Israel Kan 44
44
Kanamkamaŋ inan. Kora inan ai nadin Maskil ta.
1O Anut, am tiliŋamalon aloŋlak,
temamagaz depaiamalak,
nauknauk o inadin saenlon,
nal getnenlon unaulak menen.
2O sibe nimalon panupanugaz kudua,
ge i abedinlon unaulak;
panupanu o abaŋabaŋlon ufulak,
ge i o upasge se ditozlak.
3Sebadin nadin sebuzilon fatu so deŋale,
sebadin nadin nimadinlon so seŋana;
tea, oina nima waŋlon, oina nima gudunlon,
oina nao inan leleilon seŋana,
o iwoi gamun funoimelakoi.
4O ŋainag kiŋ, ŋainag Anut mai,
me Jakoboi seŋaneknen kibineumelak.
5Olon am nama agez abitame;
oina nealon am nama wagaitamol apuzotoanaame.
6Ŋa inag fi so ŋenau ŋepani,
ŋainag sebuzi patug pasinen tea.
7Ge o nama agez nimadinlon putuma pasilak,
dumugunumadime me o deladalnen pinidinlak.
8Anutlon auama gaid fezafuzlak,
dedeŋanip oina nea pez apaniwoi. Sela
9Ge o bitimag biŋama wiziamalak,
o nama daup maig so adug atozlak.
10O unaug am agez miz ipinidinge au;
agez i nama abaŋ diŋalge dilelak.
11O belelek saeknen egin sagen noamalak,
panupanu ilonnen pititiliamalak.
12O oina tamolpain gaŋmalan nenamunlon mon udadge dilelak,
iwoi gaŋmalan kin kuzumoi so ujeuzilak.
13O unaug mudubangaz am‐oi dizawaik azu diboldime,
zimanen demadodime i dezezeŋanama dujusunuma mai.
14O noamag am panupanu leŋadinlon neama alan saz egin desaedime,
tamolaigaz i amoi di diwadime.
15Dizawaikgaz zezeŋanekgaz mai nadin azuoi,
agezgaz wagazgaz mai denesamameg,
16iwoi nal melaen daŋan abaŋ ewoi tinig fa ibolime,
mamai naog toanilak.
17Ge am o lama so padallak,
oina temaneknenoi mai sekauk so anaulakge
abaŋ e daŋan fomalak idu.
18Bubuma so tuzubuleklak,
niema inan pazek oina dal so binilak,
19menen o jakal ilonnen noamap funumawoi,
mafuz tinanlon mai toanamawoi.
20Am nama Anut inan nean lama padalpe,
tea, nimama tibud basoi ibisape,
21Anut me so tat dab paniwoi?
I buben inan azu miŋianek iloŋ
22Tea, owoilakoi am nal melaen daŋan pututumalak,
am belelek siadinoi sagen nauklak egin.
23Ujazen, tini seflalep! dodinge uwen padal
Umaispa, o gaid so betetanama mon!
24Aitoige nao miŋianiume?
Dodinge nama alan, nama modoanek mai ilo padalime?
25Nutuma kulukallon idulak;
tinima tan e jabilak.
26Umaispa anema udu!
Ina ilopanek segatekdaŋan sinan tetazama ŋiliamape.
Currently Selected:
Israel Kan 44: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
