San Matiou 4
4
1Alor Jèsu siègué mena par l’ Espri din lou desèr pèr l’ èstre tenta par lou diable;
2E aguèn juna caranto jou e caranto nuè, agué fan par aprè.
3Alor lou tentatour s’ aprouchan d’ eou, li digué: Se sià lou Fiou de Diou, digà qu’ aquelei pèiro devèngoun de pan.
4Mai Jèsu li respoundé: Es escri: L’ ôme viou pa soulamen de pan, mai de touto paraoulo que souarte de la bouco de Diou.
5Lou diabl’ alor lou transpourté din la vilo santo; e lou metèn su lou daou doou tèmple,
6Li digué: Se sià lou Fiou de Diou, jità‐v’ en bas; car es escri, Qu’ à coumanda ’ seis ánji de vou menteni de sei man, de poou que vou turtessià lou pè contro caouco pèiro.
7Jèsu li respoundé: Es escri aoussi: Tentarè pa lou Signour vouèste Diou.
8Lou diable lou transpourté ’ncaro su d’ uno mountagno fouèsso aouto; e li faguèn aluca toutei lei rouyaoume doou mounde, e touto la glouaro que leis acoumpagno,
9Li digué: Vou dounarai tout aquelei caouvo, se vou prostèrnan davan iou m’ adourà.
10Mai Jèsu li respoundé: Retiro‐ti, satan; car es escri: Adourarè lou Signour vouèste Diou, e sèrvirè qu’ eou soulé.
11Alor lou diable lou lèissé; e en meme tèn leis ánji s’ aprouchéroun, e lou sèrvièn.
12Adoun Jèsu aguèn aousi dire que Jan èr’ esta mé ’n prèisoún, si retiré din la Galilèyo;
13E quitan la vilo de Nazarè, vengu’ ista ’ Cafarnaün, vilo maritim’ ei fin foun de Zabuloun e de Neftali;
14Pèr afin qu’ aquelo paraoulo doou proufèt’ Isaïo sièguess’ acoumplido:
15Lou peïs de Zabuloun e lou peïs de Neftali, qu’ es lou camin pèr ana doou caire de la mar aou‐dela doou Jourdan, la Galilèyo dei nacièn;
16Aqueou pople qu’ èr’ asseta din lei sournièr’ a vi ’no grando clarta, e la clarta s’ es levado su d’ aquelei qu’ èroun din la rejièn de la sournièro de la mouar.
17Desempuèi d’ aqueou tèn Jèsu coumencé à precha, en dian: Fè penitènci, parço que lou rouyaoume doou cièl’ es próchi.
18Adoun Jèsu caminan lon de la mar de Galilèyo, vigué douèi frèro, Simoun en cu li dièn Pèir’ e Andrè soun frèro, que jitávoun seis arrè din la mar; car èroun pescadou;
19E li digué: Suivè‐mi, e vou farai deveni pescadou d’ ôme.
20Subran quitéroun seis arrè, e lou suivéroun.
21D’ aqui s’ avançan vigué douèis aoutrei frèro, Jaque fiou de Zebedeo, e Jan soun frèro, qu’ èroun dins uno barqu’ emé Zebedeo soun pèro, qu’ adoubávoun seis arrè; e lei souèné.
22En meme tèn quitéroun seis arrè e soun pèro, e lou suivéroun.
23E Jèsu anavo par touto la Galilèyo, en ensignan din sei sinagôgo, prechan l’ evanjile doou rouyaoume, e garissèn toutei leis ancouèss’ e toutei lei malaoutiè parmi lou pople.
24Soun renoun s’ estèn espandi din touto la Sirïo, li fasièn vèire toutei leis malaou, leis ancouèssous, leis endemounia, lei lunatique, lei paralitique, e lei garissiè:
25E uno grando populaço lou suivé de Galilèyo, de la Decapolo, de Jèrusalèn, de Judèyo, e doou dela doou Jourdan.
Currently Selected:
San Matiou 4: OCI1866
Highlight
Copy
Compare
Share
Want to have your highlights saved across all your devices? Sign up or sign in
Published in London in 1866.
