San Matiou 25
25
1Alor lou rouyaoume doou cièle sera semblabl’ à dès vièrji, qu’ agùen pré sei calen, s’ en‐anéroun aou‐davan doou nôvi e de la nôvi.
2N’ avié cin d’ elei qu’ èroun fouèlo, e cin qu’ èroun sajo.
3Lei cin qu’ èroun fouèlo, aguèn pré sei calen, prenguéroun je d’ ôli em’ elei.
4Lei saj’ aou countrári prenguéroun d’ ôli din seis èisin’ emé sei calen.
5Lou nôvi tardan de veni, lou souèn lei gagné, e s’ endourméroun toutei.
6Mai aperaquito mièjo‐nuè s’ entendé ’n gran cris: Vèicí lou nôvi que vèn; anà ’ou‐davan d’ eou.
7Subran toutei aquelei vièrji si levéroun, e preparèroun sei calen.
8Mai lei fouèlo diguéroun ei sajo: Dounà‐nou de vouèst’ ôli, parço que nouèstei calen s’ amouèssoun.
9Lei sajo li respoundéroun: De poou que ce qu’ avèn sufise pa pèr naoutr’ e pèr vaoutrei, anà pu lèou en aquelei que nen vèndoun, e croumpà‐nen ce que v’ en faou.
10Mai duran que n’ anávoun croumpa, lou nôvi vengué, e aquelei qu’ èroun lèst’ intréroun em’ eou ei nouèço, e la pouarto siègué pastelado.
11Enfin leis aoutreis vièrji venguéroun aoussi, e li diguéroun: Signour, Signour, durbè‐nou.
12Mai li respoundé: Vou diou en verita que vou counouíssi pa.
13Vïà doun, parço que sabè ni lou jou, ni l’ ouro.
14Car lou Signour ajisse coum’ un ôme, que deguèn fair’ un lon viáji fouèro de soun peïs, souèné sei sèrvitour, e li metè soun bèn entre lei man.
15E aguèn douna cin talèn à l’un, dous à l’ aoutre, e un à l’ aoutre, seloun l’ enjèni diferèn de cadun d’ elei, parté aou pu lèou.
16Aqueou doun qu’ aviè reçu cin talèn, s’ en‐ané; trafiqué ’m’ aquel’ arjèn, e nen gagné cinc aoutre.
17Aqueou que n’ aviè reçu dous, nen gagné ’ncaro dous aoutre.
18Mai aqueou que n’ aviè reçu qu’ un, ané cava din la tèrro, e l’ escoundé l’ arjèn de soun mèstre.
19Lon‐tèn aprè lou mèstre d’ aquelei sèrvitour estèn revengu, li fagué rèndre conte.
20E aqueou qu’ aviè reçu cin talèn, vengué n’ in presenta cinc aoutre, en li dian: Signour, m’ avè mé cin talèn entre lei man; lei vèicí, e de mai cinc aoutre qu’ ai gagna.
21Soun mèstre li respoundé: O bouèn e fidèle sèrvitour, parço qu’ avè ’sta fidèl’ en paou de caouvo, v’ establirai su fouèsso d’ aoutro: intrà din la drayo de vouèste Signour.
22Aqueou qu’ aviè reçu dous talèn, vengué aoussi si presenta ’‐n‐eou e li digué: Signour, m’ avè mé douèi talèn entre lei man; en fouèro d’ aquelei, nen vèicí ’ncaro dous aoutre qu’ ai gagna.
23Soun mèstre li respoundé: O bouèn e fidèle sèrvitour, parço qu’ avè ’sta fidèl’ en poou de caouvo, v’ establirai su fouèsso d’ aoutro: intrà din la drayo de vouèste Signour.
24Aqueou qu’ aviè reçu qu’ un talèn, vengué ’n aprè, e li digué: Signour, sábi que sià ’n ôme dur, que mèissounà mount’ avè pa samena, e que rabayà mount’ avè rèn mé;
25Es pèrqué coumo vou crèigníou, siou ana ’scoundre vouèste talèn din la tèrro: e lou vèicí, vou rèndi ce qu’ es vouèstre.
26Mai soun mèstre li respoundé: Sèrvitour marri e paressous, sabià que mèissoúni mount’ ai rèn samena, e que rabáyi mount’ ai rèn mé:
27Devià ’lor metre moun arjèn entre lei man dei banquiè, pèr qu’ à moun retour retiréssi ’m’ usuro ce qu’ es miou.
28Que li lèvoun lou talèn qu’ a, e que lou doúnoun en aqueou qu’ a dès talèn.
29Car si dounara ’n aquelei qu’ an deja, e seran aclapa de bèn; mai pèr aqueou qu’ a rèn, li levaran meme ce que sèmbl’ agué.
30E qu’ embandíssoun aqueou sèrvitour inutile din lei sournièro de defouèro. Es aqui que l’ aoura de plour e de crucimen de dèn.
31Adoun can lou Fiou de l’ ôme vendra din sa majesta, acoumpagna de toutei leis ánji, s’ assetara su lou trone de sa glouaro.
32E toutei lei nacièn estèn assemblado davan d’ eou, separara leis un d’ emé leis aoutre, coum’ un pastre separo lei fedo d’ emé leis anouje:
33E plaçara lei fed’ à sa drecho, e leis anouj’ à sa gaoucho.
34Alor lou Rèi dira ’n aquelei que seran à sa drecho: Venè, vaoutre que sià ’sta beni par moun Pèro, pousseda lou rouyaoume que v’ es esta ’lesti desempuèi lou coumençamen doou mounde.
35Car ai agu fan, e m’ avè douna ’ manja: ai agu sé, e m’ avè douna ’ bouaro: ai agu besoun de loujamen, e m’ avè louja:
36Siou esta nus, e m’ avè vesti: siou esta malaou, e m’ avè visita: siou esta ’n prèisoún, e sià vengu mi vèire.
37Alor lei juste li respoundran: Signour, cour’ es que v’ avèn vi agué fan, e que v’ avèn douna ’ manja; vô sé, e v’ avèn douna ’ bouaro?
38Cour’ es que v’ avèn vi sènço loujamen, e que v’ avèn louja; vô nus, e que v’ aven vesti?
39E cour’ es que v’ avèn vi malaou, vô en prèisoún, e vou sian vengu vèire?
40E lou Rèi li respoundra: Vou diou en verita, aoutan de fé que v’ avè fa ’ l’ egar doou pu pichoun de mei frèro, es à iou‐meme que v’ avè fa.
41Aprè dira ’n aquelei que seran à gaoucho: Retirà‐vou de iou, maoudi; an’ aou fuè etèrnèl, qu’ es esta ’lesti pèr lou diabl’ e pèr seis ánji.
42Car ai agu fan, e m’ avè pa douna ’ manja: ai agu sé, e m’ avè pa douna ’ bouaro:
43Ai agu besoun de loujamen, e m’ avè pa louja: siou esta sènço vièsti, e m’ avè pa vesti: siou esta malaou e en prèisoún, e sià pa vengu mi vèire.
44Alor li respoundran aoussi: Signour, cour’ es que v’ avèn vi agué fan, vô agué sé, vô sènço loujamen, vô sènço vièsti, vô malaou, vô en prèisoún; e qu’ avèn manca de v’ assista?
45Mai li respoundra: Vou va diou en verita, aoutan de fé qu’ avè manca de rèndr’ assistènci à l’ un d’ aquelei pu pichoun, avè manca de mi lou rèndr’ à iou‐meme.
46E alor aquelei d’ aqui anaran din lou suplíci etèrnèl, e lei‐juste din la vid’ etèrnèlo.
Currently Selected:
San Matiou 25: OCI1866
Highlight
Copy
Compare
Share
Want to have your highlights saved across all your devices? Sign up or sign in
Published in London in 1866.
