Popular Bible Verses from Rom 12

Share

Aŋ tealakwain mai so akol mon, tea, ilogazek faun nauknauklon aŋ ibulaŋpa, meginpe aŋ kibianip anasiwoi Anut dodin ibol me aloŋoi, abaŋte gauai, gamun funi niŋon mok mai.

Mewoi ŋa Anut inan kanimlon aŋ ŋogodoanaŋ, taiggaz, aŋ nami tinimi ja bas egin Anut gamun funiime melon anaupŋan, me Anut biŋan bisek niŋon.

Nami suzuazouklon jumi isa, pineklon naseknasekdaŋanpa, gadiŋlon amadolalonoi.

Abaŋ salan me tiwo so taze mon, tea, kagin gauailon kagin salan tiwon taze.

Taintain egin nug lami ipinidin, nug biŋan biseklon tiwomi apazep atoz.

Nami ilopanek me malabiabnen teaboi, abaŋ salan zezeŋani, abaŋ gauai amodoani.

Dal ientap aŋ anaunen aloŋame egin tamolpain daŋan maip mazoz mon amado

wezamigaz, sebami wadan so abi mon, tea, Anut inan buzun isaknen aben anau. Gazelak ienime, Ja naon paneknen me ŋainag, ŋa naon ŋipinidinoi.

Zubutekdaŋan, sileŋ tea amado; Uzgunlon lami wonananpa Ujanzen idini.

Kanim panaglak melon aŋ daŋan dudumi ŋepaiaŋ, tata sibenoi iduselak me nenazip so kankan mon, ilon kaginkagindaŋan mon kankan, Anut ilonlon maliknen daŋanlon iwaelak egin.

Tata salan naon salan ta so pani mon, abaŋ tamolpain daŋan meladinlon kagin gizaudlak mewoi lami gazep atoz.

Nugnug lami taimonpa amado; latnen bisiaŋoi lami so ibol mon, tea, mitingaz maip amatal. Aŋ sebami mon lami kagindaŋan so abol mon.

Ge me oina agez pitol funimap futui, i nazoi imatmap naz pani. O megin unaumap o inan buzun sufunip tulufunek paniume.

Me i diŋiliaŋ duzaŋdime iwoi dadom azu abol; dadom azu pidin, meselanek azu tea. Ladin gauaige demadodime me maip lami gauaioi, ditadime me maip ata

Gungaz waizlak me anedin adu, panu tawainoi lo kaginlon atoz.

Id tinid taimonlon boi iben kuzumdaŋange boi daŋan nadin uzat taimon tea egin, megin id mai kuzumge Kristuslon tinid taimon, ge id leŋadlon nug boiboi temadotame.