Israel Kan 47
47
Kanamkamaŋ inan. Kora inan ai nadin kanam.
1Tamolpain daŋan nimami piliti!
Anutoi jumi isaknen dug gik abolpa abi!
2Ujanzen latnen mok iwoi tazutnen iduse,
i tan daŋan inan kiŋ ujan.
3I tamolai aenta ifug peamalon inaulak,
panupanu niema paenlon idizilak.
4I idinad fuzan pilianig panadlak,
me Jakob i ilon panilak iwoi ilon gamun mailak. Sela
5Anut i babeŋlon itaselak,
Ujanzen i dum iweklon latnen ile.
6Anutoi kalel abi, kalel abi!
Inad Kiŋoi kalel abi, kalel abi!
7Anut i tan fatu daŋan nadin kiŋ;
kanamlon iwoi kalel abi!
8Anut panupanu nadin gaten inaug madoime;
Anut i inan pezatiu gunlak matalime.
9Fatufatu inan tamolpain nadin kiŋ detemanidime,
Abraham inan Anut paenlon.
10Tan e inan gubiz me Anut inan;
i Ujanzen, biŋan ujan.
Currently Selected:
Israel Kan 47: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
