San Matiou 23
23
1Alor Jèsu parlé aou popl’ e à sei diciple,
2En li dian: Lei scrib’ e lei farisièn soun asseta su la chèro de Mouïso.
3Suivè e fè doun tou ce que vou dièn: mai fagué pa ce que fan; car dièn ce que foou faire, mai va fan pa.
4Lièn de fai pesan e insupourtable, e lei métoun su leis espalo deis ôme; e vouèloun pa lei boulega doou bou doou dé.
5Fan tout en visto d’ èstr’ aluca deis ôme; es pèr acô que pouártoun lèi paraoulo de la lèi escricho su de bendo de pargamin pu larjo que leis aoutre, e qu’ an tambèn de franjo pu long’ à sei raoubo.
6Èimoun lei proumièrei plaço din lei festin, e lei proumièrei chèro din lei sinagôgo.
7Èimoun que l’ on lei salude su lei plaço publico, e que leis ôme li dígoun rábbi vô douctour.
8Mai pèr vaoutrei, desiré pa que vou dígoun rábbi vô douctour; parço qu’ avè qu’ un soulé mèstre vô douctour, e que sià toutei frèro.
9Digué aoussi ’n degun su la tèrro vouèste pèro; parço qu’ avè qu’ un Pèro qu’ es din lou cièle.
10E que vou dígoun pa mèstre vô counductour, parço qu’ avè qu’ un mèstre vô counductour, qu’ es lou Cris.
11Aqueou qu’ es lou pu gran parmi vaoutre, sera vouèste sèrvitour.
12Car cu s’ enaoussara sera ’bèissa; e cu s’ abèissara sera ’naoussa.
13Mai malur à vaoutre, scrib’ e farisièn ipoucrito, parço que clavà ’is ôme lou rouyaoume doou ciele: car l’ intrà pa vaoutrei‐meme, e nen pèrmetè pa l’ intrad’ en aquelei que desíroun l’ intra.
14Malur à vaoutre, scrib’ e farisièn ipoucrito, parço que souto lou di de vouèstei longuei prïèro, engourà leis oustaou dei veouso; es pèr acô que reçubrè ’n jujamen pu rigourous.
15Malur à vaoutre, scrib’ e farisièn ipoucrito, parço que courrè la mar e la tèrro pèr gagna ’n ôm’ à vouèsto dooutrino; e aprè que l’ avè gagna, lou rendè digne de l’ infèr dous coou mai que vaoutrei.
16Malur à vaoutre, menaires avugle, que dià: S’ un ôme juro par lou tèmple, acô ’s rèn; mai cu que siègue que juro par l’ or doou tèmple, es ooublija ’ soun sermen.
17Sènço‐sen e avugle que sià! que si deou lou mai estima, vô l’ or, vô lou tèmple que santifiè l’ or?
18E s’ un ôme, dià, juro par l’ aouta, acô ’s rèn: mai cu juro par lou doun qu’ es su l’ aouta, es ooublija soun sermen.
19Avugle que sià! que si deou lou mai estima, vô lou doun, vô l’ aouta que santifiè lou doun?
20Aqueou doun que juro par l’ aouta, juro par l’ aouta, e par tou ce que l’ a dessu.
21E cu juro par lou tèmple, juro par lou tèmpl’ e par aqueou que l’ abito.
22E aqueou que juro par lou cièle, juro par lou trone de Diou, e par aqueou que l’ es asseta.
23Malur à vaoutre, scrib’ e farisièn ipoucrito, que paga la dimo de la mento, de l’ ané e doou cumin, e qu’ avé ’bandouna ce que l’ a de pu capitaou din la lèi, à saché: la justíci, la misèricórdi ’ la fé. Lei vaqui lèi caouvo que fouliè pratica, sènç’ entandooumen ooublida leis aoutro.
24Menaires avugle, qu’ avè gran souin de passa ce que buvè, de poou d’ empassa ’n mouissoun, e qu’ empassà ’n camèou.
25Malur à vaoutre, scrib’ e farisièn ipoucrito, que netejà lou defouèro de la coup’ é doou pla, e que sià ’n dedin plen d’ arrapúji e de brutíci.
26Farisièn avugle, netejà proumieramen lou dedin de la coup’ e doou pla; pèr afin que lou defouèr’ aoussi siègue né.
27Malur à vaoutre, scrib’ e farisièn ipoucrito, parço que sià semblabl’ à de toumbèou blanchi, qu’ aou defouèro soun bèou eis uèi deis ôme; mai aou dedin soun plen d’ ouèsse de mouar, e de touto sorto de pourrituro.
28Ensin aou defouèro parèissè just’ eis uèi deis ôme; mai aou dedin sià plen d’ ipoucrisiè e d’ iniquita.
29Malur à vaoutre, scrib’ e farisièn ipoucrito, que bastissè de toumbèou ei proufèto, e parà lei mounumen dei juste,
30E que dià: S’ avian viscu doou tèn de nouèstei rèire, si serian pa joun à‐n‐elei pèr escampa lou san dei proufèto.
31Ensin vou rendè temougnáji à vaoutrei‐meme, que sià leis enfan d’ aquelei qu’ an tua lei proufèto.
32Acabà doun aoussi d’ empli la mesuro de vouèstei rèire.
33Sèr, raço de vipèro, coumo pourrè ’vita d’ èstre coundana ’ou fuè de l’ infèr?
34Es pèrqué voou vou manda de proufèto, de sáji, e de scribe; e tuèrè leis un, crucifiarè leis aoutre, nen fouitarè d’ aoutre din vouèstei sinagôgo, e lei persecutarè de vil’ en vilo;
35Pèr afin que tou lou san inoucèn qu’ es esta ’scampa sa la tèrro raje su vaoutre, desempuèi lou san d’ Abèl lou juste finc’ aou san de Zacariè fiou de Barachiè, qu’ avè tua entre lou tèmpl’ e l’ aouta.
36Vou diou en verita que tout acô vendra devala su d’ aquelo raço que viou vuèi.
37Jèrusalèn, Jèrusalèn, que tuès lei proufèto, e qu’ esquèires aquelei que te soun manda, can de fé ai vougu assembla teis enfan, coum’ uno couarèl’ acampo sei pichoun souto seis alo, e v’ as pa vougu!
38Lou tèn s’ aprocho que vouèst’ oustaou istara desèr.
39Car vou desclári que jamai mi vèirè plu, finc’ à ce que diguè: Beni siègu’ aqueou que vèn aou noun doou Signour.
Currently Selected:
San Matiou 23: OCI1866
Highlight
Copy
Compare
Share
Want to have your highlights saved across all your devices? Sign up or sign in
Published in London in 1866.
