San Matiou 20
20
1Lou rouyaoume doou cièl’ es pariè ’‐n‐un pèro de famïo, que sourté de gran matin, pèr louga d ’ouvriè pèr travaya ’ sa vigno.
2Estèn d’ acor emé leis ouvriè d’ un deniè cadun pèr la journado, lei mandé à sa vigno.
3Sourté ’ncaro su la tresièm’ ouro doou jou, e n’ aguèn vi d’ aoutre que si tenièn su la plaç’ a rèn faire,
4Li digué: Anà‐v’ en aoussi à ma vigno, e vou dounarai ce que sera resounable;
5E l’ anéroun. Sourté ’ncaro su la sièisièm’ e su la noouvièm’ ouro doou jou, e fagué la memo caouvo.
6Enfin estèn sourti su la vounzièm’ ouro, nen trouvé d’ aoutre qu’ èroun aqui tou lou lon doou jou sènço rèn faire, en cu digué: Pèrqu’ istà ’qui sènço rèn faire?
7Es, li diguéroun, que degun nous a louga, e li digué: Anà‐v’ en tambèn vaoutr’ à ma vigno.
8Lou tremoun estèn vengu, lou mèstre de la vigno digué ’n aqueou qu’ aviè souin de seis afaire: Souènà leis ouvriè, e pagà‐lei, en coumençan desempuèi lei darniè finqu’ ei proumiè.
9Aquelei doun qu’ èroun vengu à la vigno qu’ aperaqui vounz’ ouro, s’ estèn avança, reçubéroun cadun un deniè.
10Aquelei qu’ èroun esta louga lei proumiè venèn à soun tour, creséroun que li dounarièn de mai; mai reçubéroun tambèn qu’ un deniè cadun:
11E en lou reçubèn repepiávoun contro lou pèro de famio,
12E li disièn: Aquestei darniè an travaya qu’ un’ ouro, e lei rendè ’gaou à naoutre, qu’ avèn pourta lou fai doou jou e de la calour.
13Mai pèr responso digué à‐n‐un d’ elei: Moun ami, vou foou je de tor: sian pa counvengu d’ un deniè pèr vouèsto journado?
14Prenè ce qu’ es vouèstre, e en‐anà‐v’ en: Pèr iou, vouèli douna ’n aqueou darniè aoutan qu’ à vou.
15M’ es‐t‐i pa pèrmé, de faire ce que vouèli? e vouèst’ uèi es‐t‐i marri, parço que siou bouèn?
16Ensin lei darniè seran lei proumiè, e lei proumiè seran lei darniè: parço que n’ a fouèsso de souèna, mai gaire d’ elu.
17Adoun Jèsu s’ en‐anan à Jèrusalèn, prenguè ’n despar sei douje diciple, e li digué:
18Anan à Jèrusalèn, e lou Fiou de l’ ôme sera livra ’i prince dei prèir’ e ei scribe que lou coundanaran à la mouar,
19E lou livraran ei jèntil, pèr que lou trátoun emé trufariè, e que lou fouítoun e lou crucifiègoun: e ressucitara lou tresième jou.
20Alor la mèro deis enfan de Zebedeo s’ aprouché d’ eou emé sei douèi fiou, e l’ adouré ’n temougnan que vouliè li demanda caoucarrèn.
21E li digué: Que voulè? Elo li digué: Coumandá que mei douèi fiou que vèicí siègoun asseta din vouèste rouyaoume, l’ un à vouèsto drecho, e l’ aoutr’ à vouèsto gaoucho.
22Mai Jèsu li respoundé: Sabè pa ce que demandà: poudè‐t‐i bouaro lou calíci que dévi bouaro? Li diguéroun: Va poudèn.
23Li ripousté: Es verai que beourè lou calíci que beourai; mai pèr ce qu’ es d’ èstr’ asseta ’ ma drecho vo à ma gaoucho, depènde pa de iou de vou lou douna, mai sera pèr aquelei en cu moun Pèro l’ a prepara.
24Leis dès aoutreis apôtr’ aguèn entendu ’içô, nen jièrméroun d’ indignacièn contro lei douèi frèro.
25E Jèsu leis aguèn souèna, li digué: Sabè que lei prince dei nacièn lei dooumínoun, e que lei gran lei trátoun em’ aoutour.
26N’ en deou pa ’str’ ensin entre vaoutrei: mai qu’ aqueou que voudra deveni lou pu gran parmi vaoutrei, siègue vouèste sèrvitour,
27E qu’ aqueou que voudra èstre lou proumiè d’ entre vaoutrei, siègue vouèst’ esclaou;
28Coumo lou Fiou de l’ ôm’ es pa vengu pèr èstre sèrví, mai pèr sèrví, e douna sa vido pèr la redencièn de fouèsso.
29Couro sourtièn de Jèricô, siègué suivi d’ uno grando foulo de pople:
30E dous avugle qu’ èroun asseta lon doou camin aguèn aousi dire que Jèsu passavo, coumencéroun à crida ’n dian: Signour, Fiou de Dávi, aguè pièta de naoutre.
31E lou pople li cridavo pèr lei faire tèisa: mai si metéroun à crida ’nca pu aou, en dian: Signour, Fiou de Dávi, aguè pièta de naoutre.
32Alor Jèsu s’ arresté, e leis aguèn souèna, li digué: Que voulè que vou fágui?
33Signour, li diguéroun, que nouèsteis uèi siègoun dubèr.
34E Jèsu ’stèn esmaougu de coumpassièn pèr elei, li touqué leis uèi; e aou meme moumen recoubléroun la visto, e lou suivéroun.
Currently Selected:
San Matiou 20: OCI1866
Highlight
Copy
Compare
Share
Want to have your highlights saved across all your devices? Sign up or sign in
Published in London in 1866.
