Israel Kan 50
50
Asaf inan kanam ta.
1Tiwondaŋan, Anut Ujanzen,
azu ibol, tan wagiime
ad imaisime ileg idulaime me geg.
2Sionlonge panu gizaud tezepasek mok,
Anut lelamandaŋan itasaime.
3Inad Anut isoime, i to so ibolime,
i naonnen ja ujan naniime,
tim ujan lilitig ienime.
4I did salo latnen iwogime,
tan salo mai, tamolpain bitiniawoilakoi:
5Bubumi malikdaŋan, aŋ naognen atemani,
aŋ janauklon ŋa mai temanek tenaulak!
6Did me inan taoz sigianiime,
Anut siben betenaekkamaŋlakoi. Sela
7Ŋainag tamolpain aloŋpe, ŋa azu ta ŋaboloi,
O Israel, ŋa aŋoi tinin saek azu ta ŋaboloi.
Ŋa Anut, aŋnami Anut.
8Ŋa nami janaukoi so ŋebebanaŋŋame;
nami nanek inan janauk me sansan naognen iduseg ienime.
9Bulmakau dauai ta nami panulon so ŋeŋalewoi,
dazuk inan badinlonge gout dauai mai ŋamoi.
10Gazaŋ inan dazuk daŋan me ŋainag,
bulmakau bubun 1000‐lon depetetaleg ditozdime me.
11Did paenlon ma daŋan ŋaloŋ,
abaŋ umlon ditozdime me daŋan ŋainag.
12Pitol funagpe me ŋa o so ŋepaowoi;
tan, abaŋ ilonnen ienime me daŋan mai ŋainaglakoi.
13Ŋa bulmakau dauai nadin mudan ŋaniŋame,
gout inan daz ŋimiliŋame tat?
14Pez panek inan ja anaup Anut apani,
nami blani paneknen azu Anut latnen niŋon apani;
15nal alanlon ŋa wigiag;
ŋa aŋ putumi pasiwoi, meginpe aŋ biŋag ibisawoi.
16Ge salanbibiangaz Anut ipidin,
It ibolge aŋ ŋainag kibiaiŋ abol iduime,
it paiaŋge aŋ ŋainag temanekoi abolame?
17Aŋ azu uzi panek azezeŋaniame,
ŋainag azu muzuminen anauame.
18Aŋ ponauwain anasimap aŋ inan tizan anauame;
aŋ jaitwain mai atoz taimoname.
19Abaŋ salanoi aŋ auami se apasiame,
belami me abaŋ sekauk kibineime.
20Aŋ timioi uf anaumeg amatal;
aŋ tinami inan aioi azu salan abolame.
21Aŋ abaŋ e anaulakge ŋa to ŋabol;
aŋ lamilon abol ŋa aŋ ŋekalaŋ.
Ge gazo ŋa ŋebebanaŋ, tinimi ŋesaeŋame.
22Mewoi e dab apani, aŋ me Anut lami padalame me,
teap ŋa ŋufunaŋpa tata aŋ so tetazaŋ ŋiliaŋoi!
23I me janauklon pez paneknen inaumap,
i biŋag bisaime;
i me inan dal gauai pilianiime,
ŋa Anut inan patunpaseknen ŋepeteŋaniwoi.
Currently Selected:
Israel Kan 50: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
