Israel Kan 49
49
Kanamkamaŋ inan. Kora inan ai nadin kanam.
1Azu e aloŋ, fatufatu inan tamolai!
Tan inan tamolpain, aŋ daŋan tiliŋami po ibol,
2mitingaz ujanujangaz mai,
filiangaz waizgaz daŋan mai!
3Auag i kaginkaginoi iboloi;
bubeg inan kankan me kagin fun taloŋnen.
4Tiliŋag i azu metelaen idaŋewoi;
inag azu bekanek laiar saeklon ŋeflalewoi.
5Dodinge alansaenlon inag ŋalekuzekgaz
nadin aupasek lilitagmap ŋazezoi,
6tamol me filiadin denau depani,
nadin filiadin gauzoi auadin fezafuzime iwoi ŋazezoi?
7Malik, tamol tata siben tinin idadnen tea,
tinin inan ja naon mai Anut paninen so iloŋ.
8Tinin inan naon me zen,
siben naon idusanen inaunen tea,
9dedeŋanip dedeŋanip madop
lof kin so nasiwoi.
10Au, i iloŋoi ladin kaginkagindaŋan me mai dimatdime,
tamol gedagad, ilon bekanilak me mai teabdime,
inadin filiadin dibinip aenta i diŋal.
11Tan inan saenlon fedafod me gaid nadin ab,
daz uzek daŋanlon melon demadowoi,
tan a me inadin e dibolmeg.
12Tamol i inan jes gizauddaŋan sansan so madowoi,
i dazuk dimatdimelak egin.
13Tata me dedeladalge azu niŋon teab me denau depanilak i megin,
ŋan i me, Ŋainag abaŋ iduse dibol, inadin wadan megin. Sela
14Belelek egin i Loflon dilanen tinidin saelak;
mateŋ me nadin tizinek;
fedafodlon tiduk didudime,
tinidin imauwoi;
Lof me inadin panu.
15Ge Anut Hades inan tiwonlonge ŋainag nitug idadoi,
i ŋa ŋiliagoilakoi. Sela
16Tata i filiandaŋanmap o mewoi so uzut mon,
inan ab biŋan ujanmap mai.
17I imatmap i abaŋ ta so bezaup ilawoilakoi;
inan kubel i so uziwoi.
18I bas mademap i buben gauai e iboltap,
tamol i kagin maidaŋan filiandaŋan mai itozmeg biŋan dibiselak,
19megin mon mai taman inan uzekgaz zidinnen ilawoi,
me tanlak ad faun so denasiwoi.
20Tamol i inan kubel gizaudlon madonen tea,
i dazuk dimatdimelak ikol.
Currently Selected:
Israel Kan 49: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
