Israel Kan 8
8
Kanamkamaŋ: gitit inan kanam. Dawid inan kanam.
1O Ujazen, amnama Ujanzen,
malik, ina nea tan fatu daŋanlon sutange ien!
Oina kubel did latnenlak sazi desaedime,
2ai kamo, ai tinadin wozi denaulak mai auadinlon,
O daŋekgazoi sep upaulak,
o agez, naon panekoi ibolime me mai auadin tutumuniwoilakoi.
3Ŋa oina did ŋedeleŋanip, nima tikun inan uzat,
fulei patui mai unaulak me dab ŋepanip;
4tamol abaŋte tat me o dab paniume,
tamolai ait tat o tiziniume me?
5Ge o ina walislon Anut siben egin, kin paenlon unaulak,
o kubel biŋan mai sinan lilitkubel gatenlak unauume.
6Ina nima inan nauknauk inan gaten inauwoi upailak;
abaŋ daŋan inan nien paenlon unaulak,
7belelek bulmakau daŋan mai,
gazaŋ inan dazuk daŋan mai,
8ma did paenlon, mas inan ij mai,
abaŋ mas inan dal duzig ditozdime me daŋan.
9O Ujazen, amnama Ujanzen,
malik, ina nea tan fatu daŋanlon sutange ien!
Currently Selected:
Israel Kan 8: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
