Israel Kan 63
63
Dawid inan kanam ta. I Judea inan fatu udaulon mademeg sepalelak.
1O Anut, o ŋainag Anut, ŋa ŋebezano,
nitug i owoi nazoi egin imat;
tinig owoi jaeŋ sufutaniime,
tan kazak dal makaiu naz mileknen tealak egin.
2Meginge ŋa oina ab gunlon ŋedeleŋano ŋenasog
oina tiwo kubel mai dab ŋepani.
3Oina ilopanek segatekdaŋan me tanlak madoknen nenazi,
fiziŋog owoi kalel jabiwoi.
4Mewoi kibineknen azu mon ŋepanop mateŋ mon geg;
nimag ŋibisap oina nea ŋewagiwoi.
5Nitug me dog inan numuzan, numuzan ta mai kin gauz janilak
egin, auag inan fiziŋon jaundaŋan owoi kalel jabiime,
6ŋa ŋainag badimlak owoi komkommap,
tidom inan mezaziklon owoi kankan maimap.
7O ŋainag aneg udunenlakoi,
oina bani inan jauŋlon ŋa jaugjaug dug ŋabiŋame.
8Nitug olon bugatig madoime;
nima waŋ me satuk panagime.
9Ge i me tinig funip imatoi defenafun
i tan ilonnen didulawoi.
10I sebuzi inan malanlon depadaloi,
i jakal nadin anaŋ denauwoi.
11Ge kiŋ i Anutlon zigewoi;
me i‐lon malik e dibol i auadin ujanoi;
sekaukgaz nadin auadin butunip pinidinoi.
Currently Selected:
Israel Kan 63: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
