Israel Kan 9
9
Kanamkamaŋ: Mut‐labben inan. Dawid inan kanam.
1Ŋa bubegdaŋan Ujanzen pez ŋepaniwoi;
ŋa oina nauknauk kubel daŋanoi sai ŋaniwoi.
2Ŋa jaug isap olon zigiagoi,
ŋa, o Sutan Mok, neawoi kalel ŋabiwoi.
3Inag agez dutuzubulekmeg
i depeselaug o naonen depadal.
4O ŋainag azu tali tiduklakoi;
o pezatiulak matalmeg azu gauai betenaelak.
5O panupanuwain bebanag, salanbibiangaz o pitiŋinalak;
o dedeŋanipnen neadin bedazelak.
6Agez me depadal, dedeŋanip meladin teaboi;
inadin panu o ugutlak;
tata iwoi ladin so isouime.
7Ujanzen bo gaid pezatiulak matalime,
i inan pezatiu betenaekoi inaulak;
8I kagin taozlon fatufatu betenaeime,
tamolpain kagin tiduklon bitiniaime.
9Ujanzen i modoanekgaz nadin kaboŋ,
saen salan inan kaboŋ.
10I me oina nea diloŋ me denau depanodime,
i o debezanodime, Ujazen me o so ubinlakoi.
11Ujanzen Sionlon madoime kalel apani!
Tamolai ilonnen inan nauknaukoi sai ani!
12I me daz fuzekoi naon inauime i alangazoi ilon isouime;
alan denaudime inadin tiŋia me so ilon padalime.
13Ujazen, kanim ŋale panagpe!
i ŋa dezezeŋanaglak sinan ŋa kin gauz alan ŋenauŋame,
o me mateŋ auanlonge bisiagume me.
14Meginpe ŋa oina biŋa funfun ŋibisawoi,
Sion nanunpain inan panu damonlon,
oina tetazekŋaleknenoi jaug isawoi.
15Panupanugaz i lof me i desazelak melon dibal didulak;
dob i dimiŋianilak me i sebadin niedin ijablak.
16Ujanzen siben boboloanig beŋten idulak, i abaŋ betenaelak;
salanbibiangaz i sebadin nadin nimadin inan uzatlon zikalak. Higaion. Sela
17Salanbibiangaz i Hadeslon didulawoi,
panupanu me Anut ladin padalime me.
18Anut alangaz me gaid ilon so padaloi,
waizgaz nadin suzuazouk niŋon me gaid so teaboi.
19Umaispa, Ujazen, tamol kin geg panipe;
panupanu o naonen betenaek deŋalewoi!
20Ujazen Dizutnen pinidinpe,
panupanu i tamol mon me kin peteŋanap diloŋpe! Sela
Currently Selected:
Israel Kan 9: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
