San Matiou 19
19
1Jèsu aguèn acaba ’quelei discour, parté de Galilèyo, e vengué ’i counfin de Judèy’ aou‐dela doou Jourdan,
2Mounte de grandei troupo lou suivéroun, e lei garissé aou meme luè.
3Lei farisièn venguéroun aoussi à‐n‐eou pèr lou tenta, e li diguéroun: Es‐t‐i pèrmé ’‐n‐un ôme de quita sa mouyè pèr que caouso que siègue?
4Li respoundé: Avè pa leji qu’ aqueou que creé l’ ôme din lou coumençamen, lei creé mascl’ e fumèou, e que li digué:
5Pèr aquelo resoun l’ ôme quitara soun pèr’ e sa mèro, e s’ estacara ’ sa mouyè, e seran dous dins uno souleto car?
6Pèr ensin soun plu douès, mai uno souleto car. Que l’ ôme doun separe pa ce que Diou a joun.
7Mai pèrqué doun, li diguéroun, Mouïs’ a coumanda que si doun’ à sa mouyè ’n escri de separacièn, e que s’ enmande?
8Li respoundé: Es pèr caouso de la dureta de vouèste couar que Mouïso v’ a pèrmé d’ enmanda vouèstei mouyè: mai acô ’s pa ’sta desempuèi lou coumençamen.
9Tambèn vou desclári que cu ’nmando sa mouyè, à men d’un cas d’ adultèro, e n’ espous’ un’ aoutro, coumet’ un adultèro; e qu’ aqueou qu’ espous’ aquelo qu’ un aoutr’ a ’nmandado, coumet’ aoussi ’n adultèro.
10Sei diciple li diguéroun: Se la coundicièn d’ un ôm’ es tal’ à l’ egar de sa mouyè, l’ a pa ’vantáji de si marida.
11Li digué: Toutei soun pa capable d’ aquelo resoulucièn, mai soulamen aquelei que l’ es esta douna d’ en aou.
12Car l’ a d’ enuque que soun na taou doou vèntre de sei mèro: n’ a que leis ôm’ an rendu enuque: e n’ a que si soun rendu enuqu’ elei‐meme pèr gagna lou rouyaoume doou cièle. Cu poou coumprendr’ acô, que va coumprengue.
13Li presentéroun alor de pichouns enfan, pèr afin que l’ impousesse lei man, e que preguesse pèr elei: e coumo sei diciple lei repoussávoun emé de paraoulo rejo,
14Jèsu li digué: Lèissà ’qui ’queleis enfan, e leis empaché pa de veni à iou: car lou rouyaoume doou cièl’ es pèr aquelei que li ressèmbloun.
15E l’ aguèn impousa lei man, parté d’ aqui.
16Alor un jouin’ ôme s’ aprouché, e li digué: Bouèn mèstre, que bèn foou que fágui pèr gagna la vid’ etèrnèlo?
17Jesù li respoundé: Pèrqué mi dià bouèn? L’ a que Diou soulé que siègue bouèn. Se voulè intra din la vido, gardà lei coumandamen.
18Quintei coumandamen, li digué? Jèsu li digué: Tuèrè pa: Coumetrè je d’ adultèro: Derraoubarè rèn: Dirè je de faou temougnáji:
19Ounourarè vouèste pèr’ e vouèsto mèro: e Èimà vouèste prouchan coumo vou‐meme.
20Aqueou jouin’ ôme li respoundé: Ai garda toutei aquelei coumandamen desempuèi ma jouinesso: que mi manqu’ encaro?
21Jèsu li digué: Se voulè ’stre parfè, anà, vendè tou ce qu’ avè, e dounà‐lou ’i paoure, e aourè ’n tresor din lou cièle; puèi venè, e suivè‐mi.
22Aqueou jouin’ ôm’ aousèn aquestei paraoulo, s’ en‐ané tou triste; parço qu’ aviè de gran bèn.
23Jèsu digué à sei diciple: Vou diou en verita qu’ un rich’ intrara pa ’isa din lou rouyaoume doou cièle.
24Vou va diou enca ’n coou: Es pu ’isa qu’ un camèou passe par lou traou d’ un’ aguyo, que v’ es qu’ un rich’ intre din lou rouyaoume doou cièle.
25Sei dicipl’ aousèn aquelei paraoulo, nen sièguéroun abasourdi, e disièn: Cu pourra doun èstre saou va?
26Jèsu lei regardan, li digué: Acô ’s impoussibl’ eis ôme; mai tout es poussibl’ à Diou.
27Alor Pèire prenèn la paraoulo, li digué: Pèr naoutre, vià qu’ avèn tou quita, e que v’ avèn suivi: que sera doun la recoumpenso que nen reçubren?
28E Jèsu li digué: Vou diou en verita que pèr vaoutre que m’ avè suivi, cour’ aou tèn de la rejeneracièn lou Fiou de l’ ôme sera ’sseta su lou trone de sa glouaro, serè tambèn asseta su douje trone, e jujarè lei douje tribu d’ Israèl.
29E cu que siègue qu’ abandounara pèr moun noun soun oustaou, vô sei frèro, vô sei sur, vô soun pèro, vô sa mèro, vô sa mouyè, vô seis enfan, vô sei tèrro, nen reçubra lou cèntuple, e aoura pèr èiritáji la vid’ etèrnèlo.
30Mai fouèsso qu’ avièn esta lei proumiè, seran lei darniè; e fouèsso qu’ avièn esta lei darniè, seran lei proumiè.
Currently Selected:
San Matiou 19: OCI1866
Highlight
Copy
Compare
Share
Want to have your highlights saved across all your devices? Sign up or sign in
Published in London in 1866.
