Israel Kan 96
96
1Aŋ Ujanzen dug faun ta abip apani;
tan daŋan Ujanzen kanam abip apani!
2Ujanzenoi abip apani, neanoi azu gamun abol;
nal uziuzip inan patunisanenoi sai anipe.
3Panupanuwain leŋadinlon inan kubeloi abol,
inan nauknauk kubeldaŋan fatufatu inan tamolai ilonnen!
4Ujanzen i ujan, kalel gauz jabeknen iwoi iduse;
tibud daŋan ilonnen tamolai iwoi dizutoi.
5Fatufatugaz nadin tibud me mazoz monlakoi;
ge Ujanzen i did inaulak.
6Biŋan sutannen kagin mai i naonnen ien;
inan ab gun zagun bala gizauddaŋan ienime.
7Ujanzenoi abol, fatufatu nadin samungaz,
iwoi abol, Ujan i kubel tiwondaŋan mai!
8Ujanzenoi kubel inan neanoi iduselak mewoi abol;
janauk inan abaŋ aŋalep ubouablon ala!
9Jamel gauaidaŋan Ujanzen naonnen sibiniap adu;
tan daŋan i naonnen terere ibol!
10Panupanu leŋadinlon abol, Ujanzen gaten madoime!
Au, tan seŋanig ien, gaid saziznen tea;
i kagin taozlon fatufatuwain bitiniawoi.
11Did jaun isap tan zigewoi;
mas ibobpa ilonnen diendime me sazi desae;
12um kalel diabip ilonnen abaŋ daŋan mai!
Meginpe gazaŋ inan ja daŋan judinlon dug diabiwoi,
13Ujanzen naonnen, i isowoi,
tan betenaewoi isowoilakoi.
I panupanu kagin taozlon bitiniawoi,
fatufatuwain inan azu maliklon.
Currently Selected:
Israel Kan 96: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
