San Matiou 3
3
1En aqueou tèn Jan‐Batisto vengué prech’ aou desèr de Judèyo,
2En dian: Fè penitènci; car lou rouyaoume doou cièl’ es próchi.
3Es eou qu’ es esta marca par lou proufèt’ Isaïo, can digué: Vèicí la vouas d’ aqueou que crido din lou desèr: Alestissè lou camin doou Signour: rendè plan sei drayoou.
4Adoun Jan aviè ’n vièsti de peou de camèou e uno tayoro de cuèr aoutour dei ren; e sa nourritur’ èro de saoutarèl’ e de mèou saouváji.
5Pèr lor la vilo de Jèrusalèn, touto la Judèyo e tou lou peïs qu’ enviraouto lou Jourdan venièn à‐n‐eou;
6E counfessan sei peca, èroun bateja par eou din lou Jourdan.
7Mai en vian caouqueis‐un dei farisièn e dei saduceèn que venièn à soun batèmo, li digué: Raço de vipèro, cu v’ a ’pré à fuji la coulèro que deou toumba su vaoutre?
8Fè doun de digne frui de penitènci.
9E pensé pa de dir’ en vaoutrei‐meme: Avèn Abran pèr pèro; car vou desclári que Diou poou faire nèisse d’ aquestei pèiro memo d’ enfan à Abran.
10Car la destraou es deja mess’ à la racino deis aoubre. Tout aoubre que fa je de bouèn frui sera coupa e jit’ aou fuè.
11Pèr iou vou batéji din l’ aigo pèr vou pourta ’ la penitènci; mai aqueou que deou veni aprè iou es pu puissan que iou; e siou pa digne de pourta sei souliè: es eou que vou batejara din lou Sant‐Espri e din lou fuè.
12A soun drai din sa man, e netejara coumo foou soun ièro; acampara soun bla din lou graniè; mai brulara la payo dins un fuè que s’ amouèssara jamai.
13Alor Jèsu vengué de la Galilèy’ aou Jourdan trouva Jan pèr èstre bateja par eou.
14Mai Jan si li refusavo, en dian: Es iou que dévi èstre bateja par vou; e es vou que venè mi trouva?
15E Jèsu li respoundé: Lèissà‐mi faire pèr aro; car es ensin que devèn acoumpli touto justíci. Alor Jan li resisté plu.
16E Jèsu aguèn esta bateja, sourté subran de l’ aigo; e en meme tèn lou cièle li siègué dubèr: e vigué l’ Espri de Diou que decendé ’n formo d’ uno pijounèlo, e que vengué si repaouva su d’ eou.
17E aou meme moumen uno vouas si fagué ’ntèndre doou cièle, que disiè: Aquestou d’ èicí es moun fiou bèn‐èima, en cu ai mé touto moun afecièn.
Currently Selected:
San Matiou 3: OCI1866
Highlight
Copy
Compare
Share
Want to have your highlights saved across all your devices? Sign up or sign in
Published in London in 1866.
