Israel Kan 45
45
Kanamkamaŋ inan. Kora inan ai nadin Maskil ta, Gog sinan. Bezezeŋanek dug.
1Bubeg kanam gamun sepaleime;
ŋainag kanam kiŋ ŋepaiŋame;
baleg me gazekkamaŋ inan mapasin egin.
2Tamol nadin ai ilonnen o ai gizaud, aenta daŋan nenaza;
fiziŋo maŋau panig azu kamaŋ ibolime;
mewoi Anut kibiniog sansanpe.
3O tamol tiwo, oina kubellon biŋa zenlon mai
oina sebuzi talilak sububutip wabi!
4O sutanlak sinan azu malikoi, kagin taoz tizininenoi
seŋanop daiap ula
nima waŋ me dizutnen inan nauknaukoi peteŋanowoi!
5Kiŋ inan agez bubudin saekoi
oina tu me malandaŋan;
tamolpain paelon dibal didudime.
6Ina pezatiu didnen me dedeŋanipnen.
Oina kiŋ nauknen tok me tiduk;
7o taoz ilo paniume, kagin salan zezeŋaniume.
Mewoi Anut, oina Anut, jaun paneknen
gazeŋlon ina wozou ilonnen pilianog buzugusolak;
8oina jamel daŋan gazeŋ mimin siziun mai ifofok.
Ab gizaudlon dugdazuk woldaŋan desaemeg jau isaime;
9kiŋ nadin nunudinpain i pain biŋadindaŋan aenta ilonnen ditozdime;
nima waŋlon kwin Ophir inan goldlon baladaŋange itiuzime.
10Nanugpain, uloŋ, kankanpa tiliŋa daŋep;
inagaz, tama inan panu mai ilo padalpe;
11meginpe kiŋ i tini nao mai gamunlak i owoi imatoi.
I oina Ujanzen, mewoi i naonnen o nao takok;
12Tirus inan tamolpain i abaŋ lo depanomap ilo deŋalewoi,
tamolai filiadin daŋan i filian kuzumlon ilo deŋalewoi.
13Kiŋ inan aipain i inan galuŋlon jamel goldlon bala depanilak nuleg madoime;
14i jamel bala funfundaŋan kiŋ izinnen duduzidime,
inan wozou inan aipain maig diladime.
15Judin isag muguzuŋ denau maig
i kiŋ inan ab zenlon diladime.
16Nami ai temami noadin diŋalp
fatu daŋanlon i kiŋ inan ai matu denauwoi.
17Ŋa ŋenaup neami daz uzek daŋanlon biŋan dibisawoi;
mewoilakoi panupanugaz dedeŋanip dedeŋanip kalel diabip depanowoi.
Currently Selected:
Israel Kan 45: GDD1960
Highlight
Copy
Compare
Share
Want to have your highlights saved across all your devices? Sign up or sign in
New Testament published by the British and Foreign Bible Society in 1960. Genesis published by the Australian Bible Society in 1971.
