Rom 12
12
ANUT INAN TAOZ INAN NIŊON ME TAZEŊ TAOZ, 12:1—15:13
Tinid gun tenauwoi
1Mewoi ŋa Anut inan kanimlon aŋ ŋogodoanaŋ, taiggaz, aŋ nami tinimi ja bas egin Anut gamun funiime melon anaupŋan, me Anut biŋan bisek niŋon.#Rom 6:13; Pet I 2:5 2Aŋ tealakwain mai so akol mon, tea, ilogazek faun nauknauklon aŋ ibulaŋpa, meginpe aŋ kibianip anasiwoi Anut dodin ibol me aloŋoi, abaŋte gauai, gamun funi niŋon mok mai.#Ef 4:23; Ef 5:10, 17; Gal 1:4
Kristus wagenlon id ŋagas tatoznen tea.
3Kanim panaglak melon aŋ daŋan dudumi ŋepaiaŋ, tata sibenoi iduselak me nenazip so kankan mon, ilon kaginkagindaŋan mon kankan, Anut ilonlon maliknen daŋanlon iwaelak egin.#Kor I 12:11; Ef 4:7 4Id tinid taimonlon boi iben kuzumdaŋange boi daŋan nadin uzat taimon tea egin,#Kor I 12:12 5megin id mai kuzumge Kristuslon tinid taimon, ge id leŋadlon nug boiboi temadotame.#Kor I 12:27 6Kanim panadlak uzig id suzuzum funfundaŋange melon uzat tenauŋan: azu flaletap me inad ilodlon maliknen mai idusawoi.#Ef 4:25; Kor I 12:4 7Gaten dinek uzattap gaten dinek uzatlon; peteŋanek uzattap peteŋaneklon.#Pet I 4:10, 11 8I me tamolai tansae pinidinime ŋan tansae paneklon; me i lo iwaime me buben taimonlon inauwoi. Ta i gaten uzat inauime i zubutekdaŋan inauwoi. Me i aentawoi teŋaen alange anedin iduime i jaugjauglon itozoi.#Mat 6:3; Kor II 8:2; 9:7
Anutlon id nug tain egin tatozoi
9Nami ilopanek me malabiabnen teaboi, abaŋ salan zezeŋani, abaŋ gauai amodoani.#Tim I 1:5; Amos 5:15 10Taintain egin nug lami ipinidin, nug biŋan biseklon tiwomi apazep atoz.#Pet II 1:7 11Zubutekdaŋan, sileŋ tea amado; Uzgunlon lami wonananpa Ujanzen idini.#Fil 2:3; Bo 3:15 12Nami suzuazouklon jumi isa, pineklon naseknasekdaŋanpa, gadiŋlon amadolalonoi.#Tes I 5:17 13Gungaz waizlak me anedin adu, panu tawainoi lo kaginlon atoz.#Heb 13:2
14Me i diŋiliaŋ duzaŋdime iwoi dadom azu abol; dadom azu pidin, meselanek azu tea.#Mat 5:44; Kor I 4:12 15Ladin gauaige demadodime me maip lami gauaioi, ditadime me maip ata,#Kan 35 16Nugnug lami taimonpa amado; latnen bisiaŋoi lami so ibol mon, tea, mitingaz maip amatal. Aŋ sebami mon lami kagindaŋan so abol mon.#Rom 15:5 17Tata salan naon salan ta so pani mon, abaŋ tamolpain daŋan meladinlon kagin gizaudlak mewoi lami gazep atoz.#Tes I 5:15; Mar 9:50 18Dal ientap aŋ anaunen aloŋame egin tamolpain daŋan maip mazoz mon amado,#Heb 12:14 19wezamigaz, sebami wadan so abi mon, tea, Anut inan buzun isaknen aben anau. Gazelak ienime, Ja naon paneknen me ŋainag, ŋa naon ŋipinidinoi.#Lew 19:18; Mat 5:39; Deut 32:35 20Ge me oina agez pitol funimap futui, i nazoi imatmap naz pani. O megin unaumap o inan buzun sufunip tulufunek paniume.#Mat 25:21, 22; Mat 5:44 21Abaŋ salan me tiwo so taze mon, tea, kagin gauailon kagin salan tiwon taze.
Currently Selected:
Rom 12: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
