Israel Kan 62
62
Kanamkamaŋ inan: Jedutun sinan. Dawid inan kanam ta.
1Anutoi mon nitug to ibolge malan inauime,
i izinnenge patugisanen isoime,
2I siben mon inag pat patugisanen mai,
inag kaboŋ mai, ŋa gauz so ŋesazizoi.
3Saen pitep aŋ tamol adaŋep
ipitiŋiniwoi, aŋ daŋan,
mad sakek, az imaulak egin?
4Latnenpa debetetanip iduwoi nean denau.
Azu sekaukoi dimatdime.
Auadinlon kibineknen azu diboldime,
ladinlon bo meselaneknen azu ien. Sela
5Anutoi mon nitug to ibolge malan inauime,
i mon inag suzuazouk fun.
6I siben inag pat patugisanen mai,
inag kaboŋ, ŋa ŋetelelaunen tea.
7Anut siben inag tetazekŋaleknen biŋag mai inan fod;
ŋainag pat gegaun, ŋainag seafuknen mai me Anut.
8O tamolpain, saen daŋan i anau apani;
bubumi inan azu daŋan i apai;
Anut i idinad seafuknen aben. Sela
9Tamol mitin i jaeŋ ŋalek taimon egin,
tamol biŋadindaŋan i sewozaik dikol;
skeillon i so diduse;
daŋan jaeŋ ŋalek nenazig pasak, niŋon tea.
10Wozaik kagin so anau apani,
ponauoi so suzuazou mon;
filiamidaŋantap bubumi me so apani mon.
11Anut ibol taimon;
e me ŋaloŋ azugen:
Anut mon tiwondaŋan;
12ilopanek segatekdaŋan mai me o izinen mon ien, Ujazen.
O tamol i inaulak egin,
megin o naon paniume.
Currently Selected:
Israel Kan 62: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
