Israel Kan 61
61
Kanamkamaŋ inan: kanamdazuk woldaŋan. Dawid inan kanam ta.
1Inag wagiŋ uloŋŋan, O Anut,
ŋainag gadiŋ dab pani;
2tan wadannenge ŋa o ŋiwigio,
bubeg bodo ibolmap.
O duzagpa, pat me nenazag
kin latnen ien melon;
3O ŋainag seafuknen aben,
malau bubun gegaun agez diŋianen.
4Oina tazaslon sansanpe ŋemadowoi so pizianag mon!
O oina bani paenlon seafuknen ŋa ŋeŋalepes! Sela
5O Anut, o auag abaŋoi malik e ibollak uloŋ,
me i oina neaoi dizutdime inadin fuzan ŋa mai panaglak.
6Kiŋ inan madoknen melaen panipe;
inan umaz daz uzek daŋan mai idusawoi!
7Anut naonnen i gaid pezatiulak mataloi;
kibiai unaup ilopanek segatekdaŋan buben maliknen mai me tiziniwoi!
8Meginpe ŋa sansan neaoi kalel ŋabiwoi,
ŋa nal daŋan auag malik e ibollak niŋon ŋenaug itasaime egin.
Currently Selected:
Israel Kan 61: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
