 9.24; 17.33; Jon 12.25.Naa tama koai e hakaari ki taohi naa ora laatou, naa ora laatou raa ka teeai, koia naa tama e mmate e mee i laatou e tautari i te nau, laatou raa ka too te ora maauri.

Te tavi naa tama te Tama Hamataku

(Mak 9.41)

40 # Luk 10.16; Jon 13.20; Mak 9.37; Luk 9.48. “Koai e too koutou ki naa hare laatou, laatou hoki e too anau ki naa hare laatou. Anaa koai e too anau, aia e too hoki te Tamana koai ni hakauna anau ka au. 41Koai e too he profet no anaana e mee i te tama naa e hekau pai he profet, aia raa ka too te tavi pai he profet, anaa koai e too te tama taurekareka no anaana e mee i te tama naa he tama taurekareka, aia raa ka too te tavi te tama taurekareka e too. 42Ai kime he tama e kavake he kapu vai makariri ki he tama i naa tama punarikiriki nei e mee i te tama naa he disaipol aaku, anau e hua atu i te hamaauri, te tavi te tama naa raa ka kavake maauri.”

Currently Selected:

Matiu 10: NUR

Highlight

Compare

Copy