Israel Kan 98
98
1Ujanzen kanam faun ta abip apani,
i abaŋ kubelkubel inaulakoi!
Inan niman waŋ sinan, niman sukusuk
gunlon mai seŋanilak.
2Ujanzen inan seŋanekoi beŋten ibollak,
inan fun panupanuwain meladinlon boboloanilak.
3I inan ilopanek segatekdaŋan,
Israelbadimoi inan buben maliknen mai ilon isou.
Tan wadanwadan inad Anut inan seŋaneknen denasilak.
4Tan daŋan zigieklon Ujanzen muguzuŋ anau apani;
jumidaŋan kanam ipisinip kalel mai abi!
5Laiarlon Ujanzenoi kalel abi,
laiarlon kokoŋ saeklon mai!
6Sabuŋ horn inan babeŋlon mai
jumidaŋan Kiŋ, Ujanzen naonnen muguzuŋ anauwoi!
7Mas ibobŋan, ilonnen fuamime daŋan mai;
tan fatu, i me dufuamdime mai!
8Lom nimadin dipilitip depaniwoi;
bubun judindaŋan temanip diabiwoi
9Ujanzen naonnen, i isowoilakoi,
tan kibiai paniwoi.
I tan fatu kagin taozlon betenaewoi,
fatufatuwain kagin tiduklon italoi.
Currently Selected:
Israel Kan 98: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
