Israel Kan 97
97
1Ujanzen gaten madoime, tan zigeŋan;
nuinui judin isaŋan!
2Timtaen mafuz tukan ma i lilitig diendime;
taoz talek tiduk mai me inan pezatiu inan fod.
3Jananek i naonnen imugsaime,
baŋen daŋanlon inan daŋekgaz niniadinime.
4Inan lelei me tan fatu lelaman paniime;
tan inasig terere ibolime.
5Anut naonnen did me gubuzuz inan taen egin jalon iauime,
tan daŋan inan Ujanzen naonnen.
6Did me Anut inan taoz disigianidime;
fatufatuwain inan kubel denasidime.
7Mazoz naonnen digoddime me daŋan mamai deŋaledime,
ŋan i me mazoz sewoi azu fezafuz diboldime me;
tibud daŋan i naonnen detakokdime.
8Sion iloŋ jaun isa maiime,
Juda inan nanunpain muguzuŋ denau,
O Anut, oina betenaekoi.
9O, Ujazen, o tan daŋanlon latnen madoume;
o tibud daŋan nenazag latnen moklak.
10Me i kagin salan dezezeŋanidime i Ujanzen ilon pinidinime;
i inan gungaz tinidin tiziniime;
salanbibian nimadinlon i tataz iŋalime.
11Taozgazoi sul baŋen inauime,
bubudin tiduklak i judin deŋalewoi.
12O taozgaz, aŋ Ujanzenlon zigiaŋ,
inan nean gun pez apani.
Currently Selected:
Israel Kan 97: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
