Israel Kan 48
48
Dug ta. Kora inan ai nadin kanam.
1Ujanzen i ujan, iwoi kalel gauz tabinen iduse,
idinad Anut inan panulon!
2Inan did gun, biseg latnen gizaud mok,
fatufatu nadin zigiek.
Did Sion nord baŋenlon mok,
idinad Kiŋ ujan inan panu.
3Inan mad ilonnen Anut i
sep niŋon mok egin beŋten itaselak.
4Nasi, kiŋgaz detemani,
gugup depaug didu.
5I denasimeg i dizut,
i pulufunag bezazou diabig diau;
6tererek tinidin jabilak, melak,
pain ai duziwoi inauime zoazuk jabilak egin.
7O kazaglon Tarziz inan wag pitiŋinalak.
8Am aloŋlak egin, megin anasi mai,
Ujanzen daupdaŋan inan panulon,
inad Anut inan panulon,
me Anut inaug dedeŋanip ienoi. Sela
9O Anut, am oina ilopanek segatekdaŋan kankanlak,
oina tempel ilonnen.
10O Anut, oina nea egin,
megin kalel jabek tan wadannen ilaime.
Oina nima waŋ me seŋanekdaŋan;
11Did Sion jau isape!
Juda inan nanunpain zigiape,
oina betenaekoi!
12Sionlon tazeŋ wabipe, tilianip utoz,
inan malau bubun sutape,
13inan mad gauai dab pani,
inan kaboŋ nasiwoi ilonnen udula;
meginpe o daz uzek ta upaiwoi,
14Anut ŋan e,
idinad Anut dedeŋanip dedeŋanipnen.
I sansanpe idinad duzek madowoi.
Currently Selected:
Israel Kan 48: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
